13KLA-unstarred questions










	UNSTARRED
	QUESTIONS
	AND
	ANSWERS

You are here: Business >13^th KLA >13^th Session>Unstarred questions Answers

Answer Provided

Answer Not Yet Provided

THIRTEENTH KLA - 13^th SESSION
UNSTARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

മതപരിവര്‍ത്തനം

149.

ശ്രീ.സി.ദിവാകരന്‍
,, ഇ.ചന്ദ്രശേഖരന്‍
ശ്രീമതി.ഗീതാ ഗോപി
ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തില്‍ മതപരിവര്‍ത്തനത്തിന് തുടക്കം കുറിച്ചിരിക്കുന്നതായ ആക്ഷേപം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ കൂട്ട മതപരിവര്‍ത്തനത്തിന് നേതൃത്വം കൊടുക്കുന്നവരെ കണ്ടെത്തുന്നതിന് സ്വീകരിച്ച നടപടികൾ വ്യകതമാക്കുമോ;

(സി)	ഈ ഗവണ്‍മെന്റ് അധികാരത്തില്‍ വന്നതിനുശേഷം സംസ്ഥാനത്ത് മതപരിവര്‍ത്തനം നടന്നിട്ടുള്ളതായി പറയപ്പെടുന്നത് എവിടെയെല്ലാമാണ്; ഇത് തടയുന്നതിന് സ്വീകരിച്ച നടപടികൾ വ്യകതമാക്കുമോ?

സോളാർ കേസ്

150.

ശ്രീ.സി.ദിവാകരന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സോളാർ കേസ് തട്ടിപ്പുമായി ബന്ധപ്പെട്ട് എത്ര കേസ്സുകൾ രജിസ്റ്റർ ചെയ്തിട്ടുണ്ട് ; ഏതെല്ലാം സ്റ്റേഷനുകളിൽ; ഇതിൽ പ്രതികൾ ജാമ്യമെടുത്ത കേസ്സുകൾ എത്ര ;

(ബി)	ഈ കേസ്സന്വേഷണവുമായി ബന്ധപ്പെട്ട് ഇതുവരെ ചെലവായ തുക എത്രയാണെന്ന് വെളിപ്പുെടുത്തുമോ ?

രജിസ്റ്റർ ചെയ്ത ക്രിമിനല്‍ കേസുകൾ

151.

ശ്രീ.കെ.വി.വിജയദാസ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)

ഇൗ സര്‍ക്കാര്‍ അധികാരത്തില്‍ വന്നശേഷം സംസ്ഥാനത്ത് ബലാത്സംഗം, മോഷണം, ഭവനഭേദനം, കുട്ടികള്‍ക്കെതിരെയുളള അതിക്രമം, സ്ത്രീപിഡനം, മയക്കുമരുന്നു കേസുകള്‍, രാഷ്ട്രീയകൊലപാതകം, രാഷ്ട്രീയേതര കൊലപാതകം ,ഗുണ്ടാ ആക്ട് തുടങ്ങിയയിനത്തില്‍ എത്ര കേസുകള്‍ രജിസ്റ്റര്‍ ചെയ്തിട്ടുണ്ട്; ഇനം തിരിച്ചുളള കണക്കുകള്‍ ഉള്‍പ്പെടെ വിശദവിവരം നല്‍കുമോ?

(ബി)	ഇതില്‍ എത്ര കേസുകളില്‍ പ്രതികളെ ശിക്ഷിച്ചിട്ടുണ്ട്; Conviction rate-ന്റെ വിശദവിവരം നല്‍കുമോ?

സര്‍ക്കാര്‍ പിന്‍വലിക്കുന്ന കേസുകള്‍

152.

ശ്രീ.കെ.കുഞ്ഞിരാമന്‍ (തൃക്കരിപ്പൂർ)
,, ബി.സത്യന്‍
,, എസ്.രാജേന്ദ്രന്‍
,, കെ.വി.അബ്ദുള്‍ ഖാദര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഇന്ത്യന്‍ ശിക്ഷാനിയമ പ്രകാരമുള്ള വിചാരണയും ശിക്ഷയും ഒഴിവാക്കാന്‍ സര്‍ക്കാര്‍ കേസുകള്‍ പിന്‍വലിക്കുന്നത് എന്തെങ്കിലും മാനദണ്ഡത്തിന്റെ അടിസ്ഥാനത്തിലാണോ; എങ്കില്‍ വിശദമാക്കാമോ;

(ബി)	കോടതി വിചാരണയുടെ വിവിധ ഘട്ടങ്ങളിലിരുന്ന കേസുകള്‍ സര്‍ക്കാര്‍ പിന്‍വലിച്ചിട്ടുണ്ടോ;

(സി)	ഈ സര്‍ക്കാര്‍ നാളിതുവരെ കേസ് പിന്‍വലിക്കുന്നതിന് നല്‍കിയ ഉത്തരവുകളുടെ കണക്കുകള്‍ ലഭ്യമാണോ; വിജിലന്‍സ് കേസുകള്‍ ഏതെങ്കിലും പിന്‍വലിച്ചിട്ടുണ്ടോ; വിശദാംശം വെളിപ്പെടുത്താമോ;

(ഡി)	കേസ് പിന്‍വലിച്ചുകിട്ടുന്നതിലേക്ക് സര്‍ക്കാരിന്റെ പരിഗണനയിലിരിക്കുന്ന അപേക്ഷകളുടെ കണക്കുകള്‍ ലഭ്യമാണോ; അവയില്‍ വിജിലന്‍സ് കേസുകള്‍ ഉണ്ടോ? വിശദമാക്കാമോ ?

സ്ത്രീകൾക്ക് നേരെയുള്ള അതിക്രമങ്ങൾ

153.

ശ്രീമതി.കെ.കെ.ലതിക : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന് നാളിതുവരെ സംസ്ഥാനത്ത് എത്ര സ്ത്രീപീഡന കേസുകള്‍ രജിസ്റ്റര്‍ ചെയ്തിട്ടുണ്ട്;പ്രായപൂര്‍ത്തിയാകാത്ത പെണ്‍കുട്ടികളെ പീ‍ഡിപ്പിച്ച എത്ര സംഭവങ്ങള്‍ റിപ്പോര്‍ട്ട് ചെയ്തിട്ടുണ്ട്;വ്യക്തമാക്കുമോ;

(ബി)	ഈ സര്‍ക്കാര്‍ അധികാരത്തില്‍ വന്ന് നാളിതുവരെ എത്ര സ്ത്രീകളും പെണ്‍കുട്ടികളും കൊല ചെയ്യപ്പെട്ടിട്ടുണ്ട് എന്ന് വെളിപ്പെടുത്തുമോ?

ഡി.വൈ.എസ്.പി.ക്കെതിരായ പരാതി

154.

(എ)	നാദാപുരം പാറക്കടവ് പീഡനക്കേസിന്റെ അന്വേഷണത്തില്‍ താമരശ്ശേരി ഡി.വൈ.എസ്.പി. ജയ്സണ്‍ എബ്രഹാം ഇടപെട്ടത് സംബന്ധിച്ച് സര്‍ക്കാരില്‍ പരാതികള്‍ ലഭിച്ചിട്ടുണ്ടോ എന്ന് വ്യക്തമാക്കുമോ;

(ബി)	പ്രസ്തുത പരാതി സംബന്ധിച്ച് എന്തെല്ലാം നടപടികള്‍ സ്വീകരിച്ചിട്ടുണ്ട് എന്ന് വ്യക്തമാക്കുമോ?

എം.എം.മണിയുടെ അറസ്റ്റ്

155.

ശ്രീ.എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സി.പി.ഐ.(എം) നേതാവ് സഖാവ് എം.എം.മണി നടത്തിയതായ ഒരു പ്രസംഗത്തെ തുടര്‍ന്ന് അദ്ദേഹത്തെ പോലീസ് അറസ്റ്റ് ചെയ്തത് എപ്പോഴായിരുന്നു; അറസ്റ്റ് ചെയ്യുന്നതിനായി സംഭവസ്ഥലത്ത് നിയോഗിക്കപ്പെട്ട പോലീസുകാര്‍ എത്രയായിരുന്നു;

(ബി)	അറസ്റ്റിനെതുടര്‍ന്ന് അദ്ദേഹം എത്ര ദിവസം ജയിലില്‍ അടയ്ക്കപ്പെട്ടു; അദ്ദേഹത്തിനു സ്വന്തം നാട്ടില്‍ പ്രവേശനം നിഷേധിക്കപ്പെട്ടത് എത്ര ദിവസങ്ങളായിരുന്നു;

(സി)	അദ്ദേഹത്തിനെതിരെ പോലീസ് ചാര്‍ജ്ജ് ചെയ്ത കേസ് എന്തായിരുന്നു; അദ്ദേഹം ഏത് സ്ഥലത്ത് നടത്തിയ പ്രസംഗത്തിന്റെ പേരിലായിരുന്നു കേസ് എടുത്തത്; കേസ് എടുത്ത പോലീസ് ഉദ്യോഗസ്ഥരുടെയും അതേ തുടര്‍ന്നുള്ള അന്വേഷണ സംഘത്തിലെ പോലീസ് ഉദ്യോഗസ്ഥരുടെയും പേരുകളും തസ്തികകളും വെളിപ്പെടുത്താമോ;

(ഡി)	പ്രസംഗത്തിന്റെ അടിസ്ഥാനത്തില്‍ തുടരന്വേഷണം നടത്താനുള്ള തീരുമാനം സംബന്ധിച്ച സുപ്രീം കോടതിയുടെ വിധി പ്രസ്താവം എന്തായിരുന്നു;

(ഇ)	വിധിയുടെ അടിസ്ഥാനത്തില്‍, നിയമവിരുദ്ധമായി ഒരു പൊതു പ്രവര്‍ത്തകനെ ജയിലില്‍ അടച്ചും നാടുകടത്തിയും പീഡിപ്പിച്ച പോലീസ് ഉദ്യോഗസ്ഥര്‍ക്കെതിരെ നടപടി സ്വീകരിക്കാന്‍ തയ്യാറാകുമോ?

മണി ചെയിൻ, ചെക്ക്, വിസ തട്ടിപ്പ് കേസുകൾ

156.

(എ)	ഈ ഗവണ്‍മെന്റ് അധികാരമേറ്റ ശേഷം മണി ചെയിനുമായി ബന്ധപ്പെട്ട് എത്ര കേസ്സുകള്‍ രജിസ്റ്റര്‍ ചെയ്തിട്ടുണ്ടെന്ന് വ്യക്തമാക്കാമോ;

(ബി)	ഇതേ കാലയളവില്‍ സംസ്ഥാനത്ത് ചെക്ക് തട്ടിപ്പുമായും വിസാ തട്ടിപ്പുമായും ബന്ധപ്പെട്ട് എത്ര കേസ്സുകള്‍ രജിസ്റ്റര്‍ ചെയ്തിട്ടുണ്ടെന്ന് വ്യക്തമാക്കാമോ;

(സി)	ഈ കേസ്സുകളുമായി ബന്ധപ്പെട്ട് എത്ര പ്രതികള്‍ ഇനിയും അറസ്റ്റ് ചെയ്യപ്പെടാനുണ്ടെന്നും എത്ര രൂപയുടെ തട്ടിപ്പ് നടന്നിട്ടുണ്ടെന്നും വ്യക്തമാക്കാമോ?

ശോഭ സിറ്റിയിലെ സെക്യൂരിറ്റി ജീവനക്കാരനായ ചന്ദ്രബോസിന്റെ കൊലപാതകം

157.

ശ്രീ.ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	തൃശ്ശൂര്‍ പുഴയ്ക്കല്‍ ശോഭ സിറ്റിയിലെ സെക്യൂരിറ്റി ജീവനക്കാരനായ ചന്ദ്രബോസിനെ കൊലപ്പെടുത്തിയതുമായി ബന്ധപ്പെട്ട കേസ്സിലെ പ്രതി മുഹമ്മദ് നിഷാമിനെതിരെ ഏതെല്ലാം വകുപ്പുകള്‍ ചേര്‍ത്താണ് പോലീസ് കേസ്സെടുത്തിട്ടുള്ളത്; പ്രസ്തുത കേസ്സിന്റെ എഫ്.എെ.ആര്‍. പകര്‍പ്പ് ലഭ്യമാക്കാമോ;

(ബി)	മാരകമായി പരിക്കുപറ്റി ചികിത്സയില്‍ കഴിഞ്ഞിരുന്ന ചന്ദ്രബോസിന്റെ മൊഴി പോലീസ് രേഖപ്പെടുത്തിയിട്ടുണ്ടോ ;

(സി)	മരണത്തിനു മുന്‍പ് ചന്ദ്രബോസിന്റെ മൊഴി രേഖപ്പെടുത്തുന്നതിന് പൊലീസ് ബോധപൂര്‍വ്വമായ വീഴ്ച വരുത്തി എന്നത് ശ്രദ്ധയില്‍പ്പെട്ടിട്ടുണ്ടോ;

(ഡി)	ചന്ദ്രബോസിന്റെ മൊഴി രേഖപ്പെടുത്താതിരുന്നത് പ്രതിയ്ക്കെതിരെയുള്ള കേസ്സിനെ ദുർബലപ്പെടുത്തുമോ ; വ്യക്തമാക്കാമോ;

(ഇ)	മൊഴി രേഖപ്പെടുത്താന്‍ വീഴ്ച വരുത്തിയ അന്വേഷണ ഉദ്യാേഗസ്ഥനെതിരെ എന്തു നടപടി സ്വീകരിച്ചു; വിശദാംശം വ്യക്തമാക്കാമോ?

വാഹന പരിശോധന

158.

