13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >14^th Session>Unstarred questions Answers

Answer Provided

Answer Not Yet Provided

THIRTEENTH KLA - 14^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ആത്മ പദ്ധതി

2733.

ശ്രീ.വി.ശിവന്‍കുട്ടി : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	നേമം നിയോജക മണ്ഡലത്തിലെ കോലിയക്കോട് പാടശേഖര സമിതിക്ക് ആത്മ പദ്ധതിയിലുള്‍പ്പെടുത്തി അനുവദിക്കപ്പെട്ട 12.50 ലക്ഷം രൂപ പ്രസ്തുത സമിതിക്ക് ലഭ്യമാക്കിയിട്ടുണ്ടോ;

(ബി)	ഇല്ലെങ്കില്‍ എന്തുകൊണ്ട്; ആയതിന്റെ വിശദാംശങ്ങൾ ലഭ്യമാക്കുമോ;

(സി)	ഇക്കാര്യത്തില്‍ കൃഷി വകുപ്പിലെ ഏതെങ്കിലും ഉദ്യോഗസ്ഥരുടെ ഭാഗത്തുനിന്ന് വീഴ്ചയോ അനാസ്ഥയോ ഉണ്ടായിട്ടുണ്ടോ; ഉണ്ടെങ്കില്‍ പ്രസ്തുത ഉദ്യോഗസ്ഥര്‍ക്കെതിരെ എന്തു നടപടി സ്വീകരിക്കാനാണ് സര്‍ക്കാര്‍ ഉദ്ദേശിക്കുന്നത് എന്ന് വ്യക്തമാക്കുമോ?

നീര ഉല്‍പാദനം

2734.

ശ്രീ.എം.പി.വിന്‍സെന്‍റ്
,, വി.റ്റി.ബല്‍റാം
,, ഡൊമിനിക് പ്രസന്റേഷന്‍
,, സി.പി.മുഹമ്മദ് : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	നീര ഉല്‍പ്പാദിപ്പിക്കുന്നതില്‍ നിലനിന്നിരുന്ന തടസ്സങ്ങള്‍ പരിഹരിക്കുന്നതിനായിട്ടുണ്ടോ ; എങ്കില്‍ അത് സംബന്ധിച്ച് സ്വീകരിച്ചിട്ടുളള നടപടികള്‍ വിശദമാക്കുമോ ;

(ബി)	നീര ഉല്‍പാദനത്തിനും പ്രചരണത്തിനുമായി മാതൃകാ സംരംഭങ്ങള്‍ക്ക് ആരംഭം കുറിച്ചിട്ടുണ്ടോ ; എങ്കില്‍ അത് സംബന്ധിച്ച നടപടികള്‍ ഏത് ഘട്ടത്തിലാണെന്ന് വ്യക്തമാക്കുമോ ;

(സി)	നീര ഉല്‍പാദനത്തിന് അനുയോജ്യമായ തെങ്ങുകള്‍ എത്ര ഇനമുണ്ടെന്നും അനുയോജ്യമായ പ്രദേശങ്ങള്‍ ഏതൊക്കെയെന്നും കണ്ടെത്തിയിട്ടുണ്ടോ ; എങ്കില്‍ അത് സംബന്ധിച്ച വിവശദവിവരം നല്‍കാമോ ?

നെൽ കർഷകർക്കുള്ള ആനുകൂല്യം

2735.

(എ)	തിരുവനന്തപുരം ജില്ലയിലെ നേമം കൃഷി ഭവനിലെ ഉദ്യോഗസ്ഥര്‍, നെല്‍വയലുകള്‍ നികത്താന്‍ താല്പര്യപ്പെടുന്ന ചില ഭൂവുടമകളുടെ സഹായത്തോടെ നെല്‍കൃഷി അട്ടിമറിക്കുന്നതായും രണ്ടാം വിള കൃഷി ചെയ്യാത്തവര്‍ക്ക് പദ്ധതി ആനുകൂല്യങ്ങള്‍ ലഭിക്കാനായി ശിപാര്‍ശകള്‍ നല്‍കുന്നതായും ഉള്ള പരാതികള്‍ ലഭിച്ചിട്ടുണ്ടോ ;

(ബി)	എങ്കില്‍ പ്രസ്തുത പരാതികളിന്മേല്‍, കുറ്റക്കാരായ ഉദ്യോഗസ്ഥര്‍ക്കെതിരെ എന്തു നടപടിയാണ് സ്വീകരിച്ചത് എന്ന് വ്യക്തമാക്കുമോ ?

പുറം ബണ്ട് നിർമ്മാണം.

2736.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ പാടശേഖരങ്ങളുടെ പുറം ബണ്ട് നിര്‍മ്മാണത്തിന് കൃഷി വകുപ്പ് ധനസഹായം നല്‍കുന്നുണ്ടോ;ഇതിന്റെ മാനദണ്ഡം വ്യക്തമാക്കാമോ;

(ബി)	പുറം ബണ്ട് നിര്‍മ്മാണത്തിന് കൃഷി വകുപ്പ് നല്‍കുന്ന ധനസസഹായം എത്രയാണെന്ന് അറിയിക്കാമോ; ഇതു സംബന്ധിച്ച് പുതുക്കിയ മാനദണ്ഡം നിലവിലുണ്ടോ;

(സി)	കൃഷിനാശം സംഭവിച്ച കൃഷിക്കാര്‍ക്ക് നല്‍കി വരുന്ന നഷ്ടപരിഹാരത്തിന്റെ പുതുക്കിയ നിരക്കുകള്‍ എത്രയാണെന്ന് അറിയിക്കാമോ; ഇതില്‍ സംസ്ഥാന സര്‍ക്കാര്‍ വഹിക്കുന്ന തുക ,കേന്ദ്ര ഗവണ്‍മെന്റ് വഹിക്കുന്ന തുക ഇവ എത്രയെന്ന് അറിയിക്കാമോ?

കൃഷി ഓഫീസിന് കെട്ടിടം

2737.

ശ്രീ.ആര്‍. രാജേഷ് : താഴെ കാണുന്ന ചോദ്യത്തിന് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	മാവേലിക്കര മണ്ഡലത്തിലെ വള്ളിക്കുന്നം ഗ്രാമപഞ്ചായത്തില്‍ കൃഷിഓഫീസിന് സ്വന്തമായി കെട്ടിടം നിര്‍മ്മിക്കുന്നതിന് നടപടികള്‍ സ്വീകരിക്കുമോ ; ആവശ്യമായ തുക അനുവദിക്കുമോ ; വിശദാംശങ്ങള്‍ ലഭ്യമാക്കുമോ ?

കൃഷി വകുപ്പ് വക ഭൂമി

2738.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യത്തിന് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	2011 മേയ് മാസം മുതല്‍ 2015 മേയ് വരെയുള്ള കാലയളവിൽ കൃഷി വകുപ്പ് വക എത്ര ഭൂമിയാണ് വിവിധാവശ്യങ്ങള്‍ക്കായി മറ്റു വകുപ്പുകള്‍ക്കും സ്ഥാപനങ്ങള്‍ക്കും ഏജന്‍സികള്‍ക്കുമായി വിട്ടു നല്‍കിയിട്ടുള്ളത് എന്ന് വ്യക്തമാക്കാമോ ; വിശദാംശം വെളിപ്പെടുത്താമോ ?