ശ്രീമതി.കെ.എസ്.സലീഖ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് വാഹനപരിശോധനയും ബോധവത്കരണവും ശക്തമാക്കിയിട്ടും വാഹനാപകടങ്ങള്‍ വര്‍ദ്ധിക്കുന്നതായി ശ്രദ്ധയില്‍പ്പെട്ടിട്ടുണ്ടോ ;

(ബി)	ഈ സര്‍ക്കാര്‍ അധികാരമേറ്റതിനുശേഷം നാളിതുവരെ വാഹനാപകടങ്ങളില്‍ എത്ര പേര്‍ മരണപ്പെട്ടു എന്നുള്ള വിവരം ‍‍ജില്ല തിരിച്ച് വ്യക്തമാക്കുമോ ;

(സി)	ഈ സര്‍ക്കാരിന്റെ കാലയളവില്‍ മദ്യപിച്ചു വാഹനമോടിച്ചതിന്റെ ഫലമായി എത്ര കേസ്സുകള്‍ രജിസ്റ്റര്‍ ചെയ്തു, ഈയിനത്തില്‍ എത്ര തുക വിവിധ കോടതികള്‍ മുഖേന പിഴയായി ഈടാക്കിയെന്ന് ആഭ്യന്തരവകുപ്പ് കണക്കാക്കുന്നു എന്ന് വ്യക്തമാക്കാമോ;

(ഡി)	ഈ കാലയളവില്‍ ഹെല്‍മറ്റ് ധരിക്കാത്തതിന്റെ പേരില്‍ എത്ര കേസ്സുകള്‍ രജിസ്റ്റര്‍ ചെയ്തു, പിഴയിനത്തില്‍ എന്ത് തുക ഈടാക്കി എന്ന് വ്യക്തമാക്കാമോ;

(ഇ)	ഈ കാലയളവില്‍ സീറ്റ് ബെല്‍റ്റ് ധരിക്കാത്തതിന്റെ പേരില്‍ എത്ര കേസ്സുകള്‍ രജിസ്റ്റര്‍ ചെയ്തു, പിഴയിനത്തില്‍ എന്ത് തുക ഈടാക്കി എന്ന് വ്യക്തമാക്കാമോ;

(എഫ്)

സണ്‍ഫിലിമുകള്‍ ഒട്ടിച്ചതിന്റെ പേരില്‍ ഈ കാലയളവില്‍ എത്ര കേസ്സുകള്‍ രജിസ്റ്റര്‍ ചെയ്തുവെന്നും പിഴയിനത്തില്‍ എന്ത് തുക ഈടാക്കിയെന്നും വ്യക്തമാക്കാമോ;

(ജി)

റോഡിന്റെ മറവില്‍ നിന്ന് വാഹനപരിശോധന നടത്തിയതിന്റെയും ട്രാഫിക് സിഗ്നലിന്റെ സമീപത്ത് നിന്ന് വാഹനപരിശോധന നടത്തിയതിന്റെയും ഫലമായി പോലീസിനെ കണ്ട് ഭയന്ന് വാഹനം മുന്നോട്ടെടുത്തതിന്റെ ഫലമായി എത്ര പേര്‍ ഈ കാലയളവില്‍ മരണപ്പെട്ടു എന്ന് വ്യക്തമാക്കുമോ ; പോലീസ് മേധാവിയുടെ സര്‍ക്കുലര്‍ നമ്പര്‍ 6/2012 ലംഘിച്ചുകൊണ്ട് ഇപ്പോഴും ചില പോലീസ് ഉദ്യോഗസ്ഥര്‍ ഇത്തരം വാഹനപരിശോധന നടത്തുന്നതായി ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കിൽ ഇത് ഒഴിവാക്കുവാനും ഇത്തരത്തിലുള്ള വാഹന പരിശോധന നടത്തുന്ന ഉദ്യോഗസ്ഥര്‍ക്കെതിരെ കര്‍ശന നടപടി സ്വീകരിക്കുവാനും എന്ത് നടപടി സ്വീകരിച്ചുവെന്ന് വ്യക്തമാക്കുമോ ?

കേരള പോലീസ് സര്‍വ്വീസ്

159.

ശ്രീ.എം.പി.വിന്‍സെന്‍റ് : താഴെ കാണുന്ന ചോദ്യത്തിന് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	തമിഴ്‍നാട് മാതൃകയില്‍ ഡി.വെെ.എസ്.പി തസ്തികയില്‍ ഉള്‍പ്പെടെ നേരിട്ടു നിയമനം നടത്തുന്ന തരത്തില്‍ കേരള പോലീസ് സര്‍വീസ് രൂപീകരിക്കുമോയെന്ന് വ്യക്തമാക്കാമോ?

കൂട്ട മതം മാറ്റല്‍

160.

ശ്രീ.കെ.കുഞ്ഞിരാമന്‍ (ഉദുമ) : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഘര്‍വാപസി എന്ന പേരില്‍ വിശ്വഹിന്ദു പരിഷത്തിന്റെ നേതൃത്വത്തില്‍ സംസ്ഥാനത്ത് കൂട്ട മതം മാറ്റല്‍ സംഭവം നടന്നിട്ടുള്ള വിഷയം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത്തരത്തിലുള്ള എ്രത സംഭവങ്ങള്‍ ഉണ്ടായിട്ടുണ്ട്; ജില്ല തിരിച്ചുള്ള കണക്ക് വിശദമാക്കാമോ;

(സി)	ഇത്തരം സംഭവത്തിന്മേൽ എന്ത് നടപടിയാണ് സ്വീകരിച്ചിട്ടുള്ളതെന്ന് വിശദമാക്കാമോ?

റോഡ്‌ സുരക്ഷ

161.

ഡോ.കെ.ടി.ജലീല്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	റോഡ് സുരക്ഷയുടെ ഭാഗമായി മന്ത്രിമാരുടെയും ഉദ്യോഗസ്ഥരുടെയും വാഹനങ്ങളുടെ വേഗത നിയന്ത്രിക്കാന്‍ സര്‍ക്കാര്‍ നടപടി സ്വീകരിക്കുമോ;

(ബി)	ഗതാഗത നിയമം ലംഘിക്കുന്നവര്‍ക്കെതിരെ മുഖം നോക്കാതെ നടപടി സ്വീകരിക്കാന്‍ തയ്യാറാകുമോ;

(സി)	മദ്യപിച്ച് വാഹനം ഓടിച്ചതിന്റെ പേരില്‍ എത്ര ആളുകളുടെ ലൈസന്‍സ് റദ്ദ് ചെയ്തിട്ടുണ്ട്;

(ഡി)	നിരീക്ഷണ ക്യാമറകളില്‍ ശേഖരിക്കപ്പെട്ട നിയമ ലംഘനങ്ങളില്‍, നാളിതുവരെ തുടര്‍ നടപടി സ്വീകരിച്ചിട്ടില്ലാത്ത കേസുകള്‍ എത്ര;

(ഇ)	ഈ സര്‍ക്കാരിന്റെ കാലത്ത് നാളിതുവരെ ഓരോ വര്‍ഷവും ഉണ്ടായ ഗതാഗത നിയമ ലംഘന കേസുകള്‍ എത്ര; വിശദമാക്കാമോ?

ജനകീയ പ്രക്ഷോഭങ്ങള്‍ക്ക് നേരെ എടുത്ത പോലീസ് നടപടി

162.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം ഇതുവരെ ജനകീയ പ്രക്ഷോഭങ്ങള്‍ക്ക് നേരെ എത്ര പോലീസ് ലാത്തിച്ചാര്‍ജ്ജ്, ടിയര്‍ഗ്യാസ് ഷെല്‍ പ്രയോഗം, ജലപീരങ്കി പ്രയോഗം എന്നിവ നടത്തിയിട്ടുണ്ടെന്ന് വ്യക്തമാക്കാമോ;

(ബി)	ഈ കാലയളവില്‍ പൊതുനിരത്തുകളില്‍ പ്രകടനം നടത്തിയതിന് എത്രപേര്‍ക്കെതിരെ കേസ്സെടുത്തിട്ടുണ്ടെന്ന് വ്യക്തമാക്കാമോ;

(സി)	പോലീസ് ജനപ്രതിനിധികളോട് അപമര്യാദയായി പെരുമാറിയതോ ജനപ്രതിനിധികളെ മര്‍ദ്ദിച്ചതോ ആയ എത്ര പരാതികള്‍ ലഭിച്ചിട്ടുണ്ടെന്ന് വ്യക്തമാക്കാമോ?

അഴിമതി കേസുകൾ

163.

(എ)	കേരളത്തില്‍ ഇപ്പോള്‍ എത്ര അഴിമതി കേസുകളാണ് നിലവിലുള്ളത് ;

(ബി)	2013-14, 2014-15 എന്നീ വർഷങ്ങളിൽ എത്ര കേസുകളാണ് രജിസ്റ്റര്‍‌ ചെയ്തതെന്ന് അറിയിക്കാമോ ?

സദാചാര പോലീസ് അക്രമങ്ങള്‍ .

164.

ശ്രീ.പി.തിലോത്തമന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	അടുത്തകാലത്തുണ്ടായിക്കൊണ്ടിരിക്കുന്ന സദാചാര പോലീസ് അക്രമങ്ങള്‍ എത്ര എണ്ണം ശ്രദ്ധയില്‍പ്പെട്ടിട്ടുണ്ട്;ഇവയില്‍ എത്രപേര്‍ക്കെതിരെ പോലീസ് കേസ് രജിസ്റ്റര്‍ ചെയ്തു; എത്ര കേസുകളില്‍ പ്രതികളെ അറസ്റ്റ് ചെയ്തു എന്നു പറയാമോ;

(ബി)	കേരളത്തിലെ സദാചാര പോലീസിന്റെ പേരില്‍ നടത്തുന്ന അക്രമങ്ങളെ ഇല്ലാതാക്കുവാന്‍ ആഭ്യന്തര വകുപ്പ് കൈക്കൊണ്ടിട്ടുളള നടപടികള്‍ വിശദമാക്കുമോ ;

(സി)	സദാചാര പോലീസിനെ നിയന്ത്രിക്കുന്നതിനും അത്തരം ആളുകള്‍ക്കെതിരെ കര്‍ശന നിയമ നടപടികള്‍ സ്വീകരിക്കുന്നതിനും സംസ്ഥാന തലത്തില്‍ പുതിയ നിയമനിര്‍മ്മാണം നടത്തുമോ;

പോലീസ് സേനയിലെ ഒഴിവുകള്‍

165.

ശ്രീ.കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	പോലീസ് സേനയിലെ നിലവിലുള്ള മൊത്തം ഒഴിവുകള്‍ സംബന്ധിച്ച വിശദാംശങ്ങള്‍ വെളിപ്പെടുത്താമോ; ഏതെല്ലാം തസ്തികകളില്‍ എത്ര ഒഴിവുകള്‍ നിലനില്‍ക്കുന്നു; ഓരോ തസ്തികയിലും അനുവദനീയമായ എണ്ണം എത്ര;

(ബി)	സേനയില്‍ എത്ര ശതമാനം സ്ത്രീകള്‍ ഉണ്ട്; സ്ത്രീകളുടെ ശതമാനം വര്‍ദ്ധിപ്പിക്കാന്‍ നടപടി സ്വീകരിച്ചിട്ടു;പ്രസ്തുത നടപടി മുഖാന്തിരം എത്ര ശതമാനമായി എണ്ണം വര്‍ദ്ധിക്കുകയുണ്ടായി;

(സി)	നിലവിലുള്ള ഒഴിവുകളിലേയ്ക്ക് പി.എസ്.സി. റാങ്ക് ലിസ്റ്റുകളില്‍ നിന്നും നിയമനം നടത്തുന്നതിന് എന്തെല്ലാം നിയന്ത്രണങ്ങളാണ് നിലനില്‍ക്കുന്നത്;

(ഡി)	പ്രൊമോഷന്‍ നല്‍കുന്നതിനും ആശ്രിതര്‍ക്ക് ജോലി നല്‍കുന്നതിനുമായി നിയമനം നടത്താതെ മാറ്റിവെക്കപ്പെട്ട മൊത്തം ഒഴിവുകള്‍ എത്ര ; വിശദമാക്കുമോ?

സൈബര്‍ സെല്ലിന്റെ അധികാരങ്ങള്‍

166.

ശ്രീ.എം.പി.വിന്‍സെന്‍റ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സൈബര്‍ സെല്ലിന് ഏതൊക്ക നിയമപ്രകാരമാണ് കേസ്സെടുക്കുവാന്‍ അധികാരമുള്ളതെന്നു വ്യക്തമാക്കാമോ;

(ബി)	സൈബര്‍ സെല്ലിന്റെ അധികാര പരിധിക്കപ്പുറം ഉള്ള ഇടപെടലുകള്‍ നടത്തുന്നതായി ഹൈക്കോടതി പരാമര്‍ശം ഉണ്ടായിട്ടുണ്ടോ എന്ന് വ്യക്തമാക്കുമോ?

പോലീസ് കംപ്ലയിന്റ് അതോറിറ്റി

167.

ശ്രീ.ഹൈബി ഈഡന്‍
,, പി.എ.മാധവന്‍
,, വി.പി.സജീന്ദ്രന്‍
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പോലീസ് കംപ്ലയിന്റ് അതോറിറ്റി രൂപീകരിച്ചിട്ടുണ്ടോ;

(ബി)	ഇതിന്റെ ഉദ്ദേശ്യലക്ഷ്യങ്ങൾ എന്തെല്ലാമെന്ന് വിശദമാക്കുമോ;

(സി)	എന്തെല്ലാം അടിസ്ഥാന സൗകര്യങ്ങളാണ് ഇതിന്റെ പ്രവര്‍ത്തനത്തിനായി ഒരുക്കിയിട്ടുള്ളത്; വിശദമാക്കുമോ;

(ഡി)	പോലീസ് കംപ്ലയിന്റ് അതോറിറ്റിയുടെ പ്രവര്‍ത്തനം വിലയിരുത്തിയിട്ടുണ്ടോ?

സൈബര്‍ കുറ്റകൃത്യങ്ങൾ

168.

ശ്രീ.വി.ഡി.സതീശന്‍
,, ടി.എന്‍. പ്രതാപന്‍
,, സി.പി.മുഹമ്മദ്
,, അന്‍വര്‍ സാദത്ത് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സൈബര്‍ കുറ്റകൃത്യങ്ങളെക്കുറിച്ചും അതുമൂലമുണ്ടാകുന്ന ഭവിഷ്യത്തുകളെക്കുറിച്ചും വിദ്യാര്‍ത്ഥികളെ ബോധവത്ക്കരിക്കാന്‍ പോലീസ് വകുപ്പിന്റെ നേതൃത്വത്തില്‍ പരിപാടികള്‍ ആസൂത്രണം ചെയ്തിട്ടുണ്ടോ; വിശദമാക്കുമോ;

(ബി)	ആരുടെയെല്ലാം സഹകരണത്തോടെയാണ് പരിപാടികള്‍ നടപ്പാക്കുന്നത്; വിശദാംശങ്ങള്‍ എന്തെല്ലാം;

(സി)	എന്തെല്ലാം ബോധവത്കരണ പരിപാടികളാണ് ഇതിനായി ആസൂത്രണം ചെയ്തിരിക്കുന്നത്; വിശദമാക്കാമോ;

(ഡി)	പ്രസ്തുത പരിപാടികള്‍ നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ എന്തെല്ലാം?

കൊല്ലം റൂറല്‍ പോലീസ് ജില്ലയില്‍ എ.ആര്‍ ക്യാമ്പ്

169.

ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കൊല്ലം റൂറല്‍ പോലീസ് ജില്ലയില്‍ എ.ആര്‍ ക്യാമ്പ് അനുവദിച്ചിട്ടുണ്ടോ;

(ബി)	കൊട്ടാരക്കര ആസ്ഥാനമാക്കി എ.ആര്‍. ക്യാമ്പ് ആരംഭിക്കുന്നതിനുള്ള നടപടികള്‍ സ്വീകരിക്കുമോ;

(സി)	കെ എ പി മൂന്നാം ബറ്റാലിയനിലെ രണ്ട് കമ്പനി സേനയെ കൊല്ലം റൂറല്‍ പോലീസ് സേനക്കായി അനുവദിക്കുന്നതിനുള്ള നടപടി ക്രമങ്ങള്‍ ഏത് ഘട്ടത്തിലാണ്; അടിയന്തിരമായി പ്രസ്തുത സേനയെ ലഭ്യമാക്കുന്നതിനുള്ള നടപടിക്രമങ്ങള്‍ പൂര്‍ത്തീകരിക്കുമോ ?

ക്ലീന്‍ ക്യാമ്പസ് സേഫ് ക്യാമ്പസ് പദ്ധതി

170.

ശ്രീ.സണ്ണി ജോസഫ്
,, പി.സി വിഷ്ണുനാഥ്
,, വി.റ്റി.ബല്‍റാം
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആഭ്യന്തര വകുപ്പിന്റെ നേതൃത്വത്തില്‍ ക്ലീന്‍ ക്യാമ്പസ് സേഫ് ക്യാമ്പസ് പദ്ധതിക്ക് രൂപം നല്‍കിയിട്ടുണ്ടോ;

(ബി)	എങ്കിൽ പ്രസ്തുത പദ്ധതി മുഖേന കൈവരിക്കാനുദ്ദേശിക്കുന്ന ലക്ഷ്യങ്ങള്‍ വിശദമാക്കാമോ;

(സി)	സ്കൂള്‍- കോളേജ് ക്യാമ്പസുകളെ ലഹരി വിമുക്തമാക്കാന്‍ എന്തെല്ലാം കാര്യങ്ങളാണ് പദ്ധതിയില്‍ ഉള്‍പ്പെടുത്തിയിരിക്കുന്നത് ;

(ഡി)	പദ്ധതിയുമായി സഹകരിക്കുന്നത് ആരൊക്കെയാണ് ; വിശദാംശങ്ങള്‍ നല്‍കാമോ?

ചേലക്കര മണ്ഡലത്തില്‍ പുതിയ പോലീസ് സ്റ്റേഷന്‍

171.

ശ്രീ.കെ.രാധാകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ചേലക്കര മണ്ഡലത്തില്‍ ദേശമംഗലം കേന്ദ്രമായി ഒരു പുതിയ പോലീസ് സ്റ്റേഷന്‍ സ്ഥാപിക്കുന്നതിനുള്ള നിവേദനങ്ങള്‍ ലഭിച്ചിട്ടുണ്ടോ;

(ബി)	എങ്കില്‍ അതിന്മേല്‍ സ്വീകരിച്ചുവരുന്ന നടപടികള്‍ വിശദമാക്കാമോ;

(സി)	ഈ പ്രദേശത്തിന്റെ പ്രത്യേകതകള്‍ കണക്കിലെടുത്ത് ഈ വര്‍ഷം തന്നെ ഇവിടെ പോലീസ് സ്റ്റേഷന്‍ പ്രവര്‍ത്തനം ആരംഭിക്കുവാന്‍ നടപടികള്‍ സ്വീകരിക്കുമോ?

കവര്‍ച്ച , മോഷണ കേസുകള്‍

172.

ശ്രീ.കോടിയേരി ബാലകൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന് നാളിതുവരെ സംസ്ഥാനത്ത് കവര്‍ച്ച, മോഷണം, പിടിച്ചുപറി എന്നിങ്ങനെയുള്ള എത്ര കേസുകള്‍ രജിസ്റ്റര്‍ ചെയ്തെന്ന് വിശദമാക്കാമോ;

(ബി)	ഈ സര്‍ക്കാര്‍ വന്ന് നാളിതുവരെ സംസ്ഥാനത്തെ എത്ര ക്ഷേത്രങ്ങളിലും, കൃസ്ത്യന്‍ ചര്‍ച്ചുകളിലും, മുസ്ലീം പള്ളികളിലും കവര്‍ച്ചയും, മോഷണങ്ങളും നടന്നിട്ടുണ്ടെന്ന് വിശദമാക്കാമോ?

കതിരൂര്‍ ബോംബ് സ്ഫോടനം

173.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കതിരൂര്‍ പോലീസ് സ്റ്റേഷന്‍ പരിധിയില്‍ ജനുവരി 18-ന് ഉണ്ടായ ബോംബ് സ്ഫോടനത്തില്‍ എന്തൊക്കെ നാശനഷ്ടങ്ങളുണ്ടായി എന്നും കേസ് രജിസ്റ്റര്‍ ചെയ്തിട്ടുണ്ടോ എന്നും വ്യക്തമാക്കുമോ;

(ബി)	ബോംബുകള്‍ നിര്‍മ്മിച്ച പ്രതികള്‍ക്കെതിരെ ഏതൊക്കെ വകുപ്പുകള്‍ ചേര്‍ത്താണ് കേസെടുത്തതെന്ന് വെളിപ്പെടുത്തുമോ;

(സി)	അങ്കണവാടിക്കുസമീപം ജീവഹാനി ഉണ്ടാക്കാവുന്നവിധം സ്ഫോടകവസ്തുക്കള്‍ കൈകാര്യം ചെയ്ത സംഭവം ഗൗരവപൂര്‍വം വീക്ഷിക്കുകയും, ദേശവിരുദ്ധ പ്രവര്‍ത്തനമെന്ന രീതിയില്‍ കൈകാര്യം ചെയ്യാന്‍ നിര്‍ദ്ദേശം നൽകുകയും ചെയ്യുമോ?

നാദാപുരം ഷിബിന്‍ വധം

174.

ശ്രീ.എളമരം കരീം : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരത്തിനടുത്ത് തൂണേരിയില്‍ സി.പി.ഐ. (എം) പ്രവര്‍ത്തകനായ ചടയങ്കണ്ടിത്താഴ ഷിബിനെ വധിച്ച സംഭവത്തെത്തുടര്‍ന്ന് വര്‍ഗീയ സാമുദായിക നിറം കലര്‍ത്തുന്ന പ്രചാരണങ്ങള്‍ നടത്തിയവരെക്കുറിച്ച് പോലീസ് അന്വേഷിച്ചിട്ടുണ്ടോ ;

(ബി)	ഇത് സംബന്ധിച്ച് സി.പി.ഐ. (എം) ഉത്തര മേഖല എ.ഡി.ജി.പി.യ്ക്ക് നല്‍കിയ പരാതിയിന്മേല്‍ സ്വീകരിച്ച നടപടികള്‍ വിശദമാക്കുമോ ;

(സി)	നവ മാധ്യമങ്ങളിലൂടെ നടത്തപ്പെട്ട നുണപ്രചരണങ്ങള്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ടോ ; അന്വേഷണത്തെതുടര്‍ന്ന് എത്രപേരെ അറസ്റ്റ് ചെയ്യുകയുണ്ടായി ;വ്യക്തമാക്കുമോ?

(ഡി)	ഫേസ് ബുക്ക്, വാട്സ് അപ്പ് തുടങ്ങിയ വഴി തെറ്റായ പ്രചരണങ്ങള്‍ നടത്തിയവര്‍ക്കെതിരെ എന്തു നടപടി സ്വീകരിച്ചു?

നാദാപുരം പീഢനകേസ്

175.

(എ)	നാദാപുരം പാറക്കടവില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഢിപ്പിച്ച സംഭവത്തില്‍ കുറ്റപത്രം തയ്യാറാക്കി കോടതിയില്‍ സമര്‍പ്പിച്ചിട്ടുണ്ടോ ;

(ബി)	പ്രസ്തുത സംഭവത്തില്‍ കുറ്റാരോപിതര്‍ ആരൊക്കെയാണെന്നും അവര്‍ക്കെതിരെ എന്തെല്ലാം വകുപ്പുകള്‍ പ്രകാരമാണ് കേസെടുത്തിട്ടുള്ളതെന്നും വ്യക്തമാക്കുമോ ?

ഷിബിന്റെ കൊലപാതകം സംബന്ധിച്ച അന്വേഷണം

176.

ശ്രീ.എ. പ്രദീപ്കുമാര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഡി.വൈ.എഫ്.ഐ. പ്രവര്‍ത്തകനായ തൂണേരി ചടയന്‍കണ്ടിത്താഴ ഷിബിന്‍ എന്നയാളെ കൊലപ്പെടുത്തിയ കേസില്‍ മുസ്ലീം ലീഗ് പ്രവര്‍ത്തകരായ ക്രിമിനലുകളെ അറസ്റ്റ് ചെയ്തിട്ടുണ്ടോ;

(ബി)	കൊലപാതകവും അതിനായി നടന്ന ഗൂഢാലോചനയും സംബന്ധിച്ച് ഏതെല്ലാം വകുപ്പുകള്‍ പ്രകാരം എത്ര കേസുകള്‍ രജിസ്റ്റര്‍ ചെയ്തിട്ടുണ്ട്;

(സി)	കേസ് അന്വേഷണത്തില്‍ ഇതിനകം എത്ര പ്രതികളെ അറസ്റ്റ് ചെയ്തിട്ടുണ്ട്; റിമാന്റിലുള്ളവര്‍ എത്ര;

(ഡി)	ഇതേവരെ അറസ്റ്റ് ചെയ്യാന്‍ സാധിച്ചിട്ടില്ലാത്തവര്‍ എത്ര; അവര്‍ ആരൊക്കെ;

(ഇ)	സംഭവം സംബന്ധിച്ച് ആരുടെ നേതൃത്വത്തില്‍ ആരെല്ലാം അടങ്ങുന്ന സംഘമാണ് അന്വേഷണം നടത്തിവരുന്നതെന്ന് വിശദമാക്കാമോ;

(എഫ്)

സംഭവത്തില്‍ പരിക്ക് പറ്റിയവര്‍ ആരൊക്കെയാണ്;

(ജി)	കൊലചെയ്യപ്പെട്ട ഷിബിന്റെ ബന്ധുക്കളെ ആശ്വസിപ്പിക്കാന്‍ ഏതെല്ലാം മന്ത്രിമാര്‍ വീട്ടില്‍ സന്ദര്‍ശനം നടത്തുകയുണ്ടായി?

നാദാപുരം മേഖലയിലെ ക്രമസമാധാനം

177.

ശ്രീ.പി.ടി.എ. റഹീം : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരം മേഖലയില്‍ വളരെക്കാലമായി നിലനിന്നിരുന്ന സൗഹാര്‍ദ്ദാന്തരീക്ഷം തകരാനിടയായ സാഹചര്യം സംബന്ധിച്ച് വിലയിരുത്തിയിട്ടുണ്ടോ;

(ബി)	ഇവിടെയുണ്ടായ നാശനഷ്ടങ്ങള്‍ എത്രയെന്ന് കണക്കാക്കിയിട്ടുണ്ടോ;

(സി)	ഏതെല്ലാം മതവിഭാഗങ്ങളില്‍പ്പെട്ടവരുടെ കടകളും വീടുകളുമാണ് ആക്രമിക്കപ്പെട്ടത് എന്ന് വിശദമാക്കാമോ;

(ഡി)	അഞ്ച് യുവാക്കള്‍ ബോംബ് പൊട്ടി മരിച്ചതുമായി ബന്ധപ്പെട്ട അന്വേഷണം പൂര്‍ത്തീകരിച്ചിട്ടുണ്ടോ; ഇല്ലെങ്കില്‍ എന്തുകൊണ്ടാണെന്ന് വിശദമാക്കാമോ?

മലപ്പുറം ജില്ലയിലെ കൊളത്തൂര്‍ പോലീസ് സ്റ്റേഷന്‍

178.

ശ്രീ.പി.ഉബൈദുള്ള : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	മലപ്പുറം ജില്ലയിലെ കൊളത്തൂര്‍ പോലീസ് സ്റ്റേഷന്‍ പരിധി പുനര്‍നിര്‍ണ്ണയിക്കുന്നത് സംബന്ധിച്ച് സംസ്ഥാന പോലീസ് മേധാവി പുറത്തിറക്കിയ കരട് വിജ്ഞാപനത്തിലെ അപാകതകള്‍ പരിഹരിച്ച് സര്‍ക്കാരിന് റിപ്പോര്‍ട്ട് സമര്‍പ്പിച്ചിട്ടുണ്ടോ ;എങ്കില്‍ അതിന്റെ വിശദാംശങ്ങള്‍ നല്‍കുമോ ;

(ബി)	ഇത് സംബന്ധിച്ച് ആഭ്യന്തര വകുപ്പില്‍ ഇ1-21566/12 നമ്പര്‍ ഫയലില്‍ ഇതുവരെ സ്വീകരിച്ച നടപടികള്‍ വിശദീകരിക്കാമോ ;

(സി)	മലപ്പുറം നഗരത്തിന്റെ 2 കി.മി. ചുറ്റളവില്‍ സ്ഥിതിചെയ്യുന്ന കൊളത്തൂര്‍ പോലീസ് സ്റ്റേഷന്‍ പരിധിയില്‍പ്പെട്ട കോഡൂര്‍ പഞ്ചായത്തിലെ ഉമ്മത്തൂര്‍, മുണ്ടക്കോട്, പെരിങ്ങോട്ടുപുലം, പരുവമണ്ണ പ്രദേശങ്ങള്‍ മലപ്പുറം സ്റ്റേഷന്‍ പരിധിയിലാക്കുവാന്‍ അനുകൂല നടപടികള്‍‌ സ്വീകരിക്കുമോ ?

ആഭ്യന്തര വകുപ്പിലെ പരിഷ്കാരങ്ങള്‍

179.

ശ്രീ.എ.എ.അസീസ്
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നശേഷം ആഭ്യന്തര വകുപ്പില്‍ നടപ്പിലാക്കിയിട്ടുളള പരിഷ്കാരങ്ങള്‍ എന്തൊക്കെയാണ്;

(ബി)	പോലീസ് സേനാംഗങ്ങളുടെ എണ്ണത്തില്‍ വരുത്തിയിട്ടുളള വര്‍ധനവ് വ്യക്തമാക്കുമോ ?

തിരുവല്ല മാര്‍ത്തോമ കോളേജിനു സമീപം കാര്‍ കത്തിച്ചസംഭവം

180.