കേരള പ്ലാന്റേഷന്‍ കോര്‍പ്പറേഷന്റെ കൈവശഭൂമി.

2739.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയില്‍ കേരള പ്ലാന്റേഷന്‍ കോര്‍പ്പറേഷന്റെ കൈവശം ആകെ എത്ര ഏക്കര്‍ ഭൂമിയാണ് ഉള്ളതെന്ന് വ്യക്തമാക്കാമോ ;

(ബി)	കഴിഞ്ഞ 2006ന് ശേഷം പ്ലാന്റേഷന്‍ കോര്‍പ്പറേഷന്‍ കൈവശ ഭൂമിയിൽ നിന്ന് എത്ര ഭൂമിയാണ് സ്ഥാപനങ്ങള്‍ക്കും വ്യക്തികള്‍ക്കും പതിച്ചുകൊടുത്തതെന്ന് സ്ഥാപനം, വ്യക്തി, വര്‍ഷം, പതിച്ചുകൊടുത്ത ഭൂമിയുടെ അളവ് എന്നിവയുടെ പട്ടിക ലഭ്യമാക്കാമോ ?

വാടക കെട്ടിടങ്ങളിലെ കൃഷി ഒാഫീസുകള്‍

2740.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി ജില്ലയില്‍ സ്വന്തമായി കെട്ടിടം ഇല്ലാത്ത എത്ര കൃഷി ഒാഫീസുകള്‍ പ്രവര്‍ത്തിക്കുന്നുണ്ട് ; വിശദാംശം നല്‍കാമോ ;

(ബി)	പഞ്ചായത്ത് ഒാഫീസുകളോട് ചേര്‍ന്ന് കെട്ടിട സൗകര്യം ഉണ്ടായിട്ടും മറ്റു കെട്ടിടങ്ങളില്‍ വാടകയ്ക്ക് പ്രവര്‍ത്തിക്കുന്ന സാഹചര്യം ഒഴിവാക്കാന്‍ സ്വീകരിച്ച നടപപടികള്‍ വിശദീകരിക്കാമോ ;

കൃഷി നശിച്ചവര്‍ക്കുള്ള നഷ്ടപരിഹാരം

2741.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിക്ഷോഭത്തില്‍ കൃഷി നശിച്ചവര്‍ക്ക് നഷ്ടപരിഹാരം നല്‍കുന്നത് സംബന്ധിച്ച കേന്ദ്ര സര്‍ക്കാരിന്റെ നിര്‍ദ്ദേശം നടപ്പാക്കുന്നുണ്ടോ ;

(ബി)	പുതുക്കിയ നിരക്കില്‍ നാശനഷ്ടം കണക്കാക്കുമ്പോള്‍ കര്‍ഷകര്‍ക്ക് ലഭിക്കുന്ന നഷ്ടപരിഹാരം മുന്‍കാലങ്ങളേക്കാള്‍ കുറവാണ് എന്ന പരാതി ശ്രദ്ധയില്‍പ്പെട്ടിട്ടുണ്ടോ ;

(സി)	ഇത് പരിഹരിക്കുന്നതിനാവശ്യമായ ഉത്തരവ് പുറപ്പെടുവിക്കുമോ ?

നടപടി നേരിടുന്ന വ്യക്തിക്ക് കാര്‍ഷിക പദ്ധതി ആനുകൂല്യങ്ങള്‍

2742.

(എ)	നേമം നിയോജകമണ്ഡലത്തിലെ കോലിയക്കോട് പാടശേഖരത്തില്‍ സ്വന്തം നിലത്തിന്റെ പകുതിയോളം നികത്തിയതിന് സബ് കളക്ടറുടെ നടപടി നേരിടുന്ന വ്യക്തിക്ക്, മുഴുവന്‍ സ്ഥലത്തിനും കാര്‍ഷിക പദ്ധതി ആനുകൂല്യങ്ങള്‍ നല്‍കുന്നതിനുള്ള ശുപാര്‍ശകള്‍ നേമം കൃഷിഭവന്‍ ഉദ്യോഗസ്ഥര്‍ നല്‍കുന്നതായുള്ള പരാതികള്‍ ലഭിച്ചിട്ടുണ്ടോ ;

(ബി)	ഉണ്ടെങ്കില്‍ ആയതിന്മേല്‍ സ്വീകരിച്ചിട്ടുള്ള നടപടികള്‍ എന്തൊക്കെയാണെന്നു വിശദമാക്കുമോ ?

അഗ്രോ സര്‍വ്വീസ് സെന്ററുകള്‍

2743.

ശ്രീ.ബെന്നി ബെഹനാന്‍
,, എ.പി.അബ്ദുള്ളക്കുട്ടി
,, തേറമ്പില്‍ രാമകൃഷ്ണന്‍
,, ഷാഫി പറമ്പില്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	അഗ്രോ സര്‍വ്വീസ് സെന്ററുകളുടെ പ്രവര്‍ത്തനം ആരംഭിച്ചിട്ടുണ്ടോ ;

(ബി)	എങ്കില്‍ ഇത് വഴി എന്തെല്ലാം ലക്ഷ്യങ്ങള്‍ കൈവരിക്കാനാണ് ഉദ്ദേശിക്കുന്നത് ;

(സി)	ഇത്തരം എത്ര സര്‍വ്വീസ് സെന്ററുകള്‍ പ്രവര്‍ത്തിക്കുന്നുണ്ട് ; വിശദാംശങ്ങള്‍ എന്തെല്ലാം ?

നെല്‍ കര്‍ഷകര്‍ക്ക് സഹായം

2744.

ശ്രീ.ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	നെല്‍ക്ര‍ഷകര്‍ക്ക് എന്തെല്ലാം സഹായങ്ങളാണ് നല്‍കുന്നതെന്ന് വിശദമാക്കാമോ;

(ബി)	കരിനില വികസന ഏജന്‍സികളിലൂടെ പാടശേഖരങ്ങള്‍ക്ക് എന്തൊക്കെ ആനുകൂല്യങ്ങളാണ് നല്‍കുന്നത്; വ്യക്തമാക്കാമോ;

(സി)	നെല്‍കര്‍ഷകര്‍ക്ക് നല്‍കി വന്നിരുന്ന സബ്‍സിഡി നിര്‍ത്തലാക്കിയിട്ടുണ്ടോ; വ്യക്തമാക്കാമോ;

ഹൈടെക് ഹരിത ഗ്രാമങ്ങള്‍

2745.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	മാതൃകാ ഹൈടെക് ഹരിത ഗ്രാമങ്ങള്‍ ജില്ലയില്‍ ഒന്ന് എന്ന കണക്കില്‍ 14 എണ്ണം സ്ഥാപിക്കപ്പെടുന്നതാണ് എന്ന 2013-14 ലെ ബഡ്ജറ്റ് പ്രസംഗത്തിലെ പ്രഖ്യാപനം നടപ്പാക്കപ്പെട്ടിട്ടുണ്ടോ ;

(ബി)	ഇത് ഏതെല്ലാം ജില്ലകളില്‍ എവിടെയെല്ലാം സ്ഥാപിക്കപ്പെട്ടുവെന്ന് അറിയിക്കാമോ ?