ശ്രീ.മാത്യു റ്റി.തോമസ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	തിരുവല്ല മാര്‍ത്തോമ കോളേജിനു സമീപം വീടിന്റെ പോര്‍ച്ചില്‍ കിടന്ന കാര്‍ കത്തിക്കുകയും സമീപം കിടന്ന കാര്‍ അടിച്ചു തകര്‍ക്കുകയും ചെയ്ത സംഭവത്തിന്റെ അന്വേഷണം ഏതു ഘട്ടത്തിലാണെന്ന് വിശദമാക്കാമോ;

(ബി)	ഈ കേസില്‍ ആരെയെങ്കിലും പ്രതി എന്നു സംശയിക്കുന്നണ്ടോ;

(സി)	ഈ കുറ്റകൃത്യം നടത്തിയ പ്രതികളില്‍ ആരെയെങ്കിലും അറസ്റ്റ് ചെയ്തിട്ടുണ്ടോ;

(ഡി)	കുറ്റകൃത്യം നടന്നിട്ട് ഇത്രയും ദിവസങ്ങള്‍ കഴിഞ്ഞിട്ടും അന്വേഷണത്തില്‍ കാലതാമസം ഉണ്ടാകുന്നതിന്റെ കാരണം വ്യക്തമാക്കാമോ?

സോഷ്യല്‍ മീഡിയാകളുടെ ദുരുപയോഗം

181.

ശ്രീ.പി.കെ.ബഷീര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കുപ്രചരണങ്ങള്‍ അഴിച്ചുവിടുന്നതിനും, വ്യക്തിഹത്യകള്‍ നടത്തുന്നതിനുമുള്‍പ്പെടെ സോഷ്യല്‍ മീഡിയാകള്‍ ദുരുപയോഗം ചെയ്യപ്പെടുന്നത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരത്തില്‍ സൈബര്‍ കുറ്റകൃത്യങ്ങള്‍ ചെയ്യുന്നവര്‍ക്കെതിരെ എന്ത് നടപടികളാണ് സ്വീകരിച്ചിട്ടുള്ളത്; വ്യക്തമാക്കുമോ; ഇല്ലെങ്കില്‍ ഇത്തരം സാമൂഹ്യമാധ്യമങ്ങളെ ദുരുപയോഗം ചെയ്യുന്നവര്‍ക്കെതിരെ സൈബര്‍ നിയമങ്ങള്‍ അനുസരിച്ച് നടപടി സ്വീകരിക്കുമോയെന്ന് വ്യക്തമാക്കുമോ?

സോഷ്യല്‍ മീഡിയവഴിയുള്ള പ്രതികരണങ്ങൾ

182.

ശ്രീ.കെ.കുഞ്ഞമ്മത് മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയില്‍ വിവിധ അക്രമണ സംഭവങ്ങളുടെ തുടര്‍ച്ചയായി മതസൗഹാര്‍ദ്ദം തകര്‍ക്കുന്ന തരത്തില്‍ സോഷ്യല്‍ മീഡിയകളിലൂടെ ചില പ്രതികരണങ്ങളും കുറിപ്പുകളും പ്രചരിക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ ;

(ബി)	ഉണ്ടെങ്കില്‍ ഇത് സംബന്ധിച്ച് ജില്ലയിലെ ഏതെങ്കിലും വ്യക്തികളുടെയോ, സ്ഥാപനങ്ങളുടെയോ പേരില്‍ പോലീസ് കേസ് രജിസ്റ്റര്‍ ചേയ്തിട്ടുണ്ടോ ; വിശദാംശങ്ങള്‍ അറിയിക്കുമോ ;

(സി)	സോഷ്യല്‍ മീഡിയകളിലൂടെ ഇത്തരം പ്രതികരണങ്ങളും, കുറിപ്പുകളും പ്രചരിപ്പിക്കപ്പെടുന്നത് നിയന്ത്രിക്കുന്നതിന് സര്‍ക്കാര്‍ എന്തെല്ലാം നടപടികളാണ് സ്വീകരിച്ചു വരുന്നത് ?

രജിസ്റ്റർ ചെയ്ത സ്ത്രീപീഡന കേസുകൾ

183.

(എ)	ഇൗ സര്‍ക്കാര്‍ അധികാരത്തില്‍ വന്ന് നാളിതുവരെ സംസ്ഥാനത്ത് എത്ര സ്ത്രീപീഡന കേസുകള്‍ രജിസ്റ്റര്‍ ചെയ്തിട്ടുണ്ടെന്ന കണക്ക് വര്‍ഷം തിരിച്ച് വെളിപ്പെടുത്താമോ?

(ബി)	നാളിതുവരെ സംസ്ഥാനത്ത് പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിക്കല്‍, സ്ത്രീകളെ തട്ടികൊണ്ടുപോകല്‍, സ്ത്രീകളെ കൊലപ്പെടുത്തല്‍ എന്നിങ്ങനെയുള്ള എത്ര കേസുകള്‍ രജിസ്റ്റര്‍ ചെയ്തിട്ടുണ്ടെന്ന് വിശദമാക്കാമോ?

പാലക്കാട് ജില്ലയിലെ മാവോയിസ്റ്റ് ആക്രമണം

184.

ശ്രീ.എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	പാലക്കാട് ജില്ലയിലെ അട്ടപ്പാടിയില്‍ യുവാവ് വെടിയേറ്റു മരിച്ചത് മാവോയിസ്റ്റ് ആക്രമണത്തെത്തുടര്‍ന്നാണോ എന്ന് വ്യക്തമാക്കുമോ;

(ബി)	ഇതു സംബന്ധിച്ച കേസ് അന്വേഷണം ഏതു ഘട്ടത്തിലാണ്;

(സി)	പ്രതികളെ സംബന്ധിച്ച സൂചന ലഭ്യമായിട്ടുണ്ടോ;

(ഡി)	എത്ര പേരെ ചോദ്യം ചെയ്തു; അന്വേഷണ പുരോഗതി വ്യക്തമാക്കുമോ?

പുതിയതായി തുടങ്ങുന്ന പോലീസ് സ്റ്റേഷനുകള്‍

185.

ശ്രീ.ബി.സത്യന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതിയതായി എവിടെയെല്ലാമാണ് പോലീസ് സ്റ്റേഷനുകള്‍ തുടങ്ങുവാന്‍ തീരുമാനമെടുത്തിട്ടുള്ളത്; വിശദവിവരം ലഭ്യമാക്കാമോ;

(ബി)	നഗരൂര്‍ കേന്ദ്രമാക്കി പോലീസ് സ്റ്റേഷന്‍ ആരംഭിക്കുന്നതുമായി ബന്ധപ്പെട്ട നടപടിക്രമങ്ങള്‍ ഇപ്പോള്‍ ഏത് ഘട്ടത്തിലാണെന്ന് വ്യക്തമാക്കുമോ ?

കരിഓയില്‍ ഒഴിച്ചവരുടെ പേരിലുളള കേസ് .

186.

ശ്രീ.സാജു പോള്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	2012 ഫിബ്രുവരിയില്‍ ഹയര്‍ സെക്കന്ററി ഡയറക്ടറായിരുന്ന ശ്രീ.കേശവേന്ദ്രകുമാറിന് മേല്‍ കരിഓയില്‍ ഒഴിച്ചവരുടെ പേരിലുളള കേസ് പിന്‍വലിക്കുന്നതിനുവേണ്ടി ഉത്തരവ് പുറപ്പെടുവിച്ചിട്ടുണ്ടോ;

(ബി)	സംഭവുമായി ബന്ധപ്പെട്ട് എത്ര ലക്ഷം രൂപയുടെ പൊതുമുതല്‍ നശിപ്പിച്ചു ;എന്നായിരുന്നു കേസ്;

(സി)	കേസ് പിന്‍വലിക്കാനുളള അപേക്ഷ കോടതിയില്‍ സമര്‍പ്പിച്ചത് എന്നായിരുന്നു;

(ഡി)	പ്രസ്തുത കേസില്‍ കോടതിയില്‍ സമര്‍പ്പിച്ചിരുന്ന കുറ്റപത്രത്തിന്റെയും കേസ് പിന്‍വലിക്കേണ്ടത് സംബന്ധിച്ച് സര്‍ക്കാര്‍ പുറപ്പെടുവിച്ച ഉത്തരവിന്റെയും പകര്‍പ്പുകള്‍ സഭയുടെ മേശപ്പുറത്ത് ലഭ്യമാക്കാമോ:

(ഇ)	ശ്രീ.കേശവേന്ദ്രകുമാര്‍ Iഎെ.എ.എസ്. ഇക്കാര്യത്തില്‍ മുഖ്യമന്ത്രിയ്ക്ക് നല്‍കിയ പരാതിയിന്മേല്‍ സ്വീകരിച്ച നടപടികള്‍ വിശദമാക്കാമോ?

രാഷ്ട്രീയ കൊലപാതകങ്ങള്‍

187.

ശ്രീ.കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	യു.ഡി,എഫ്.. സർക്കാർ അധികാരത്തില്‍ വന്നതിന് ശേഷം എത്ര രാഷ്ട്രീയ കൊലപാതകങ്ങള്‍ നടന്നിട്ടുണ്ട് എന്ന് വ്യക്തമാക്കാമോ ;

(ബി)	പ്രസ്തുത കൊലപാതകങ്ങളില്‍, കൊല്ലപ്പെട്ടവരും കൊലപാതകികളും ആരെല്ലാമാണെന്നു തരംതിരിച്ചു വിശദമാക്കാമോ ;

(സി)	ഓരോ കൊലപാതകത്തിലും ഏതെല്ലാം വകുപ്പ് ഉപയോഗിച്ചാണ് കേസ്സ് രജിസ്റ്റർ ചെയ്തിട്ടുള്ളത് എന്ന് വ്യക്തമാക്കാമോ ;ഓരോ കേസ്സും ഇപ്പോള്‍ ഏത് ഘട്ടത്തിലാണെന്നും, കേസ്സിലെ പ്രതികള്‍ ആരൊക്കെയാണെന്നും, ഇവരുടെ രാഷ്ട്രീയ ബന്ധവും വിശദമാക്കാമോ ;

(ഡി)	ഓരോ കേസ്സിലും ഏതൊക്കെ പ്രതികളെ അറസ്റ്റ് ചെയ്തിട്ടുണ്ട് എന്നും, ഇനി ആരെയൊക്കെ അറസ്റ്റ് ചെയ്യാന്‍ ബാക്കി ഉണ്ട് എന്നും തരംതിരിച്ചു വിശദമാക്കാമോ ?

രാഷ്ട്രീയ പ്രവര്‍ത്തകര്‍ക്കെതിരായ കേസുകള്‍

188.

(എ)	ഈ സര്‍ക്കാര്‍ അധികാരത്തില്‍ വന്നശേഷം സി.പി.ഐ(എം)ന്റെ പ്രവര്‍ത്തകര്‍ക്കെതിരായി എത്ര കേസുകള്‍ രജിസ്റ്റര്‍ ചെയ്തിട്ടുണ്ട്;

(ബി)	ഈ സര്‍ക്കാര്‍ അധികാരത്തില്‍ വന്നശേഷം കോണ്‍ഗ്രസ്സിന്റെ പ്രവര്‍ത്തകരുടെ പേരില്‍ എത്ര കേസുകള്‍ രജിസ്റ്റര്‍ ചെയ്തിട്ടുണ്ടെന്ന് വിശദമാക്കുമോ;

(സി)	ഇതില്‍ എത്ര കേസുകള്‍ ഈ സര്‍ക്കാര്‍ പിന്‍വലിച്ചിട്ടുണ്ട് ; വിശദവിവരം നല്‍കുമോ?

ഓപ്പറേഷന്‍ കുബേര

189.

ശ്രീ.വി.ഡി.സതീശന്‍
,, തേറമ്പില്‍ രാമകൃഷ്ണന്‍
,, എ.പി.അബ്ദുള്ളക്കുട്ടി
,, വി.റ്റി.ബല്‍റാം : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആഭ്യന്തര വകുപ്പിന്റെ നേതൃത്വത്തില്‍ ഓപ്പറേഷന്‍ കുബേര പ്രവര്‍ത്തിക്കുന്നുണ്ടോ; വിശദമാക്കുമോ;

(ബി)	ഓപ്പറേഷന്‍ കുബേര മുഖേന എന്തെല്ലാം ലക്ഷ്യങ്ങള്‍ കൈവരിക്കാനാണ് ഉദ്ദേശിക്കുന്നത്;

(സി)	അനധികൃത പണമിടപാട് സ്ഥാപനങ്ങള്‍ക്കെതിരെ നടപടികള്‍ സ്വീകരിക്കാന്‍ എന്തെല്ലാം കാര്യങ്ങളാണ് ഓപ്പറേഷന്‍ കുബേരയില്‍ ഉള്‍പ്പെടുത്തിയിരിക്കുന്നത്; വിശദമാക്കുമോ;

(ഡി)	ഓപ്പറേഷന്‍ കുബേര പ്രാവര്‍ത്തികമാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ എന്തെല്ലാം?

മലക്കപ്പാറ പോലീസ് സ്റ്റേഷൻ

190.

ശ്രീ.ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	നിലവില്‍ ജീര്‍ണ്ണിച്ച കെട്ടിടത്തില്‍ പ്രവര്‍ത്തിക്കുന്ന ചാലക്കുടി മണ്ഡലത്തില്‍പ്പെട്ട മലക്കപ്പാറ പോലീസ് സ്റ്റേഷന് പുതിയ കെട്ടിടം നിര്‍മ്മിക്കുന്നതിനായി സര്‍ക്കാര്‍ നടപടി സ്വീകരിച്ചിട്ടുണ്ടോ;

(ബി)	ഉണ്ടെങ്കിൽ നടപടികള്‍ ഏതു ഘട്ടത്തിലാണ് എന്നറിയിക്കുമോ?

കോഴിക്കോട് ജില്ലയിലെ സദാചാര ഗുണ്ടാ ആക്രമണ കേസുകള്‍

191.

(എ)	കോഴിക്കോട് ജില്ലയിലെ ഏതെല്ലാം പോലീസ് സ്റ്റേഷനുകളിലാണ് സദാചാര ഗുണ്ടാ ആക്രമണ കേസുകള്‍ രജിസ്റ്റര്‍ ചെയ്തിട്ടുള്ളത് എന്ന് വ്യക്തമാക്കാമോ ;

(ബി)	മേൽപ്പറഞ്ഞ പ്രകാരം എത്ര കേസുകള്‍ രജിസ്റ്റര്‍ ചെയ്തു എന്നും എത്ര പ്രതികള്‍ ഓരോ കേസിലും ഉള്‍പ്പെട്ടിട്ടുണ്ട് എന്നും പോലീസ് സ്റ്റേഷന്‍ അടിസ്ഥാനത്തില്‍ വ്യക്തമാക്കുമോ;

(സി)	പ്രതികളില്‍ എത്ര പേരെ ഇതുവരെ അറസ്റ്റ് ചെയ്തിട്ടുണ്ടെന്ന് വെളിപ്പെടുത്തുമോ?

കോഴിക്കോട് ജില്ലയിലെ തൂണേരിയില്‍ നടന്ന ആക്രമണം

192.

ശ്രീ.കെ.മുഹമ്മദുണ്ണി ഹാജി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കോഴിക്കോട് ജില്ലയിലെ നാദാപുരത്തിനടുത്ത് തൂണേരിയില്‍ ഷിബിന്‍ എന്ന യുവാവിന്റെ കൊലപാതകത്തിന് ശേഷം നടന്ന അക്രമത്തിലും കൊള്ളയിലും പങ്കെടുത്തവര്‍ക്കെതിരെ എന്തെല്ലാം നടപടികള്‍ സ്വീകരിച്ചു എന്ന് വിശദമാക്കുമോ ;

(ബി)	അക്രമത്തെ തുടര്‍ന്നുണ്ടായ കൊള്ളയിൽ നഷ്ടപ്പെട്ട ആഭരണം, പണം ,മറ്റ് സാധനങ്ങള്‍ എന്നിവ വീണ്ടെടുക്കുന്നതിന് എന്തൊക്കെ നടപടികളാണ് സ്വീകരിച്ചത് ;

(സി)	അക്രമം തടയുന്നതില്‍ പോലീസിനുണ്ടായ വീഴ്ച പരിശോധിച്ചു ആവശ്യമായ നടപടി സ്വീകരിക്കുമോ ;

(ഡി)	സാമുദായിക സൗഹാര്‍ദ്ദം തകര്‍ക്കുന്ന എല്ലാ നടപടികളെയും ശക്തമായി പ്രതിരോധിക്കുന്നതിന് ഇവിടങ്ങളില്‍ ഇന്റലിജന്‍സ് സംവിധാനം ശക്തമാക്കുമോ ?

കാസര്‍ഗോഡ് കുമ്പളയിലെ പി. മുരളി കൊലപാതക കേസ് സംബന്ധിച്ച്

193.

(എ)	കാസര്‍ഗോഡ് കുമ്പളയിലെ പി. മുരളിയെ കൊലപ്പെടുത്തിയ കേസ്സിലെ എത്ര പ്രതികളെ അറസ്റ്റ് ചെയ്തിട്ടുണ്ടെന്ന് വെളിപ്പെടുത്തുമോ;

(ബി)	പ്രസ്തുത കേസ്സിലെ ഗൂഡാലോചനയില്‍ പങ്കെടുത്തവരെ കൂടി പിടികൂടണമെന്നാവശ്യപ്പെട്ട് നല്‍കിയ ഹര്‍ജിയില്‍ എന്തെങ്കിലും നടപടി സ്വീകരിച്ചിട്ടുണ്ടോ;

(സി)	എങ്കില്‍ ഗൂഡാലോചനയില്‍ പങ്കെടുത്തവരെ പിടികൂടുന്നതിനുള്ള എന്തെങ്കിലും നടപടി സ്വീകരിച്ചിട്ടുണ്ടോ; വിശദാംശങ്ങള്‍ അറിയിക്കുാമോ?

കാണാതായവരെ സംബന്ധിച്ച വിശദാംശങ്ങൾ

194.

(എ)	ഈ സര്‍ക്കാര്‍ അധികാരത്തില്‍ വന്നശേഷം നാളിതുവരെ കാണാതായ പെണ്‍കുട്ടികള്‍, ആണ്‍കുട്ടികള്‍, വൃദ്ധര്‍, വനിതകള്‍ മറ്റുളളവര്‍ എത്രയെന്നു തരംതിരിച്ചു വിശദാംശം ലഭ്യമാക്കുമോ;

(ബി)	ഇതില്‍ ഓരോ വിഭാഗത്തില്‍ നിന്നും എ്രത പേരെ നാളിതുവരെ കണ്ടെത്തിയെന്നും എ്രത പേരെ കണ്ടെത്തുവാനുണ്ടെന്നും വ്യക്തമാക്കാമോ;

(സി)	ഇതില്‍ കൊല്ലപ്പെട്ടവര്‍, മനുഷ്യക്കടത്തിന് വിധേയരായവര്‍ എത്രയെന്നു വ്യക്തമാക്കാമോ;

(ഡി)	ഇത്തരത്തില്‍ കാണാതായവരെ കണ്ടെത്താനും ഇതിനു പിന്നിലെ അധോലോക ലോബികളെ കണ്ടെത്തുവാനും എന്തു നടപടികള്‍ സ്വീകരിച്ചുവെന്ന് വ്യക്തമാക്കാമോ;

(ഇ)	ഇത്തരത്തില്‍ കാണാതാകുന്നവരെ മനുഷ്യാവയവ കച്ചവട ലോബി തട്ടിപ്പിനു വിധേയരാക്കുന്നു എന്നതു സംബന്ധിച്ച് എന്തെങ്കിലും അന്വേഷണം ആഭ്യന്തരവകുപ്പ് നടത്തിയിട്ടുണ്ടോ; വിശദാംശം ലഭ്യമാക്കാമോ?

ക്രിമിനല്‍ കേസുകളില്‍ പുനരന്വേഷണം

195.

ശ്രീ.പി.കെ.ഗുരുദാസന്‍
,, കെ.കെ.ജയചന്ദ്രന്‍
,, എം. ഹംസ
,, ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	പൊതുവേദികളിലെ പ്രസംഗങ്ങളെ അടിസ്ഥാനമാക്കി, കോടതി വിധിന്യായം പുറത്തുവന്നതുള്‍പ്പെടെയുള്ള ക്രിമിനല്‍ കേസുകളില്‍, പുനരന്വേഷണം നടത്തുക എന്നത് സര്‍ക്കാരിന്റെ നയമാണോ ;

(ബി)	ഏതെല്ലാം സാഹചര്യങ്ങളിലാണ് ക്രിമിനല്‍ കേസുകളില്‍ പുനരന്വേഷണം നടത്താന്‍ തീരുമാനിക്കാറുള്ളതെന്ന് വ്യക്തമാക്കാമോ ;

(സി)

സി.പി.എെ(എം) ജില്ലാസെക്രട്ടറി എം. എം. മണിയുടെ പ്രസംഗത്തിന്റെ അടിസ്ഥാനത്തില്‍ ബാലുവധ കേസില്‍ തുടരന്വഷണം നടത്താനുള്ള തീരുമാനം കേരള ഹൈക്കോടതിയുടെ ഡിവിഷന്‍ബെഞ്ച് തള്ളിക്കളഞ്ഞിട്ടുണ്ടായിരുന്നുവോ ; എങ്കിൽ ഇതിനെതിരെ സര്‍ക്കാര്‍ സുപ്രീംകോടതിയില്‍ നല്‍കിയ അപ്പീലിന്മേലുണ്ടായ വിധിപ്രസ്താവം എന്തായിരുന്നു ; വിശദമാക്കാമോ ;

(ഡി)	ഇക്കാര്യത്തില്‍ സര്‍ക്കാര്‍ നടത്തിയത് രാഷ്ട്രീയ പകപോക്കലും അധികാര ദുര്‍വിനിയോഗവുമാണെന്ന ആക്ഷേപം ശരിവെക്കുന്നതാണ് സുപ്രീംകോടതി വിധി എന്ന കാര്യം അറിയാമോ ;

(ഇ)	രാഷ്ട്രീയ പ്രസംഗത്തിന്റെ പേരില്‍ എം. എം. മണിക്കെതിരെ നിയമവിരുദ്ധമായി കേസെടുത്ത് ഭീകര അന്തരീക്ഷം സ്യഷ്ടിച്ച് അറസ്റ്റ് ചെയ്ത് ജയിലില്‍ അടച്ച പോലീസുദ്യോഗസ്ഥര്‍ക്കെതിരെ നടപടി സ്വീകരിക്കുമോേ ?

കോഴിക്കോട് നാദാപുരത്തെ നരിക്കാട്ടേരിയിലെ സ്ഫോടന കേസ് അന്വേഷണം

196.

(എ)	നരിക്കാട്ടേരിയില്‍ നടന്ന സ്ഫോടന കേസ് അന്വേഷണം ഇപ്പോള്‍ ഏത് ഘട്ടത്തിലാണ് ; സ്ഫോടനത്തില്‍ മരണപ്പെട്ടവര്‍ എത്രയായിരുന്നു എന്നും കുറ്റപത്രം കോടതിയില്‍ സമര്‍പ്പിക്കാതിരിക്കുന്നതിന്റെ കാരണം എന്തായിരുന്നുവെന്നും വെളിപ്പെടുത്താമോ;

(ബി)	സ്ഫോടനത്തിനുള്ള ഗൂഢാലോചന നടന്നത് എവിടെനിന്നാണെന്നും ആരെല്ലാമാണതില്‍ പങ്കാളികളായതെന്നും അന്വേഷിച്ച് കണ്ടെത്തിയിട്ടുണ്ടോയെന്ന് വ്യക്തമാക്കാമോ ;

(സി)	ആരുടെ നേതൃത്വത്തില്‍ ആരെല്ലാമടങ്ങിയ സംഘമാണ് അന്വേഷണം നടത്തുന്നത് എന്നും സംഘത്തില്‍പ്പെട്ടവര്‍ ഇപ്പോള്‍ എവിടെയെല്ലാം ജോലി നോക്കി വരുന്നു എന്നും വ്യക്തമാക്കാമോ ;

(ഡി)	പ്രസ്തുത കേസ് സംബന്ധിച്ച കുറ്റപത്രം എന്നത്തേയ്ക്ക് കോടതിയില്‍ സമര്‍പ്പിക്കുമെന്ന് വ്യക്തമാക്കാമോ?

പട്ടികജാതി/പട്ടികവര്‍ഗ്ഗ പീഡനനിരോധന നിയമപ്രകാരമുള്ള കേസുകള്‍

197.

(എ)	ഈ സര്‍ക്കാര്‍ നിലവില്‍ വന്നശേഷം പട്ടികജാതി/പട്ടികവര്‍ഗ്ഗ പീഡനനിരോധന നിയമപ്രകാരം സംസ്ഥാനത്ത് എത്ര കേസുകള്‍ രജിസ്റ്റര്‍ ചെയ്തിട്ടുണ്ടെന്ന് ജില്ലതിരിച്ച് വിശദമാക്കാമോ;

(ബി)	ഇത്തരം കേസുകളില്‍ കുറ്റപത്രം സമര്‍പ്പിക്കുന്നതിലുള്ള കാലതാമസം ഗവണ്‍മെന്റിന്റെ ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ കാലതാമസം ഒഴിവാക്കുന്നതിനായി നടപടി സ്വീകരിക്കുമോ?

കാസര്‍ഗോഡ് "ആയിറ്റി" തീരദേശ പോലീസ് സ്റ്റേഷന്‍

198.

ശ്രീ.കെ.കുഞ്ഞിരാമന്‍ (തൃക്കരിപ്പൂർ) : താഴെ കാണുന്ന ചോദ്യത്തിന് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ജില്ലയിലെ "ആയിറ്റി"യില്‍ അനുവദിച്ച തീരദേശ പോലീസ് സ്റ്റേഷന്‍ നാളിതുവരെയായും പ്രവര്‍ത്തനം ആരംഭിക്കാന്‍ കഴിയാതെ വന്നതിന്റെ കാരണം വ്യക്തമാക്കാമോ?

സ്മാര്‍ട്ട് പോലീസ് സ്റ്റേഷൻ

199.

(എ)	കേരളത്തിലെ എല്ലാ പോലീസ് സ്റ്റേഷനുകളും സ്മാര്‍ട്ട് സ്റ്റേഷനുകളാക്കുന്നതിന് ഉദ്ദേശിക്കുന്നുണ്ടോ ;

(ബി)	സ്മാര്‍ട്ട് പോലീസ് സ്റ്റേഷന്‍‌ പദ്ധതിയും അതു ജനങ്ങള്‍ക്ക് നല്‍കുന്ന സേവനങ്ങളും എന്തെല്ലാമെന്ന് വിശദമാക്കുമോ ;

(സി)	സംസ്ഥാനത്തെ ആദ്യ സ്മാര്‍ട്ട് പോലീസ് സ്റ്റേഷന്‍ മലപ്പുറത്ത് ആരംഭിക്കുമെന്ന മന്ത്രിയുടെ പ്രഖ്യാപനത്തിന്റെ അടിസ്ഥാനത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ ;

(ഡി)	പദ്ധതി എന്നത്തേക്ക് യാഥാര്‍ത്ഥ്യമാകുമെന്ന് വ്യക്തമാക്കുമോ ?

അങ്കമാലിയിൽ ട്രാഫിക് പോലീസ് സ്റ്റേഷന്‍

200.

ശ്രീ.ജോസ് തെറ്റയില്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് പുതുതായി പോലീസ് സ്റ്റേഷനുകളും ട്രാഫിക് പോലീസ് സ്റ്റേഷനുകളും ആരംഭിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുളളത്;

(ബി)	ഇതിനായി ഉദ്യോഗസ്ഥ ഭരണപരിഷ്കാര വകുപ്പ് മുന്‍ഗണനാ ലിസ്റ്റ് തയ്യാറാക്കി നല്‍കിയിട്ടുണ്ടോ; ഇതിന്റെ പകര്‍പ്പ് ലഭ്യമാക്കാമോ;

(സി)	വാഹനാപകടങ്ങളും ട്രാഫിക് കുറ്റകൃത്യങ്ങളും വര്‍ദ്ധിച്ചുവരുന്നതും ഗതാഗത കുരുക്കും കണക്കിലെടുത്ത് അങ്കമാലിയില്‍ ട്രാഫിക് പോലീസ് സ്റ്റേഷന്‍ ആരംഭിക്കുന്ന കാര്യത്തിന് പ്രഥമ പരിഗണന നല്‍കുമോ?

നാദാപുരത്തെ അക്രമങ്ങൾ

201.

ശ്രീ.വി.എം.ഉമ്മര്‍ മാസ്റ്റര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരത്ത് തുണേരിയില്‍ നടന്ന ഷിബിന്റെ കൊലപാതകത്തെ തുടര്‍ന്ന് പ്രദേശത്തുണ്ടായ അക്രമങ്ങളില്‍ എന്തൊക്കെ അതിക്രമങ്ങള്‍ നടന്നിട്ടുണ്ട് എന്നതു സംബന്ധിച്ച റിപ്പോര്‍ട്ട് ലഭിച്ചിട്ടുണ്ടോ; എങ്കില്‍ അതിന്റെ കോപ്പി മേശപ്പുറത്തു വയ്ക്കുമോ;

(ബി)	ഇതു സംബന്ധിച്ച് എത്ര കേസുകള്‍ രജിസ്റ്റര്‍ ചെയ്തിട്ടുണ്ട്;

(സി)	അക്രമത്തിന് ഇരയായ കുടുംബങ്ങളില്‍പ്പെട്ട ആരെയെങ്കിലും കൊലപാതകക്കേസ്സില്‍ പ്രതി ചേര്‍ത്തിട്ടുണ്ടോ; എങ്കില്‍ വിശദവിവരം നല്‍കുമോ;

(ഡി)	സ്ത്രീകള്‍ മാത്രമുള്ള എത്ര വീടുകള്‍ ആക്രമിക്കപ്പെട്ടിട്ടുണ്ട്; അക്രമികള്‍ക്കെതിരെ കര്‍ശന നടപടികള്‍ സ്വീകരിക്കുമോ?