കര്‍ഷക കടാശ്വാസ കമ്മീഷന്‍ അപേക്ഷകള്‍

2746.

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കര്‍ഷക കടാശ്വാസ കമ്മീഷന്റെ കൈയില്‍ നാളിതുവരെ എത്ര അപേക്ഷകള്‍ ലഭിച്ചു ; ആയതില്‍ എത്ര എണ്ണം തീര്‍പ്പാക്കി ; ഇനി എത്ര അപേക്ഷകള്‍ തീര്‍പ്പാക്കാനുണ്ട് ; വ്യക്തമാക്കുമോ ;

(ബി)	കര്‍ഷക കടാശ്വാസ കമ്മീഷന്റെ നിര്‍ദ്ദേശത്തെ തുടര്‍ന്ന് ഈ സര്‍ക്കാര്‍ കാലയളവില്‍ നാളിതുവരെ എത്ര തുക കര്‍ഷകര്‍ക്ക് നല്‍കി ; ജില്ല തിരിച്ച് വ്യക്തമാക്കുമോ ;

(സി)	കര്‍ഷകരെ സഹായിക്കുന്നതിനുപകരം അവരുടെ പ്രശ്നങ്ങള്‍ തീരി‍പ്പാക്കാതെ നീട്ടിക്കൊണ്ടുപോകുന്ന പ്രവണത തടയുവാനും കര്‍ഷകരുടെ പ്രശ്നങ്ങള്‍ അടിയന്തരമായി പരിഹരിക്കാനുമായി എന്ത് നടപടി സ്വീകരിക്കുമെന്ന് വ്യക്തമാക്കുമോ ;

(ഡി)	കമ്മീഷന്റെ കൈവശം ലഭിച്ച അപേക്ഷകളിന്മേല്‍ തീര്‍പ്പാക്കാനുള്ളവ സമയബന്ധിതമായി അതായത് അപേക്ഷ ലഭിച്ച് മൂന്ന് മാസത്തിനകം തീര്‍പ്പാക്കാന്‍ അടിയന്തര നിര്‍ദ്ദേശം നല്‍കേണ്ടതുണ്ടെങ്കില്‍ നിയമഭേദഗതിയ്ക്ക് ഉള്‍പ്പെടെ എന്ത് നടപടി സ്വീകരിക്കുമെന്ന് വ്യക്തമാക്കുമോ ?

കര്‍ഷക കടാശ്വാസ കമ്മീഷന്‍ തീര്‍പ്പാക്കാനുള്ള അപേക്ഷകള്‍

2747.

ശ്രീമതി.കെ.കെ.ലതിക : താഴെ കാണുന്ന ചോദ്യത്തിന് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കര്‍ഷക കടാശ്വാസ കമ്മീഷന് മുമ്പാകെ ഇപ്പോള്‍ എത്ര അപേക്ഷകളാണ് തീര്‍പ്പാക്കാനുള്ളത് എന്ന് വ്യക്തമാക്കാമോ; ജില്ല തിരിച്ചുള്ള കണക്ക് ലഭ്യമാക്കാമോ ?

മില്‍മ മാതൃകയില്‍ കാര്‍ഷിക സഹകരണ സംഘങ്ങള്‍.

2748.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	മില്‍മയുടെ പ്രവര്‍ത്തന മാതൃകയില്‍ കാര്‍ഷികോത്പന്നങ്ങള്‍ കര്‍ഷകര്‍ക്കും ഉപഭോക്താക്കള്‍ക്കും പ്രയോജനപ്രദമാകും വിധം വിപണനം നടത്തുന്നതിന് വികസന ബ്ലോക്ക് തോറും കാര്‍ഷിക സഹകരണ സംഘങ്ങള്‍ രൂപീകരിക്കുമെന്ന 2014-15ലെ ബജറ്റ് പ്രഖ്യാപനം നടപ്പാക്കിയോ;

(ബി)	എത്ര വികസന ബ്ലോക്കുകളില്‍ ഇത്തരത്തില്‍ സംഘങ്ങള്‍ രൂപീകരിച്ചിട്ടുണ്ട് എന്നറിയിക്കാമോ;

(സി)	ഏതെല്ലാം കാര്‍ഷിക ഉല്‍പ്പന്നങ്ങളാണ് ഈ സംഘങ്ങള്‍ മുഖേന സംഭരണം ചെയ്തിട്ടുള്ളത് ?

അടയ്ക്ക കര്‍ഷക സംരക്ഷണ പാക്കേജ്

2749.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	2011-12-ലെ ബജറ്റിലും 2014-15-ലെ ബജറ്റിലും കാസര്‍കോഡ് ജില്ലയിലെ അടയ്ക്ക കര്‍ഷകരെ സംരക്ഷിക്കുന്നതിനായി പാക്കേജ് പ്രഖ്യാപിച്ചിരുന്നുവോ ; എങ്കില്‍ ആയത് നടപ്പാക്കിയിട്ടുണ്ടോ ; വിശദാംശങ്ങള്‍ നല്‍കാമോ ;

(ബി)	പ്രസ്തുത പാക്കേജ് പ്രകാരം എത്ര തുക വീതം ചെലവഴിക്കപ്പെട്ടുവെന്നറിയിക്കാമോ ?

സോയില്‍ ഹെല്‍ത്ത് കാര്‍ഡ്

2750.

ശ്രീ.വര്‍ക്കല കഹാര്‍
,, കെ.അച്ചുതന്‍
,, വി.റ്റി.ബല്‍റാം
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കര്‍ഷകര്‍ക്ക് സോയില്‍ ഹെല്‍ത്ത് കാര്‍ഡുകള്‍ നല്‍കുന്നതിന് പദ്ധതി തയ്യാറാക്കിയിട്ടുണ്ടോ ;

(ബി)	പ്രസ്തുത പദ്ധതി വഴി എന്തെല്ലാം ലക്ഷ്യങ്ങളാണ് കൈവരിക്കാന്‍ ഉദ്ദേശിക്കുന്നത് ; വിശദമാക്കുമോ ;

(സി)	പ്രസ്തുത കാര്‍ഡുകളില്‍ എന്തെല്ലാം വിവരങ്ങളാണ് രേഖപ്പെടുത്താനുദ്ദേശിക്കുന്നത് ; വിശദമാക്കാമോ ;

(ഡി)	പദ്ധതി നടത്തിപ്പിന് എന്തെല്ലാം നടപടികള്‍ സ്വീകരിച്ചിട്ടുണ്ട് ; വിശദമാക്കുമോ ?

സംയോജിത കൃഷിത്തോട്ടം പദ്ധതി

2751.

ശ്രീ.ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംയോജിത കൃഷിത്തോട്ട പദ്ധതി പ്രകാരം ഓരോ പഞ്ചായത്തിലും 10 കൃഷിത്തോട്ടം എന്ന കണക്കില്‍ 10000 കൃഷിത്തോട്ടങ്ങള്‍ സ്ഥാപിക്കുമെന്ന 2013-14 വര്‍ഷത്തെ ബഡ്ജറ്റിലെ സംസ്ഥാന പതാക നൗക പരിപാടിയില്‍പ്പെടുത്തി നടത്തിയ പ്രഖ്യാപനം നടപ്പാക്കപ്പെട്ടിട്ടുണ്ടോ ;

(ബി)	എങ്കില്‍ എത്ര പഞ്ചായത്തുകളില്‍ ഇത്തരത്തില്‍ കൃഷിത്തോട്ടം സ്ഥാപിക്കപ്പെട്ടു ;

(സി)	എത്ര കൃഷിത്തോട്ടങ്ങള്‍ സംസ്ഥാനത്തൊട്ടാകെ സ്ഥാപിക്കപ്പെട്ടുവെന്നറിയിക്കാമോ ?

റബ്ബര്‍ വിലയിടിവുമൂലം കര്‍ഷകആത്മഹത്യ

2752.

(എ)	റബ്ബര്‍ വിലയിടിവുമൂലം കടക്കെണിയിലായ എത്ര കര്‍ഷകര്‍ ആത്മഹത്യ ചെയ്തിട്ടുണ്ടെന്ന് അറിയിക്കുമോ ;

(ബി)	ഇവരുടെ കുടുംബത്തിന് എന്തെങ്കിലും സഹായം ചെയ്തിട്ടുണ്ടോ ; വിശദമാക്കുമോ ;

(സി)	ഏത് വര്‍ഷം മുതലാണ് വിപണിയില്‍ റബ്ബറിന് വിലയിടിഞ്ഞത് ;

(ഡി)	ഇതിന്റെ കാരണം എന്താണെന്ന് പരിശോധിച്ചിട്ടുണ്ടോ ?

ഇടുക്കി, കുട്ടനാട് പാക്കേജ്

T 2753.

ശ്രീ.പി.സി. ജോര്‍ജ് : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	ഇടുക്കി, കുട്ടനാട് പാക്കേജ് നടപ്പിലാക്കുന്നതിന്റെ ഭാഗമായുള്ള നടപടികള്‍ ഏതു ഘട്ടം വരെയായിട്ടുണ്ട് ; വിശദമാക്കുമോ ;

(ബി)	ഈ പാക്കേജിന്റെ ലക്ഷ്യം എന്താണ് ; ഇതിന്റെ ഗുണഭോക്താക്കളെ ഏതു മാനദണ്ഡത്തിലാണ് നിശ്ചയിക്കുന്നത് ; വിശദമാക്കുമോ ;

(സി)	പ്രസ്തുത പാക്കേജിന്റെ ഭാഗമായി സര്‍ക്കാര്‍ എത്ര തുക നീക്കിവച്ചിട്ടുണ്ട് ;

(ഡി)	ഈ പാക്കേജില്‍ കേന്ദ്ര സഹായം ലഭിക്കുമോ ; ഉണ്ടെങ്കില്‍ ഇതിന്റെ വിശദാംശം വ്യക്തമാക്കുമോ ?

കാര്‍ഷിക വിപണന കേന്ദ്രങ്ങള്‍

2754.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംയോജിത സേവന വിതരണത്തിന്റെ ഭാഗമായി, തെരഞ്ഞെടുക്കപ്പെട്ട സ്ഥലങ്ങളില്‍ കേന്ദ്ര സഹായത്തോടെ കാര്‍ഷിക വിപണന കേന്ദ്രങ്ങള്‍ (Malls) സ്ഥാപിക്കുമെന്ന 2014-15 ലെ ബജറ്റ് പ്രഖ്യാപനം നടപ്പാക്കിയിട്ടുണ്ടോ ;

(ബി)	എങ്കില്‍ എവിടെയൊക്കെയാണ് ഇത്തരം കേന്ദ്രങ്ങള്‍ സ്ഥാപിക്കപ്പെട്ടിട്ടുള്ളതെന്ന വിവരം നല്‍കാമോ ?

കാര്‍ഷിക ഇന്‍ഷ്വറന്‍സ്

2755.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് നിലവിലുള്ള കാര്‍ഷിക ഇന്‍ഷ്വറന്‍സ് പദ്ധതികള്‍ ഏതെല്ലാം; ഓരോ പദ്ധതിയുടെയും വിശദാംശങ്ങള്‍ വ്യക്തമാക്കുമോ;

(ബി)	ഇൗ പദ്ധതികളിലൂടെ കഴിഞ്ഞ 4 വര്‍ഷം എ്രത കര്‍ഷകര്‍ക്ക് സാമ്പത്തിക സഹായം ലഭിച്ചു; ജില്ല തിരിച്ചുള്ള വിശദാംശങ്ങള്‍ ലഭ്യമാക്കുമോ;

(സി)	എ്രത രൂപയുടെ സാമ്പത്തിക സഹായം കഴിഞ്ഞ നാലു വര്‍ഷം ഇൗ പദ്ധതിയിലൂടെ കര്‍ഷകര്‍ക്ക് ലഭിച്ചിട്ടുണ്ടെന്ന് വ്യക്തമാക്കുമോ?

നെല്‍കൃഷി

2756.

ശ്രീ.രാജു എബ്രഹാം : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	ഇൗ സര്‍ക്കാര്‍ അധികാരത്തില്‍ വരുമ്പോള്‍ സംസ്ഥാനത്ത് എത്ര ഹെക്ടറില്‍ നെല്‍കൃഷി ഉണ്ടായിരുന്നു ; ഇപ്പോള്‍ എത്ര ഹെക്ടറില്‍ നെല്‍കൃഷി ഉണ്ടെന്ന് പറയാമോ ;

(ബി)	ഈ സര്‍ക്കാര്‍ അധികാരത്തില്‍ വന്ന ശേഷം തരിശ്ശായി കിടന്ന എത്ര ഹെക്ടര്‍ ഭൂമിയിലാണ് കൃഷി പുനരാംരംഭിച്ചത് ; ഇതു വഴി എത്ര ടണ്‍ നെല്ല് അധികമായി ഉല്‍പ്പാദിപ്പിക്കാന്‍ കഴിഞ്ഞു എന്ന് പറയാമോ;

(സി)	കൃഷി നാശം സംഭവിച്ച എത്ര കര്‍ഷകര്‍ക്ക് എത്ര രൂപ വീതം കഴിഞ്ഞ വര്‍ഷം നഷ്ടപരിഹാരം നല്‍കി എന്നു പറയാമോ?

പാലക്കാട് ജില്ലയിലെ ജൈവ പച്ചക്കറി കൃഷി .

2757.