സംസ്ഥാനത്ത് രജിസ്റ്റര്‍ ചെയ്ത ക്രൈം , വിജിലന്‍സ് കേസുകള്‍

202.

ശ്രീ.കോടിയേരി ബാലകൃഷ്ണന്‍ : താഴെ കാണുന്ന ചോദ്യത്തിന് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്ന് നാളിതുവെര സംസ്ഥാനത്ത് എത്ര ക്രൈം കേസുകളും വിജിലന്‍സ് കേസുകളും ക്രൈംബ്രാഞ്ച് കേസുകളും രജിസ്റ്റര്‍ ചെയ്തിട്ടുണ്ടെന്ന ജില്ല തിരിച്ച് വിശദാംശം വെളിപ്പെടുത്തുമോ?

മേപ്പുയൂര്‍ സലഫി വിദ്യാഭ്യാസ സ്ഥാപനങ്ങളുടെ ബസ് കത്തിച്ച സംഭവം

203.

(എ)	മേപ്പുയൂര്‍ സലഫി വിദ്യാഭ്യാസ സ്ഥാപനങ്ങളുടെ ബസ് കത്തിച്ച സംഭവുമായി ബന്ധപ്പെട്ട് എത്ര കേസുകള്‍ രജിസ്റ്റര്‍ ചെയ്തിട്ടുണ്ടെന്ന് വെളിപ്പെടുത്തുമോ ;

(ബി)	കേസില്‍ എത്ര പ്രതികള്‍ ഉള്‍പ്പെട്ടിട്ടുണ്ടെന്നും അവരുടെ പേരു വിവരവും വ്യക്തമാക്കുമോ ;

(സി)	പ്രതികളില്‍ എത്ര പേരെ അറസ്റ്റ് ചെയ്തിട്ടുണ്ടെന്നും അവരുടെ പേരു വിവരവും അറിയിക്കുമോ ;

(ഡി)	കേസുമായി ബന്ധപ്പെട്ട കുറ്റപത്രം സമര്‍പ്പിച്ചിട്ടുണ്ടോയെന്നും ഇല്ലെങ്കില്‍ അതിനുള്ള കാരണവും വ്യക്തമാക്കുമോ ;

(ഇ)	കേസിന്റെ ഇപ്പോഴത്തെ അവസ്ഥ വ്യക്തമാക്കുമോ ?

അഭിലാഷിന്റെ ദുരൂഹ മരണം

204.

ശ്രീ.ഇ.ചന്ദ്രശേഖരന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കാഞ്ഞങ്ങാട് ഹോസ്ദുര്‍ഗ്ഗ് ഗവണ്‍മെന്റ് ഹയര്‍ സെക്കന്ററി സ്കൂള്‍ വിദ്യാര്‍ത്ഥി അഭിലാഷിന്റെ ദുരൂഹ മരണം സംബന്ധിച്ച ക്രെെം ബ്രാഞ്ച് അന്വേഷണം ഏതു ഘട്ടത്തിലാണെന്ന് വ്യക്തമാക്കാമോ;

(ബി)	അന്വേഷണം പൂര്‍ത്തിയാക്കുന്നതിന് എത്ര കാലമെടുക്കുമെന്ന് വിശദമാക്കാമോ;

(സി)	പ്രസ്തുത അന്വേഷണത്തിന്റെ ചുമതല ആര്‍ക്കെല്ലാമാണെന്ന് വ്യക്തമാക്കാമോ?

കാസര്‍ഗോഡ് ജില്ലയിലെ സ്റ്റുഡന്റ് പോലീസ് സ്കീം

205.

(എ)	കാസര്‍ഗോഡ് ജില്ലയില്‍ ഏതൊക്കെ സ്ക്കൂളുകളില്‍ സ്റ്റുഡന്റ് പോലീസ് സ്കീം നടപ്പിലാക്കിയിട്ടുണ്ടെന്ന് വ്യക്തമാക്കാമോ?

നെടുമങ്ങാട് നെല്ലനാട് വില്ലേജില്‍ പാറപൊട്ടിച്ചു കടത്തുന്നതു സംബന്ധിച്ച പരാതി

206.

ശ്രീ.സി.മോയിന്‍ കുട്ടി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഭൂമിയുടെ അതിര്‍ത്തികള്‍ തകര്‍ത്ത് ബലാല്ക്കാരമായി കെെയേറി പാറപൊട്ടിച്ചു കടത്തുന്നതു സംബന്ധിച്ച് നെടുമങ്ങാട് നെല്ലനാട് വില്ലേജില്‍ കോട്ടുകുന്നം ഉഷസ് ഭവനില്‍ രാമകൃഷ്ണന്‍ മകന്‍ കുട്ടന്റെ പരാതി പ്രകാരം ക്രിമിനല്‍ കേസ് രജിസ്റ്റര്‍ ചെയ്തിട്ടുണ്ടോ; എങ്കില്‍ കേസ് നമ്പര്‍ വ്യക്തമാക്കുമോ;

(ബി)	ഇതു സംബന്ധമായി എന്തൊക്കെ നടപടികള്‍ ഏതൊക്കെ തീയതികളില്‍ പോലീസ് സ്വീകരിച്ചിട്ടുണ്ടെന്നതിന്റെ വിശദവിവരം നല്കാമോ;

(സി)	ഇക്കാര്യത്തില്‍ മുന്‍സിഫ് കോടതിയുടെ ഇഞ്ചംഗ്ഷന്‍ ഉത്തരവും, ജില്ലാ കളക്ടറുടെ സ്റ്റോപ് മെമ്മോയും ശ്രദ്ധയില്‍പെട്ടിട്ടുണ്ടോ; അതു നടപ്പാക്കാന്‍ എന്തൊക്കെ നടപടികള്‍ സ്വീകരിച്ചിട്ടുണ്ട്; നിരോധനം ലംഘിച്ച എത്ര വാഹനങ്ങളും, മെഷിനറിയും പിടിച്ചെടുത്തിട്ടുണ്ട്,വിശദാംശങ്ങള്‍ നല്‍കുമോ?

സംസ്ഥാനത്ത് നടക്കുന്ന മതപരിവര്‍ത്തനം

207.

ശ്രീ.എ.കെ.ബാലന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മതപരിവര്‍ത്തനം നടക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ എവിടെയെല്ലാമാണ് റിപ്പോര്‍ട്ട് ചെയ്തിട്ടുള്ളതെന്ന് അറിയിക്കാമോ ;

(ബി)	ഇതു സംബന്ധിച്ച് പരാതികള്‍ ലഭിച്ചിട്ടുണ്ടോ; എങ്കിൽ എത്ര പരാതികള്‍ ലഭിച്ചു, എവിടെനിന്നുമാണ് പരാതി ലഭിച്ചത്, എത്ര കേസ്സുകള്‍ രജിസ്റ്റര്‍ ചെയ്തു, ഏതെല്ലാം പോലീസ് സ്റ്റേഷനുകളിലാണ് കേസ് രജിസ്റ്റര്‍ ചെയ്തിട്ടുള്ളത്എന്നിവ സംബന്ധിച്ച് വിശദാംശങ്ങൾ ലഭ്യമാക്കാമോ;

(സി)	ഘര്‍വാപസി കേരള ഘടകം സംസ്ഥാനത്ത് പ്രവര്‍ത്തിക്കുന്നതായും പുനര്‍മതപരിവര്‍ത്തനത്തിന് ഹെല്‍പ്പ് ലൈന്‍ പ്രവര്‍ത്തിക്കുന്നതായും സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ; എങ്കില്‍ വിശദാംശങ്ങള്‍ ലഭ്യമാക്കുമോ ?

നാദാപുരത്ത് വാഹനങ്ങള്‍ തീയിട്ട കേസുകൾ

208.

ശ്രീ.ഇ.കെ.വിജയന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	നാദാപുരം നിയോജക മണ്ഡലത്തില്‍ നിരന്തരമായി വാഹനങ്ങള്‍ തീയിട്ട് നശിപ്പിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ ഇത്തരത്തില്‍ എത്ര കേസുകള്‍ രജിസ്റ്റര്‍ ചെയ്തിട്ടുണ്ട്; ഇത്തരം രജിസ്റ്റര്‍ ചെയ്ത കേസുകളില്‍ എത്ര എണ്ണത്തിന് തീര്‍പ്പുകല്‍പ്പിക്കാന്‍ കഴിഞ്ഞിട്ടുണ്ട്;പ്രസ്തുത കേസുകളില്‍ പ്രതികളെ അറസ്റ്റ് ചെയ്തിട്ടുണ്ടോ ; വിശദാംശം നല്‍കാമോ;

പിന്‍വലിച്ച ക്രിമിനല്‍ കേസ്സുകൾ

209.

ശ്രീ.ജെയിംസ് മാത്യു : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തില്‍ വന്നതിന് ശേഷം നാളിതുവരെ നിരാക്ഷേപപത്രം നല്‍കി പിന്‍വലിച്ച ക്രിമിനല്‍ കേസ്സുകളുടെ എണ്ണം എത്ര; അവ ഏതെല്ലാം; വ്യക്തമാക്കാമോ;

(ബി)	ഇതിനായി സര്‍ക്കാരിന്റെ പരിഗണനയിലുളള കേസ്സുകളുടെ എണ്ണം എത്രയെന്ന് വ്യക്തമാക്കാമോ; അവ ഏതെല്ലാം വിശദമാക്കാമോ;

(സി)	ഇതേ കാലയളവില്‍ വിജിലന്‍സ് കോടതിയുടെ പരിഗണനയിലുളള എ്രത കേസ്സുകള്‍ പിന്‍വലിക്കുന്നതിന് നിരാക്ഷേപപത്രം നല്‍കിയിട്ടുണ്ട്; അവ ഏതെല്ലാം വിശദമാക്കാമോ;

(ഡി)	ഇതില്‍ മന്ത്രിമാരുടെ പേരിലുണ്ടായിരുന്ന കേസ്സുകളുണ്ടാേ; വ്യക്തമാക്കാമോ?

പയ്യന്നൂര്‍,ഹക്കീം വധം

210.

ശ്രീ.സി.കൃഷ്ണന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	പയ്യന്നൂര്‍ പോലീസ് സ്റ്റേഷന്‍ പരിധിയിലെ ഹക്കീം വധവുമായി ബന്ധപ്പെട്ട ക്രൈം ബ്രാഞ്ച് അന്വേഷണത്തിന്റെ നിലവിലുള്ള അവസ്ഥ വിശദമാക്കാമോ;

(ബി)	പ്രസ്തുത കേസന്വേഷണം സി.ബി.ഐ. ഏറ്റെടുക്കണമെന്നാവശ്യപ്പെട്ട് കേന്ദ്ര സര്‍ക്കാരിനെ അറിയിച്ചതെപ്പോഴാണെന്ന് വ്യക്തമാക്കുമോ ;

(സി)	ഇതുമായി ബന്ധപ്പെട്ട് എന്തെങ്കിലും മറുപടി കേന്ദ്ര സര്‍ക്കാരില്‍ നിന്ന് ലഭിച്ചിട്ടുണ്ടോ; വിശദമാക്കാമോ?

ബാര്‍കോഴകേസ്

211.

(എ)

ബാര്‍വിഷയത്തില്‍ ധനമന്ത്രിക്കെതിരെ ബാറുടമകള്‍ പരസ്യമായി കോഴ പറ്റിയെന്നു പറഞ്ഞിട്ടും ആയതിന്മേല്‍ കേസ് രജിസ്റ്റര്‍ ചെയ്തിട്ടും അറസ്റ്റുള്‍പ്പെടെയുള്ള കാര്യങ്ങളില്‍ തുടര്‍ നടപടികള്‍ സ്വീകരിയ്ക്കാത്തത് ആഭ്യന്തര വകുപ്പിന്റെ ഗുരുതരവും കുറ്റകരവുമായ അനാസ്ഥയാണെന്ന ആക്ഷേപം ശ്രദ്ധയില്‍പെട്ടിട്ടുണ്ടോ; വിശദ വിവരം നല്‍കാമോ;

(ബി)	കേസിന്റെ വിശദാംശങ്ങളും സ്വീകരിച്ച നടപടികളുടെ വിശദവിവരങ്ങളും നല്‍കുമോ?

മാവോയിസ്റ്റ് പ്രസ്ഥാനങ്ങളുടെ പ്രവർത്തനം

212.

ശ്രീ.കെ.മുഹമ്മദുണ്ണി ഹാജി
,, പി.കെ.ബഷീര്‍
,, എം.ഉമ്മര്‍
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	മാവോയിസ്റ്റ് പ്രസ്ഥാനം ഏതൊക്കെ ജില്ലകളില്‍ സജീവമാണെന്നത് സംബന്ധിച്ച വിവരം ശേഖരിച്ചിട്ടുണ്ടോ;

(ബി)	അവരുടെ പ്രവര്‍ത്തനം വ്യാപകമാകുവാൻ സഹായകരമായ സാഹചര്യങ്ങളെക്കുറിച്ച് പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(സി)	പ്രസ്തുത പ്രവര്‍ത്തനം നിയന്ത്രിക്കുന്നതിനായി, വനമേഖലയിലെയും വനാതിര്‍ത്തികളിലെയും ആദിവാസികളുള്‍പ്പെടെയുള്ളവരുടെ സഹകരണം ഉറപ്പാക്കാന്‍ സ്വീകരിച്ച നടപടികള്‍ വെളിപ്പെടുത്തുമോ ?

മാവോയിസ്റ്റ് ഭീഷണി നേരിടാൻ കര്‍മ്മപദ്ധതികൾ

213.

ശ്രീ.പി.സി വിഷ്ണുനാഥ്
,, ഷാഫി പറമ്പില്‍
,, ടി.എന്‍. പ്രതാപന്‍
,, ജോസഫ് വാഴയ്ക്കൻ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മാവോയിസ്റ്റ് ഭീഷണി നേരിടാന്‍ എന്തെല്ലാം കര്‍മ്മപദ്ധതികളാണ് തയ്യാറാക്കിയിട്ടുള്ളത്; വിശദമാക്കുമോ ?