ശ്രീ.എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയില്‍ ജൈവ പച്ചക്കറി കൃഷി പ്രോത്സാഹിപ്പിക്കുന്തിന് എന്തെല്ലാം പദ്ധതികളാണ് കൃഷി വകുപ്പ് നടപ്പിലാക്കിയിട്ടുള്ളത്;

(ബി)	ഗ്രോ ബാഗുകളുടെ വിതരണം ഈ വര്‍ഷം ഏതെല്ലാം കൃഷി ഭവനുകളിലാണ് നടപ്പിലാക്കുന്നത്;

(സി)	ഇതിന് എത്ര രൂപയാണ് കര്‍ഷകരില്‍ നിന്നും ഈടാക്കുന്നത്; സബ്സിഡി തുക എത്രയാണ്?

കുട്ടനാട്, ഇടുക്കി പാക്കേജുകള്‍ .

T 2758.

ശ്രീ.എ. കെ. ശശീന്ദ്രന്‍
,, തോമസ് ചാണ്ടി : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)

കുട്ടനാട്, ഇടുക്കി പാക്കേജുകള്‍ കേന്ദ്ര സര്‍ക്കാര്‍ എന്നാണ് അനുവദിച്ചത് ; ഇതിനാവശ്യമായ ഫണ്ട് കേന്ദ്ര സര്‍ക്കാരില്‍ നിന്നും ലഭിച്ചിട്ടുണ്ടോ ;പ്രസ്തുത പാക്കേജുകളുടെ മേല്‍നോട്ടം വഹിക്കുന്ന പ്രത്യേക ഓഫീസ് നിര്‍ത്തലാക്കണമെന്ന് കൃഷി വകുപ്പ് ഡയറക്ടര്‍ സര്‍ക്കാരിന് കത്ത് നല്‍കിയിട്ടുണ്ടോ ; എങ്കില്‍ കാരണം വ്യക്തമാക്കാമോ ;

(ബി)	കാര്‍ഷിക മേഖലയ്ക്ക് കോടികളുടെ ധനസഹായം ലഭിക്കുന്ന പാക്കേജ് സമയബന്ധിതമായി നടപ്പിലാക്കാന്‍ കേന്ദ്ര സര്‍ക്കാര്‍ നിര്‍ദ്ദേശിക്കുന്ന മാനദണ്ഡങ്ങള്‍ അനുസരിച്ച് വിശദപദ്ധതി റിപ്പോര്‍ട്ടുകള്‍ സമര്‍പ്പിച്ചത് എന്നാണെന്ന് വ്യക്തമാക്കാമോ ;

(സി)	പ്രസ്തുത പാക്കേജുകളുടെ മേല്‍നോട്ടം വഹിക്കുന്നതിനായി സ്പെഷ്യല്‍ ഓഫീസറെ നിയമിച്ചിട്ടുണ്ടോ ; ഇല്ലെങ്കില്‍ കാരണം വ്യക്തമാക്കാമോ ;

(ഡി)	തണ്ണീര്‍മുക്കം ബണ്ട് നവീകരണം, കുട്ടനാട്ടിലെ പാടശേഖരങ്ങളുടെ പുറംബണ്ട് നിര്‍മ്മാണം എന്നിവയുടെ പുരോഗതി വിലയിരുത്താമോ ?

തെങ്ങുകൃഷി പ്രോത്സാഹനം

2759.

(എ)	കേടായ തെങ്ങുകള്‍ വെട്ടിമാറ്റി പുതിയവ നട്ടുപിടിപ്പിക്കുന്ന പദ്ധതിയിലൂടെ എത്ര തെങ്ങുകള്‍ കഴിഞ്ഞ സാമ്പത്തിക വർഷം വിതരണം ചെയ്തിട്ടുണ്ട്; കേടായ തെങ്ങ് വെട്ടിമാറ്റുന്നതിന് കര്‍ഷകര്‍ക്ക് നല്‍കുന്ന തുക എത്രയാണ് ;

(ബി)	തെങ്ങു കയറ്റക്കാരുടെ കുറവുമൂലം കര്‍ഷകര്‍ തെങ്ങു കൃഷിയില്‍ നിന്നും പിന്മാറുന്ന സാഹചര്യത്തില്‍ തെങ്ങുകയറ്റക്കാരുടെ അഭാവം പരിഹരിക്കാന്‍ എന്തൊക്കെ നടപടികളാണ് സ്വീകരിച്ചിട്ടുളളത് ?

കാഞ്ഞങ്ങാട് കാര്‍ഷിക മേഖലയുടെ അടിസ്ഥാന വികസനം

2760.

(എ)	കാഞ്ഞങ്ങാട് നിയോജക മണ്ഡലത്തില്‍ നബാര്‍ഡ് പദ്ധതിയില്‍ ഉള്‍പ്പെടുത്തി കാര്‍ഷിക മേഖലയുടെ അടിസ്ഥാന വികസനം സാധ്യമാക്കുന്നതിനായി എം.എല്‍.എ യുടെ നിര്‍ദ്ദേശപ്രകാരം പദ്ധതികള്‍ സമര്‍പ്പിച്ചിട്ടുണ്ടോ ;

(ബി)	എങ്കില്‍ ഇതു സംബന്ധിച്ച് എന്തെങ്കിലും നടപടികള്‍ സ്വീകരിച്ചിട്ടുണ്ടോ ; വിശദാംശങ്ങള്‍ ലഭ്യമാക്കാമോ ?

മട്ടുപ്പാവ് കൃഷി

2761.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	നഗരങ്ങളിലും ഗ്രാമങ്ങളിലും ജൈവകൃഷിയുമായി ബന്ധപ്പെടുത്തി മട്ടുപ്പാവ് കൃഷിയ്ക്ക് പുതിയ രൂപരേഖ തയ്യാറാക്കുമോ ;

(ബി)	ഇതിലേയ്ക്കായി തുടര്‍ച്ചയായ മേല്‍നോട്ടത്തിന് കൃഷിഭവനുകള്‍ക്ക് കീഴില്‍ കൂടുതല്‍ കൃഷി അസിസ്റ്റന്റുമാരെ നിയമിക്കുമോ ?

കോലിയക്കോട് ഏലായിലെ നെൽകൃഷി

2762.

(എ)	പാപ്പനംകോട് നേമം നിയോജക മണ്ഡലത്തിലെ കോലിയക്കോട് ഏലായില്‍ നെല്‍കൃഷിയുടെ വ്യാപ്തി വര്‍ദ്ധിപ്പിക്കുന്നതിനായി എന്തെല്ലാം നടപടികളാണു സ്വീകരിച്ചതെന്നു വിശദമാക്കാമോ ;

(ബി)	കഴിഞ്ഞ സീസണിനെക്കാള്‍ എത്ര കൂടുതൽ വിസ്തൃതിയിലേക്ക് നെല്‍കൃഷി വ്യാപിപ്പിക്കാന്‍ ഈ സീസണില്‍ സാധിച്ചിട്ടുണ്ട് എന്നും ഇല്ലെങ്കില്‍ എന്തുകൊണ്ട് എന്നും വിശദമാക്കുമോ ?

ജെെവകാര്‍ഷിക മണ്ഡലം പദ്ധതി

2763.

ശ്രീ.എം.എ. വാഹീദ്
,, പി.എ.മാധവന്‍
,, ടി.എന്‍. പ്രതാപന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തെ സമ്പൂര്‍ണ്ണ കാര്‍ഷിക സംസ്ഥാനമാക്കുവാനായി ജെെവകാര്‍ഷിക മണ്ഡലം എന്ന പദ്ധതി കൃഷി വകുപ്പ് ആവിഷ്കരിച്ചിട്ടുണ്ടോ ?

(ബി)	ഇൗ ലക്ഷ്യം കെെവരിക്കുന്നതിനായി ജെെവകാര്‍ഷിക മണ്ഢലം എന്ന പദ്ധതി കൃഷി വകുപ്പ് ആവിഷ്കരിച്ചിട്ടുണ്ടോ?

കൊയ്ത്തുമെതി യന്ത്രങ്ങള്‍ .

2764.

(എ)	ആലപ്പുഴ ജില്ലയിലെ നെല്‍കര്‍ഷകര്‍ക്ക് കൊയ്ത്തുമെതിയന്ത്രങ്ങള്‍ ലഭ്യമാക്കാന്‍ എന്തൊക്കെ നടപടികളാണ് സ്വീകരിച്ചിട്ടുള്ളത്; വിശദമാക്കാമോ;

(ബി)	ആലപ്പുഴ ജില്ലയ്ക്ക് എത്ര കൊയ്ത്തുമെതിയന്ത്രങ്ങളാണ് അനുവദിച്ചിട്ടുള്ളത്; ഇൗ യന്ത്രങ്ങളുടെ ഉടമസ്ഥാവകാശവും സംരക്ഷണവും ഏത് ഏജന്‍സിക്കാണ്; വ്യക്തമാക്കാമോ;

(സി)	എന്തു മാനദണ്ഡത്തിന്‍െറ അടിസ്ഥാനത്തിലാണ് പാടശേഖര സമിതികള്‍ക്ക് കൊയ്ത്ത് മെതിയന്ത്രങ്ങള്‍ നല്‍കുന്നത്;

(ഡി)	കൊയ്ത്തുമെതിയന്ത്രങ്ങള്‍ക്ക് ജി.പി.എസ് സംവിധാനം ഏര്‍പ്പെടുത്തിയിട്ടുണ്ടോ; വിശദമാക്കാമോ;

(ഇ)	ആലപ്പുഴയിലെ പാടശേഖരങ്ങള്‍ക്ക് അനുയോജ്യമായ കൊയ്ത്തുമെതിയന്ത്രങ്ങള്‍ ലഭ്യമാക്കാന്‍ നടപടി സ്വീകരിക്കുമോ;

(എഫ്)

കൊയ്ത്തു സീസണില്‍ കൊയ്ത്തുമെതിയന്ത്രങ്ങള്‍ വാടകയ്ക്ക് എടുക്കാറുണ്ടോ; ഏത് ഏജന്‍സികളാണ് യന്ത്രങ്ങള്‍ വാടകയ്ക്ക് എടുത്ത് കര്‍ഷകര്‍ക്ക് നല്‍കുന്നത്; വിശദമാക്കാമോ;

(ജി)	സീസണുകളില്‍ അന്യജില്ലകളില്‍ നിന്നും അന്യസംസ്ഥാനങ്ങളില്‍ നിന്നും കൊയ്തുമെതി യന്ത്രങ്ങള്‍ എത്തിച്ച് സ്വകാര്യ വ്യക്തികള്‍ കര്‍ഷകരില്‍ നിന്നും വന്‍ തുക ഇൗടാക്കുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ഇതു പരിഹരിക്കാന്‍ എന്തു നടപടിയാണ് സ്വീകരിച്ചിട്ടുള്ളത്; വിശദമാക്കാമോ?

വേനല്‍മഴയില്‍ ഉണ്ടായിട്ടുള്ള കൃഷിനാശം

2765.

ശ്രീ.എ.കെ.ബാലന്‍
,, കെ.കെ.നാരായണന്‍
,, സി.കെ സദാശിവന്‍
,, സാജു പോള്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	ഇക്കഴിഞ്ഞ വേനല്‍മഴയില്‍ നെല്‍കര്‍ഷകര്‍ ഉള്‍പ്പെടെയുള്ള കര്‍ഷകര്‍ക്ക് ഉണ്ടായിട്ടുള്ള കൃഷിനാശം സംബന്ധിച്ച് വിലയിരുത്തല്‍ നടത്തിയിട്ടുണ്ടോ ;

(ബി)	കൃഷിനാശം സംഭവിച്ചവര്‍ക്ക് എന്തെങ്കിലും സഹായങ്ങള്‍ പ്രഖ്യാപിച്ചിട്ടുണ്ടോ ; എങ്കില്‍ വിശദമാക്കാമോ ;

(സി)	ഇൗ സര്‍ക്കാര്‍ അധികാരമേറ്റ ശേഷം ഇത്തരത്തില്‍ കൃഷിനാശം സംഭവിച്ചതിന് ഏതെല്ലാം അവസരങ്ങളില്‍ ധനസഹായം പ്രഖ്യാപിച്ചിട്ടുണ്ട് ;

(ഡി)	ഇവ പൂര്‍ണ്ണമായും വിതരണം ചെയ്യപ്പെട്ടിട്ടുണ്ടോ ; ഇല്ലെങ്കില്‍ കുടിശ്ശിക സംബന്ധിച്ച വിശദാംശങ്ങള്‍ നല്‍കാമോ ?

നെല്‍കൃഷിയില്‍ നൂതന മാതൃക

2766.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കരനെല്‍കൃഷിയും ഗ്രോബാഗുകളിലെ നെല്‍കൃഷിയും പ്രോത്സാഹിപ്പിക്കുന്നതിന് എന്തെങ്കിലും പദ്ധതികള്‍ ആസൂത്രണം ചെയ്തിട്ടുണ്ടോ; എങ്കില്‍ വിശദാംശം നല്‍കുമോ;

(ബി)	വീട്ടുവളപ്പിലും ഗ്രോബാഗുകളിലുമുള്ള നെല്‍കൃഷി വ്യാപിപ്പിക്കുന്നത് ഭക്ഷ്യസുരക്ഷയ്ക്ക് സഹായകരമാകുമെന്നത് വിലയിരുത്തിയിട്ടുണ്ടോ;

(സി)	സംസ്ഥാനത്ത് വിഷമുക്തമായ ധാന്യം, പച്ചക്കറികള്‍ എന്നിവയുടെ ഉത്പാദനവും ഭക്ഷ്യസുരക്ഷയും മുന്‍നിര്‍ത്തി ഇത്തരം ശ്രമങ്ങള്‍ പ്രോത്സാഹിപ്പിക്കുന്നതിന് കൂടുതല്‍ സര്‍ക്കാന്‍ സഹായം നല്‍കുന്നതിന് തയ്യാറാകുമോ?

കീടനാശിനികളുടെ ഉപയോഗം സംബന്ധിച്ച നയം

2767.