(ബി)	ഇതിനായി പ്രത്യേക പോലിസ് സേന രൂപീകരിക്കുന്ന കാര്യം പരിഗണനയിലുണ്ടോ; വിശദാംശങ്ങള്‍ എന്തെല്ലാം ;

(സി)	ഇക്കാര്യത്തില്‍ എന്തെല്ലാം മുന്‍കരുതലുകളാണ് സ്വീകരിച്ചിട്ടുള്ളതെന്ന് വിശദമാക്കുമോ;

(ഡി)	പ്രസ്തുത ഭീഷണി നേരിടാന്‍ ജാഗ്രതാ സമിതികളുടെ പ്രവര്‍ത്തനം കാര്യക്ഷമമാക്കുന്ന കാര്യം പരിഗണനയിലുണ്ടോ ; വിശദാംശങ്ങള്‍ എന്തെല്ലാം?

മാവോയിസ്റ്റു സംഘടന- പ്രതിരോധ സേനാ വിഭാഗം

214.

(എ)	സംസ്ഥാനത്ത് മാവോയിസ്റ്റ് സംഘടനകളുടെ പേരില്‍ നടന്ന ആക്രമണ സംഭവങ്ങള്‍ എത്രയാണ്; ഏതെങ്കിലും സംഭവത്തിന് പിന്നില്‍ പ്രവര്‍ത്തിച്ചവരായി കണ്ടെത്തിയവര്‍ എത്ര; എത്രപേര്‍ ശിക്ഷിക്കപ്പെട്ടു;

(ബി)	മാവോയിസ്റ്റു സംഘടനകളെ നേരിടുന്നതിനായി പ്രവര്‍ത്തിക്കുന്ന സേനാവിഭാഗത്തില്‍പ്പെട്ടവര്‍ എത്ര; അവര്‍ക്കായി ശമ്പളം ഉള്‍പ്പെടെ കഴിഞ്ഞ രണ്ട് വര്‍ഷം ചെലവഴിച്ചിട്ടുള്ള തുക എത്ര;

(സി)	സേനയിലേയ്ക്ക് കൂടുതല്‍ ആളുകളെ നിയമിക്കാന്‍ ഉദ്ദേശിക്കുന്നുണ്ടോ; വിശദാംശങ്ങള്‍ വെളിപ്പെടുത്താമോ?

സ്റ്റുഡന്‍സ് പോലീസ് കേഡറ്റ് പദ്ധതി

215.

ശ്രീ.വി.റ്റി.ബല്‍റാം
,, കെ.ശിവദാസന്‍ നായര്‍
,, ലൂഡി ലൂയിസ്
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റശേഷം സ്റ്റുഡന്‍സ് പോലീസ് കേഡറ്റ് പദ്ധതി കാര്യക്ഷമമായി നടപ്പാക്കുവാന്‍ ഏന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

(ബി)	പ്രസ്തുത കേഡറ്റുകള്‍ക്ക് കാര്യക്ഷമമായ പരിശീലനം ലഭ്യമാക്കുവാനും പ്രസ്തുത പദ്ധതി കൂടുതല്‍ സ്കൂളുകളിലേക്കും ഹയര്‍ സെക്കന്ററി /വൊക്കേഷണല്‍ ഹയര്‍ സെക്കന്ററി എന്നീ മേഖലകളിലേക്കും വ്യാപിപ്പിക്കുവാന്‍ എന്തെല്ലാം നടപടികള്‍ സ്വീകരിക്കുവാന്‍ ഉദ്ദേശിക്കുന്നുണ്ടെന്ന് വിശദമാക്കാമോ;

(സി)	പദ്ധതിയില്‍ സഹകരിക്കുന്ന കുട്ടികള്‍ക്ക് ഗ്രേസ് മാര്‍ക്ക് ഉള്‍പ്പെടെയുളള ആനുകൂല്യങ്ങള്‍ നല്‍കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കാമോ;

(ഡി)	പദ്ധതിക്കായി പ്രത്യേക ഡയറക്ടറേറ്റ് രൂപീകരിക്കുന്ന കാര്യം പരിഗണനയിലുണ്ടോയെന്നും ഏങ്കില്‍ ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ടെന്നും വിശദമാക്കാമോ?

കോഴിക്കോട് പന്തീരങ്കാവ് പോലീസ് സ്റ്റേഷന്‍

216.

(എ)	കോഴിക്കോട് പന്തീരങ്കാവ് ആസ്ഥാനമായി പോലീസ് സ്റ്റേഷന്‍ ആരംഭിക്കുന്നത് സംബന്ധിച്ച് നിവേദനം ലഭിച്ചിട്ടുണ്ടോയെന്ന് വിശദമാക്കാമോ;

(ബി)	പന്തീരങ്കാവില്‍ പോലീസ് സ്റ്റേഷന്‍ ആരംഭിക്കുന്നതിന് നടപടി സ്വീകരിക്കുമോ?

പോലീസുകാരുടെ പ്രോട്ടോകോള്‍ ലംഘനം

217.

(എ)	സംസ്ഥാനത്തെ പോലീസ് സ്റ്റേഷനുകളില്‍ വിവിധ ആവശ്യങ്ങള്‍ക്കായി സന്ദര്‍ശനം നടത്തിയിട്ടുളള ജനപ്രതിനിധികളോട് പോലീസ് ഉദ്യോഗസ്ഥര്‍ അപമര്യാദയായി പെരുമാറിയത് സംബന്ധിച്ച് സര്‍ക്കാരിന് പരാതികള്‍ ലഭിച്ചിട്ടുണ്ടോയെന്ന് വ്യക്തമാക്കാമോ ;

(ബി)	ഉണ്ടെങ്കില്‍ എത്ര പരാതികള്‍ ലഭിച്ചിട്ടുണ്ടെന്നും ഏതൊക്കെ പോലീസുദ്യോഗസ്ഥര്‍ക്കെതിരായിട്ടാണ് പരാതി ലഭിച്ചിട്ടുളളതെന്നും വെളിപ്പെടുത്തുമോ;

(സി)	ഓരോ കേസുകളിലും സ്വീകരിച്ച നടപടികളുടെ വിശദാംശങ്ങള്‍ വ്യക്തമാക്കുമോ?

മാവോയിസ്റ്റ് പ്രവര്‍ത്തനങ്ങള്‍

218.

ശ്രീ.കെ.അജിത് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)

സംസ്ഥാനത്ത് മാവോയിസ്റ്റ് പ്രവര്‍ത്തനങ്ങള്‍ അടിച്ചമര്‍ത്തുന്നതിനും, നിരീക്ഷിക്കുന്നതിനും സംസ്ഥാന പോലീസില്‍ പ്രത്യേക വിഭാഗത്തെ നിയോഗിച്ചിട്ടുണ്ടോയെന്നും എങ്കി‍ല്‍ പ്രസ്തുത വിഭാഗത്തിന് എന്തു പേരാണ് വകുപ്പ് തലത്തില്‍ നല്‍കിയിട്ടുളളതെന്നും ഇതില്‍ എത്ര പോലീസ് സേനാംഗങ്ങളെയാണ് ഉള്‍പ്പെടുത്തിയിട്ടുളളതെന്നും വ്യക്തമാക്കുമോ;

(ബി)	മാവോയിസ്റ്റ് പ്രവര്‍ത്തനം നിയന്ത്രിക്കുന്നതിനുളള പോലീസ് സേനാവിഭാഗത്തിന് നല്‍കിയിട്ടുളള ചുമതലകള്‍ എന്തൊക്കെയാണെന്നും ഇൗ വിഭാഗത്തിന്റെ പ്രവര്‍ത്തനങ്ങള്‍ക്കായി എന്തെല്ലാം ഭൗതിക സൗകര്യങ്ങളാണ് നല്‍കിയിട്ടുളളതെന്നും ഇതിലെ അംഗങ്ങളെ തെരഞ്ഞെടുക്കുന്നതിനുളള മാനദണ്ഡം എന്തെന്നും വെളിപ്പെടുത്തുമോ;

(സി)

മാവോയിസ്റ്റ് പ്രവര്‍ത്തനങ്ങള്‍ സംസ്ഥാനത്ത് അടിച്ചമര്‍ത്തുന്നതിനും നിയന്ത്രിക്കുന്നതിനുമായി ഇതുവരെ എത്ര തുക ചെലവഴിച്ചിട്ടുളളതായി വെളിപ്പെടുത്തുമോ; ഇതിന് നിയോഗിക്കപ്പെട്ടിട്ടുളള സേനാംഗങ്ങള്‍ക്ക് തങ്ങളുടെ തസ്തികക്കനുസരിച്ചുളള ആനുകൂല്യങ്ങള്‍ക്കുപരിയായി എന്തെല്ലാം ആനുകൂല്യങ്ങള്‍ സര്‍ക്കാര്‍ നല്‍കുന്നു എന്നും വെളിപ്പെടുത്തുമോ;

(ഡി)	സംസ്ഥാനത്ത് ഇതുവരെ എ്രത മാവോയിസ്റ്റ് ആക്രമണങ്ങള്‍ നടന്നിട്ടുണ്ടെന്നും ഇതില്‍ എത്രപേര്‍ പിടിക്കപ്പെട്ടിട്ടുണ്ടെന്നും പിടിക്കപ്പെട്ടവരില്‍ സംസ്ഥാനത്തെ പ്രധാനപ്പെട്ട ഏതെങ്കിലും പ്രവര്‍ത്തകര്‍ ഉള്‍പ്പെട്ടിട്ടുണ്ടോയെന്നും വ്യക്തമാക്കുമോ?

അച്ചന്‍കോവില്‍ പോലീസ് ഔട്ട്പോസ്റ്റ് കെട്ടിടം

219.

ശ്രീ.കെ.രാജു : താഴെ കാണുന്ന ചോദ്യത്തിന് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)

അച്ചന്‍കോവില്‍ പോലീസ് ഔട്ട്പോസ്റ്റ് കെട്ടിടം മേല്‍ക്കൂര ഉള്‍പ്പെടെ തകര്‍ന്ന് അപകട ഭീഷണിയില്‍ ആയ അവസ്ഥ ശ്രദ്ധയില്‍പ്പെട്ടിട്ടുണ്ടോ എന്ന് വ്യക്തമാക്കുമോ ; ആകെ രണ്ട് മുറികള്‍ മാത്രമുള്ള പ്രസ്തുത കെട്ടിടം ഓഫീസായി ഉപയോഗിയ്ക്കുന്നതിനും തൊണ്ടിമുതല്‍ സൂക്ഷിക്കുന്നതിനും പ്രതികളെ സൂക്ഷിക്കുന്നതിനും സൗകര്യങ്ങള്‍ ഇല്ലാതെ ബുദ്ധിമുട്ടുന്ന സാഹചര്യത്തില്‍ പ്രസ്തുത കെട്ടിടം പുനര്‍നിര്‍മ്മിക്കുന്ന കാര്യം പരിഗണനയില്‍ ഉണ്ടോ; എങ്കില്‍ ഇതിനുള്ള സത്വര നടപടികള്‍ സ്വീകരിക്കുമോ?

കൊലപാതകത്തില്‍ ആഹ്ലാദം പ്രകടിപ്പിച്ച് ഫെയ്സ് ബുക്കില്‍ പോസ്റ്റിട്ടവര്‍ക്കെതിരെ കേസ്

220.

ശ്രീ.പുരുഷന്‍ കടലുണ്ടി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സി.പി.എെ.(എം) പ്രവര്‍ത്തകന്‍ പി. മുരളി കൊലചെയ്യപ്പെട്ട ദിവസം ആഹ്ലാദം പ്രകടിപ്പിച്ച് ഫെയ്സ് ബുക്കില്‍ പോസ്റ്റിട്ടതിനെതിരെ പോലീസ് എടുത്ത കേസ് അന്വേഷണം ഇപ്പോള്‍ ഏത് ഘട്ടത്തിലാണ് ;

(ബി)	കുറ്റവാളിയെ പോലീസ് അറസ്റ്റ് ചെയ്ത് ചോദ്യം ചെയ്യുകയുണ്ടായോ ; കൊലപാതകത്തില്‍ ടിയാന് പങ്കുണ്ടായിരുന്നുവോ ;

(സി)	ഗൂഡാലോചനയില്‍ ഇദ്ദേഹത്തിനും പങ്കുള്ളതായി പരാതി ഉണ്ടായിരുന്നുവോ ; അന്വേഷണം നടത്തിയിട്ടുണ്ടോ ;

(ഡി)	ഈ കേസുമായി ബന്ധപ്പെട്ട്അരുണ്‍കുമാര്‍ എന്നയാള്‍ക്കെതിരെ പോലീസ് രജിസ്റ്റര്‍ ചെയ്ത കേസ് എഴുതി ത്തള്ളിയതായി അറിയുന്നത് ശരിയാണോ ; വിശദാംശങ്ങള്‍ വെളിപ്പെടുത്തുമോ ?

ചന്ദ്രബോസിന്റെ കൊലപാതകം

221.

(എ)	തൃശ്ശൂര്‍ ശോഭാ സിറ്റിയിലെ സെക്യൂരിറ്റി ജീവനക്കാരനായ ചന്ദ്രബോസിനെ അതിക്രൂരമായി മര്‍ദ്ദിച്ച് കൊലപ്പെടുത്തിയതു സംബന്ധിച്ച കേസ്സിലെ പ്രതി മുഹമ്മദ് നിഷാം ഇതിനു മുമ്പ് സംസ്ഥാനത്ത് എത്ര കേസ്സുകളില്‍ പ്രതി ചേര്‍ക്കപ്പെട്ടിട്ടുണ്ട്;

(ബി)	ഇതില്‍ എത്ര കേസ്സുകള്‍ പോലീസിന്റെയും, പ്രോസിക്യൂഷന്റെയും വീഴ്ച കാരണം വിചാരണ ചെയ്യപ്പെടാതെ പോയിട്ടുണ്ട്; ഇതു സംബന്ധിച്ച് ആഭ്യന്തര വകുപ്പ് ഏതെങ്കിലും തരത്തിലുള്ള വിലയിരുത്തലുകള്‍ നടത്തിയിട്ടുണ്ടോ;

(സി)	നിരന്തരം ധാര്‍ഷ്ട്യത്തോടെ നിയമ ലംഘനം നടത്തി കേസ്സുകളില്‍ പ്രതിയായിട്ടും, പണത്തിന്റെയും ഉന്നത ബന്ധങ്ങളിലെ സ്വാധീനം കൊണ്ടും മുഹമ്മദ് നിഷാം വിചാരണ ചെയ്യപ്പെടാതെയും ശിക്ഷിക്കപ്പെടാതെയും രക്ഷപ്പെടുന്നുവെന്ന അതീവ ഗൗരവകരമായ ആക്ഷേപം ഉയര്‍ന്നുവരുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടോ;

(ഡി)	ഉണ്ടെങ്കില്‍ ഇതു സംബന്ധിച്ച് എന്തു നടപടിയാണ് സര്‍ക്കാര്‍ സ്വീകരിച്ചിട്ടുള്ളത്; വ്യക്തമാക്കുമോ?

ചന്ദ്രബോസിന്റെ കൊലപാതകം

222.