(എ)	കീടനാശിനികളുടെ ഉപയോഗം സംബന്ധിച്ച നയം രൂപീകരിച്ചിട്ടുണ്ടോ ; എങ്കില്‍ വിശദാംശങ്ങള്‍ ലഭ്യമാക്കുമോ ; ഇല്ലെങ്കില്‍ അതിന് നടപടി സ്വീകരിക്കുമോ ;

(ബി)	കാര്‍ഷിക മേഖലയില്‍ കീടനാശിനികള്‍ ഉപയോഗിക്കുന്നത് മൂലമുള്ള പ്രത്യാഘാതങ്ങളെക്കുറിച്ച് പഠനം നടത്തിയിട്ടുണ്ടോ ; എങ്കില്‍ വിശദാംശങ്ങള്‍ ലഭ്യമാക്കുമോ ;

(സി)	ഇവ മനുഷ്യന് ദോഷകരമാകുന്ന തരത്തില്‍ ഉപയോഗിക്കുന്നത് തടയാന്‍ സംവിധാനമുണ്ടോ ; ഉണ്ടെങ്കില്‍ വിശദാംശങ്ങള്‍ നല്‍കുമോ ;

(ഡി)	ജൈവകീടനാശിനികളുടെ ഉപയോഗം ഒരു നയമായി സ്വീകരിച്ചിട്ടുണ്ടോ ; വിശദീകരിക്കുമോ ;

(ഇ)	ജൈവ കീടനാശിനികളുടെ ഉല്പാദനം, വിതരണം, ഉപയോഗം എന്നിവയ്ക്ക് എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ ?

നാളികേരത്തിന്റെ ഉല്പാദനം

2768.

ശ്രീ.കോടിയേരി ബാലകൃഷ്ണന്‍
,, കെ.കുഞ്ഞിരാമന്‍ (ഉദുമ)
,, പി.ടി.എ. റഹീം
,, എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	നാളികേരത്തിന്റെ ഉല്പാദനം കുറഞ്ഞുവരുന്നതായ സര്‍വ്വേ റിപ്പോര്‍ട്ടുകള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)	ഇതു സംബന്ധിച്ച് പരിശോധന നടത്തിയിട്ടുണ്ടോ ; ഉല്പാദനം കുറഞ്ഞതിന് ഉണ്ടായ കാരണങ്ങള്‍ വ്യക്തമാക്കാമോ ;

(സി)	നാളികേര വികസനത്തിനായി ഈ സര്‍ക്കാര്‍ അധികാരമേറ്റ ശേഷം ബജറ്റിലൂടെ പ്രഖ്യാപിച്ച വിവിധ പദ്ധതികള്‍ ഏതൊക്കെയാണ് ; ഇതില്‍ ഏതൊക്കെ നടപ്പാക്കിയിട്ടുണ്ടെന്ന് അറിയിക്കുമോ ;

(ഡി)	പദ്ധതികള്‍ നടപ്പാക്കിയിട്ടും ഉല്പാദനം കുറയുവാനിടയായതിന്റെ കാരണം പരിശോധിക്കുമോ ?

കര്‍ഷകര്‍ക്കുളള നഷ്ടപരിഹാരം

2769.

ശ്രീ.രാജു എബ്രഹാം
ശ്രീമതി.കെ.എസ്.സലീഖ
,, കെ.കെ.ലതിക
ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	പ്രകൃതിക്ഷോഭത്തില്‍ കൃഷി നശിച്ച കര്‍ഷകര്‍ക്കുളള നഷ്ടപരിഹാര- ത്തുകയിൽ വെട്ടിക്കുറവ് വരുത്തിയത്തിന്റെ വിശദാംശങ്ങൾ ലഭ്യമാക്കുമോ;

(ബി)	പ്രസ്തുത നടപടി കൃഷിക്കാരുടെ ആത്മവിശ്വാസം കെടുത്തുന്നതാണെന്ന കാര്യം പരിശോധിച്ചിട്ടുണ്ടോ; എങ്കിൽ വ്യക്തമാക്കുമോ;;

(സി)	പ്രസ്തുത വിഷയം ഉന്നയിച്ച് കര്‍ഷകര്‍ പ്രക്ഷോഭത്തിലാണെന്ന കാര്യം ശ്രദ്ധയിൽപ്പെട്ടിട്ടുണ്ടോ; എങ്കിൽ വിശദാംശം വ്യക്തമാക്കുമോ?

ഹോര്‍ട്ടികോര്‍പ്പിലെ ദിവസവേതനക്കാര്‍

2770.

ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് കൃഷിയും മൃഗസംരക്ഷണവും അച്ചടിയും സ്റ്റേഷനറിയും വകുപ്പുമന്ത്രി സദയം മറുപടി നല്‍കുമോ:

(എ)	ഹോര്‍ട്ടികോര്‍പ്പില്‍ ദിവസവേതനക്കാരായി എത്ര പേര്‍ ജോലിചെയ്യുന്നുണ്ട്; ഇതില്‍ പ്രായപരിധി കഴിഞ്ഞവരും സര്‍വ്വീസ് കൂടുതലുള്ളതുമായ എത്ര പേരുണ്ടെന്നു് വ്യക്തമാക്കുമോ;

(ബി)	ദീര്‍ഘ നാളത്തെ സര്‍വ്വീസ് ഉണ്ടായിരുന്നിട്ടും ഇത്തരം ജീവനക്കാര്‍ക്ക് ആനുകൂല്യങ്ങളൊന്നും ലഭിക്കുന്നില്ലെന്നുള്ള വിവരം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ദിവസവേതനക്കാരായ ജീവനക്കാരെ സ്ഥിരപ്പെടുത്തുന്നതിനാവശ്യമായ നടപടികള്‍ സ്വീകരിക്കുമോ;

(സി)	സ്ഥിരം ജീവനക്കാരുടെ പ്രൊമോഷനുമായി ബന്ധപ്പെട്ട് ഉണ്ടായിട്ടുളള പരാതികള്‍ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ഇക്കാര്യത്തില്‍ മാനേജ്മെന്റും യൂണിയന്‍ പ്രതിനിധികളും തമ്മിലുണ്ടാക്കിയിട്ടുള്ള ധാരണ നടപ്പിലാക്കുന്നതിനുള്ള നടപടികള്‍ സ്വീകരിക്കുമോ;

(ഡി)	ഹോര്‍ട്ടികോര്‍പ്പില്‍ സ്പെഷ്യല്‍ റൂള്‍സ് നടപ്പിലാക്കിയിട്ടുണ്ടോ; ഇല്ലെങ്കില്‍ സ്പെഷ്യല്‍ റൂള്‍സ് നടപ്പാക്കുന്നതിനുള്ള നടപടികള്‍ സ്വീകരിക്കുമോ;

(ഇ)	ഹോര്‍ട്ടികോര്‍പ്പില്‍ ഇ.എസ്.ഐ. സ്കീം നടപ്പിലാക്കുന്നതിന് എന്തെല്ലാം നടപടികള്‍ സ്വീകരിച്ചുവരുന്നുണ്ടെന്ന് വ്യക്തമാക്കുമോ;

(എഫ്)

കഴിഞ്ഞ രണ്ടു വര്‍ഷത്തിനുള്ളില്‍ ഹോര്‍ട്ടി കോര്‍പ്പില്‍ പല ജില്ലകളിലായി എത്ര പേരെ പുതുതായി നിയമിച്ചിട്ടുണ്ടെന്നു വെളിപ്പെടുത്തുമോ;

കേരള കാര്‍ഷിക സര്‍വ്വകലാശാല കൈമാറിയ ഭൂമി

2771.

(എ)	2011 ജൂണ്‍ മാസം മുതല്‍ 2015മേയ് മാസം വരെയുള്ള കാലത്ത് കേരള കാര്‍ഷിക സര്‍വ്വകലാശാലയുടെ ഉടമസ്ഥതയിലുണ്ടായിരുന്ന എത്ര ഭൂമിയാണ് വിവിധ ആവശ്യങ്ങള്‍ക്കായി മറ്റു വകുപ്പുകള്‍ക്കും ഏജന്‍സികള്‍ക്കുമായി കൈമാറിയിട്ടുള്ളത് എന്ന് വ്യക്തമാക്കാമോ;വിശദാംശങ്ങള്‍ നല്‍കാമോ?

ആധുനിക മാംസ സംസ്കരണ ഫാക്ടറി

2772.

(എ)	ചാലക്കുടി മണ്ഡലത്തില്‍പ്പെട്ട പിരയാരം പഞ്ചായത്തിലെ കാഞ്ഞിരപ്പിള്ളിയിലെ എം.പി.ഐ. വക സ്ഥലത്ത് ആധുനിക മാംസ സംസ്കരണ ഫാക്ടറി സ്ഥാപിക്കുന്നതിനുള്ള നടപടികള്‍ ഏത് ഘട്ടത്തിലാണെന്ന് അറിയിക്കാമോ ;

(ബി)	പ്രസ്തുത ഫാക്ടറി സ്ഥാപിക്കുന്നതിന് എന്തെങ്കിലും തടസ്സങ്ങള്‍ നിലവിലുണ്ടോ ;

(സി)	എങ്കില്‍ അവ നീക്കി ഫാക്ടറി നിര്‍മ്മാണം ആരംഭിക്കുന്നതിന് നടപടികള്‍ സ്വീകരിക്കുമോ ?

കോടശ്ശേരി - പരിയാരം വാട്ടര്‍ ട്രീറ്റ്മെന്റ് പ്ലാന്റിന് സ്ഥലം

2773.

(എ)

ചാലക്കുടി മണ്ഡലത്തില്‍പ്പെട്ട പരിയാരം പഞ്ചായത്തിലെ കാഞ്ഞിരപ്പിള്ളിയിലെ എം.പി.ഐ. (മീറ്റ് പ്രൊഡക്ട് ഒാഫ് ഇന്ത്യ ) വക സ്ഥലത്ത് നിന്ന്, കോടശ്ശേരി - പരിയാരം കുടിവെള്ള പദ്ധതിയ്ക്കായി വാട്ടര്‍ ട്രീറ്റ്മെന്റ് പ്ലാന്റ് സ്ഥാപിക്കുന്നതിനായി സ്ഥലം ലഭ്യമാക്കുന്നതിനു സമര്‍പ്പിച്ചിട്ടുള്ള അപേക്ഷയിന്മേല്‍ സര്‍ക്കാര്‍ എന്തു നടപടിയാണ് സ്വീകരിച്ചിട്ടുള്ളത് എന്ന് അറിയിക്കാമോ;

(ബി)	ഇതിനായി സ്ഥലം വിട്ടുനല്‍കുന്നതിനാവശ്യമായ അടിയന്തിര നടപടി സ്വീകരിക്കുമോ?

വെറ്ററിനറി സര്‍ജന്‍മാരുടെ ഒഴിവുകള്‍

2774.

(എ)	കാസര്‍ഗോഡ് ജില്ലയിലെ എത്ര വെറ്ററിനറി ഡിസ്പന്‍സറികളിലും ആശുപത്രികളിലുമാണ് സര്‍ജന്‍മാരുടെ ഒഴിവുകള്‍ ഉള്ളതെന്ന് അറിയിക്കാമോ ;

(ബി)	ഇവിടെ വെറ്ററിനറി സര്‍ജന്‍മാരെ നിയമിക്കുന്നതിന് നടപടികള്‍ സ്വീകരിച്ചിട്ടുണ്ടോ ; എങ്കില്‍ വിശദാംശങ്ങള്‍ ലഭ്യമാക്കാമോ ?

കാഞ്ഞങ്ങാട് വെറ്ററിനറി പോളി ക്ലിനിക്

2775.

(എ)	കാഞ്ഞങ്ങാട് വെറ്ററിനറി പോളി ക്ലിനിക് സ്ഥാപിക്കുന്നതിനുളള നടപടികള്‍ ഏതു ഘട്ടത്തിലാണെന്ന് വ്യക്തമാക്കാമോ ;

(ബി)	പ്രവൃത്തിക്ക് എത്ര തുകയാണ് ചെലവ് പ്രതീക്ഷിക്കുന്നതെന്നും എന്നു പൂര്‍ത്തിയാകുമെന്നും വിശദമാക്കാമോ ?

മൃഗാശുപത്രിയില്‍ ഡോക്ടറെ നിയമിക്കാന്‍ നടപടി

2776.

(എ)	അമ്പലപ്പുഴ തെക്ക് ഗ്രാമപഞ്ചായത്തിലെ മൃഗാശുപത്രിയില്‍ 2011-2015 കാലഘട്ടത്തില്‍ ജോലി ചെയ്ത ഡോക്ടര്‍മാരുടെ പേരും കാലയളവും വ്യക്തമാക്കാമോ;

(ബി)	പ്രസ്തുത കാലഘട്ടത്തില്‍ ഡോക്ടര്‍മാര്‍ ഇല്ലാതിരുന്ന കാലയളവ് വ്യക്തമാക്കാമോ;

(സി)	നിലവില്‍ ഇവിടെ ഡോക്ടര്‍ ജോലി ചെയ്യുന്നുണ്ടോ ;

(ഡി)	2011-15 കാലഘട്ടത്തില്‍ ഇവിടെ നിയമിച്ച ഡോക്ടര്‍മാര്‍ ഏതെല്ലാം കാലയളവില്‍ അവധിയില്‍ പ്രവേശിച്ചിരുന്നു; വിശദാംശം നല്‍കുമോ?

(ഇ)	മൃഗാശുപത്രി നേരിടുന്ന പ്രതിസന്ധി പരിഹരിക്കണമെന്നാവശ്യപ്പെട്ട് ഗ്രാമപഞ്ചായത്ത് കത്തോ അപേക്ഷയോ നല്‍കിയിരുന്നോ; ഇതിന്മേല്‍ എന്ത് നടപടി സ്വീകരിച്ചു; വ്യക്തമാക്കാമോ;

(എഫ്)

മൃഗാശുപത്രിയുടെ പ്രവര്‍ത്തനം മെച്ചപ്പെടുത്താന്‍ എന്തെല്ലാം നടപടികളാണ് സ്വീകരിക്കുവാനുദ്ദേശിക്കുന്നത്; വിശദമാക്കാമോ?

Website maintained by Information System Section, Kerala Legislative Assembly, Thiruvananthapuram.