ശ്രീ.മാത്യു റ്റി.തോമസ്
,, ജോസ് തെറ്റയില്‍
,, സി.കെ.നാണു
ശ്രീമതി.ജമീല പ്രകാശം : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	തൃശൂരില്‍ ചന്ദ്രബോസിനെ മൃഗീയമായ രീതിയില്‍ കൊലപ്പെടുത്തുന്നതിന് നേതൃത്വം നല്‍കിയ നിസ്സാമിന്റെ പേരില്‍ എത്ര കേസ്സുകളാണ് നേരത്തേ ചാര്‍ജ്ജ് ചെയ്യപ്പെട്ടിരുന്നത് ;

(ബി)	അവ സംബന്ധിച്ച വിശദാംശങ്ങളും ആ കേസുകളുടെ ഇപ്പോഴത്തെ സ്ഥിതിയും എന്തെന്ന് വ്യക്തമാക്കാമോ ;

(സി)	നേരത്തേ ചാര്‍ജ്ജ് ചെയ്യപ്പെട്ട കേസുകളുടെ ചാര്‍ജ്ജ് ഷീറ്റുകളുടെ പകര്‍പ്പുകള്‍ സഭയുടെ മേശപ്പുറത്ത് വയ്ക്കാമോ ;

(ഡി)	ചന്ദ്രബോസിന്റെ കൊലപാതകവുമായി ബന്ധപ്പെട്ട് രജിസ്റ്റര്‍ ചെയ്തിട്ടുള്ള FIR ന്റെ പകര്‍പ്പും അത് സംബന്ധിച്ച് നാളിതുവരെ കോടതിക്ക് സമര്‍പ്പിച്ചിട്ടുള്ള റിപ്പോര്‍ട്ടുകളുടെ പകര്‍പ്പും സഭയുടെ മേശപ്പുറത്ത് വയ്ക്കാമോ ?

ഹിരണ്യനല്ലൂര്‍ ക്ഷേത്രാഗ്നിബാധ - ക്രൈംബ്രാഞ്ച് അന്വേഷണം

223.

ശ്രീ.ചിറ്റയം ഗോപകുമാര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	അടൂര്‍ നിയോജക മണ്ഡലത്തിലെ പള്ളിക്കല്‍ പഞ്ചായത്തിലുള്ളതായ നൂറ്റാണ്ടുകള്‍ പഴക്കമേറിയ ഹിരണ്യനല്ലൂര്‍ ക്ഷേത്രം സംശയാസ്പദമായ സാഹചര്യത്തില്‍ അഗ്നിബാധക്കിരയായത് ശ്രദ്ധയില്‍പ്പെട്ടിട്ടുണ്ടോ;

(ബി)	പ്രസ്തുത കേസ്സന്വേഷണത്തില്‍ ലോക്കല്‍ പോലീസിന്റെ നിഷ്ക്രിയത്തം സബ്മിഷനിലൂടെ ബോദ്ധ്യപ്പെടുത്തിയതിന്റെ അടിസ്ഥാനത്തില്‍ കേസ്സ് ക്രൈംബ്രാഞ്ചിന് കൈമാറാമെന്ന് മറുപടി നല്‍കിയിട്ടുണ്ടോ;

(സി)	അനുബന്ധ മറുപടിയിന്മേല്‍ ബന്ധപ്പെട്ട കേസ്സ് ക്രൈം ബ്രാഞ്ചിന് കൈമാറിയിട്ടുണ്ടോ;

(ഡി)	തികച്ചും സംശയാസ്പദമായ സാഹചര്യത്തില്‍ നടന്ന ഈ ക്ഷേത്രത്തിലെ അഗ്നിബാധയിന്മേലുള്ള അന്വേഷണം ക്രൈംബ്രാഞ്ച് ആരംഭിക്കുന്നതിനുള്ള കാലവിളംബത്തിന് കാരണം വെളിപ്പെടുത്തുമോ;

(ഇ)	ക്രൈംബ്രാഞ്ച് അന്വേഷണം ആരംഭിക്കുമെന്ന സഭയില്‍ നല്‍കിയിരുന്ന ഉറപ്പ് സമയബന്ധിതമായി പാലിക്കുന്നതിന് തയ്യാറാകുമോ?

കൊലപാതകങ്ങളുടെ എണ്ണം

224.

(എ)	ഇൗ സര്‍ക്കാര്‍ അധികാരത്തില്‍ വന്ന് നാളിതുവരെ സംസ്ഥാനത്ത് എത്ര കൊലപാതകങ്ങള്‍ നടന്നെന്ന് വെളിപ്പെടുത്താമോ?

(ബി)	ഓരോ വര്‍ഷവും എത്ര കൊലപാതകങ്ങള്‍ നടന്നെന്ന് വെളിപ്പെടുത്താമോ?

(സി)	2011 മെയ് മുതല്‍ നാളിതുവരെ എത്ര സി.പി.ഐ (എം) പ്രവര്‍ത്തകര്‍ കൊല ചെയ്യപ്പെട്ടെന്ന് വിശദമാക്കാമോ?

(ഡി)	സി.പി.ഐ(എം) പ്രവര്‍ത്തകരെ കൊലപ്പെടുത്തിയ കേസുകളിൽ ഓരോ കേസിലെയും പ്രതികളുടെ രാഷ്ട്രീയ ബന്ധം വെളിപ്പെടുത്താമോ?

ചന്ദ്രബോസിന്റെ കൊലപാതകം

225.

ശ്രീ.കെ.രാധാകൃഷ്ണന്‍
,, ബാബു എം. പാലിശ്ശേരി
,, പി.ശ്രീരാമകൃഷ്ണന്‍
,, ബി.ഡി. ദേവസ്സി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സെക്യൂരിറ്റി ജീവനക്കാരന്‍ ചന്ദ്രബോസിനെ കാര്‍ കയറ്റി കൊലപ്പെടുത്തിയ കേസിന്റെ അന്വേഷണം ഇപ്പോള്‍ ഏത് ഘട്ടത്തിലാണെന്ന് വെളിപ്പെടുത്താമോ;

(ബി)	അന്വേഷണത്തിലുണ്ടായ അനധിക്യത ഇടപെടലുകളും ഗുരുതരമായ വീഴ്ചകളും ശ്രദ്ധയില്‍പ്പെട്ടിട്ടുണ്ടോ;

(സി)	കൊലയാളിയുമായി മുന്‍ സിറ്റി പോലീസ് കമ്മീഷണര്‍ രഹസ്യ കൂടിക്കാഴ്ച നടത്തിയതായ വിവരം ലഭിച്ചിട്ടുണ്ടോ;ഇത് ആരുടെ ഇടപെടലിനെ തുടര്‍ന്നായിരുന്നുവെന്ന് അറിയിക്കുമോ;

(ഡി)	കേസ് അന്വേഷിച്ചുകൊണ്ടിരുന്ന സിറ്റി പോലീസ് കമ്മീഷണര്‍ നിശാന്തിനിയെ അന്വേഷണ ചുമതലയില്‍ നിന്ന് മാറ്റിയത് എന്തിനായിരുന്നു; ഇപ്പോള്‍ അന്വേഷണം നടത്തുന്നത് ആരുടെ നേത്യത്വത്തിലുള്ള സംഘമാണ്;

(ഇ)	ആശുപത്രിയിലുണ്ടായിരുന്നപ്പോള്‍ ചന്ദ്രബോസിന് സംസാരശേഷി ഉണ്ടായിരുന്നുവോ; ചന്ദ്രബോസിന്റെ മരണമൊഴി രേഖപ്പെടുത്തിയിട്ടുണ്ടോ; ഇല്ലെങ്കില്‍ കാരണം വെളിപ്പെടുത്താമോ;പ്രതി നിസാമിനെതിരെ നിലനില്‍ക്കുന്ന കേസുകള്‍ ഏതൊക്കെയാണ്?

സ്ത്രീകള്‍ക്കും കുട്ടികള്‍ക്കും മുതിര്‍ന്ന പൗരന്മാര്‍ക്കും എതിരെയുള്ള അതിക്രമങ്ങള്‍

226.

ശ്രീ.സി.എഫ്.തോമസ്
,, മോന്‍സ്‌ ജോസഫ്
,, റ്റി.യു. കുരുവിള
,, തോമസ് ഉണ്ണിയാടന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സ്ത്രീകള്‍ക്കും കുട്ടികള്‍ക്കും മുതിര്‍ന്ന പൗരന്മാര്‍ക്കും എതിരെ വര്‍ദ്ധിച്ചു വരുന്ന അതിക്രമങ്ങള്‍ തടയുന്നതിന് എന്തെല്ലാം പുതിയ നടപടികളാണ് സ്വീകരിച്ചു വരുന്നത് എന്ന് വ്യക്തമാക്കുമോ;

(ബി)	ഇത്തരം അതിക്രമങ്ങള്‍ തടയുന്നതിന് കൂടുതല്‍ ശാസ്ത്രീയ സമീപനങ്ങളും ശക്തമായ നടപടികളും സ്വീകരിക്കുമോ; എങ്കില്‍ വിശദാംശം ലഭ്യമാക്കുമോ?

കടുത്തുരുത്തിയിൽ പുതിയ പോലീസ് സ്റ്റേഷന്‍

227.

ശ്രീ.മോന്‍സ്‌ ജോസഫ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കടുത്തുരുത്തി നിയോജക മണ്ഡലത്തില്‍ നടപ്പ് വര്‍ഷം പുതിയ പോലീസ് സ്റ്റേഷന്‍ ആരംഭിക്കുന്നുണ്ടോ; ഉണ്ടെങ്കില്‍ ഇതിന്റെ പ്രാരംഭ പ്രവര്‍ത്തനങ്ങള്‍ ഏതു ഘട്ടം വരെയായി എന്ന് വ്യക്തമാക്കാമോ;

(ബി)	കടുത്തുരുത്തി നിയോജക മണ്ഡലത്തില്‍ പുതുതായി പോലീസ് ഔട്ട്‌ പോസ്റ്റ്‌ സ്ഥാപിക്കുന്നതിനുള്ള പ്രൊപ്പോസൽ ആഭ്യന്തര വകുപ്പിന്റെ പക്കല്‍ ലഭിച്ചിട്ടുണ്ടോ; ഉണ്ടെങ്കില്‍ എവിടെയാണ്; ഇതിന്റെ വിശദാംശങ്ങള്‍ വെളിപ്പെടുത്താമോ;

(സി)

കടുത്തുരുത്തി നിയോജക മണ്ഡലത്തിലെ മരങ്ങാട്ടുപള്ളി പോലീസ് സ്റ്റേഷന്റെ വെഹിക്കിള്‍ ഷെഡ്‌ നിര്‍മ്മാണവുമായി ബന്ധപ്പെട്ട് 9639/E/Home/2015 ഫയലില്‍ പി. എച്ച്. ക്യു. -വില്‍ നിന്ന് റിപ്പോർട്ട് ലഭിച്ചിട്ടുണ്ടോ; ഇല്ലെങ്കിൽ ഇത് എത്രയും വേഗം ലഭിക്കുന്നതിന് നടപടി സ്വീകരിക്കുമോ; ആസ്തി വികസന ഫണ്ട്‌ വഴിയുള്ള നിര്‍മ്മാണ പ്രവര്‍ത്തനങ്ങള്‍ക്ക് പി. എച്ച്. ക്യു. റിപ്പോർട്ട് ആവശ്യമായിട്ടുണ്ടോ?

ക്രിമിനല്‍ക്കേസുകള്‍

228.

(എ)	ഈ സര്‍ക്കാര്‍ അധികാരത്തില്‍ വന്നതിനുശേഷം സംസ്ഥാനത്താകെ എത്ര ക്രിമിനല്‍ക്കേസുകള്‍ രജിസ്റ്റര്‍ ചെയ്തിട്ടുണ്ട് ;

(ബി)	ഇതില്‍ മോഷണം, കവര്‍ച്ച, പിടിച്ചുപറി, ഭവനഭേദനം, ദേവാലയ കവര്‍ച്ച എന്നീ ഇനങ്ങളില്‍ ഓരോന്നിലും എത്ര കേസുകള്‍ വീതം രജിസ്റ്റര്‍ ചെയ്യപ്പെട്ടിട്ടുണ്ട് ;

(സി)	ഇതില്‍ ഓരോ വിഭാഗത്തിലും അന്വേഷണം പൂര്‍ത്തിയാക്കി പ്രതികള്‍ ശിക്ഷിക്കപ്പെട്ടത് എത്രയെണ്ണമുണ്ട് എന്ന് അറിയിക്കാമോ ?

കൊള്ളപ്പലിശക്കാര്‍ക്കെതിരെ നടപടി

229.

ശ്രീ.കോലിയക്കോട് എന്‍. കൃഷ്ണന്‍ നായര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ആര്യനാട് പഞ്ചായത്തിലെ ഈഞ്ചപ്പൂരി പഴവുണ്ണി ആറ്റിന്‍പുറം സ്വദേശിനി വീണ കൊള്ളപ്പലിശക്കാരന്‍ കിടപ്പാടം തട്ടിയെടുത്തതില്‍ മനംനൊന്ത് ആത്മഹത്യക്ക് ശ്രമിച്ചത് ശ്രദ്ധയില്‍പ്പെട്ടിട്ടുണ്ടോ;

(ബി)	ഇത് സംബന്ധിച്ച് അന്വേഷണം നടത്തിയിട്ടുണ്ടോ;

(സി)	എങ്കില്‍ കിടപ്പാടം തട്ടിയെടുക്കാന്‍ ശ്രമിച്ചയാളിനെതിരെ സ്വീകരിച്ച നടപടി വിശദമാക്കാമോ ?

2014 ലെ റോഡപകടങ്ങള്‍

230.

ശ്രീ.മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	2014ല്‍ എത്ര റോഡപകടങ്ങള്‍ റിപ്പോര്‍ട്ട് ചെയ്യപ്പെട്ടിട്ടുണ്ട്;

(ബി)	ഇതില്‍ മരിച്ചവരെത്ര; പരിക്കേറ്റവര്‍ എത്ര; ഇതിന്റെ ജില്ലതിരിച്ചുളള കണക്ക് ലഭ്യമാക്കാമോ?

മിഷന്‍ 676 വഴിയുള്ള പദ്ധതികള്‍

231.

ശ്രീ.കെ.മുരളീധരന്‍
,, പി.സി വിഷ്ണുനാഥ്
,, ബെന്നി ബെഹനാന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മിഷന്‍ 676 ല്‍ ഉള്‍പ്പെടുത്തി നിര്‍ഭയ കേരളം, സുരക്ഷിത കേരളം എന്നീ പദ്ധതികള്‍ പ്രഖ്യാപിച്ചിട്ടുണ്ടോ;

(ബി)	എന്തെല്ലാം കാര്യങ്ങളാണ് ഇതു വഴി നടപ്പാക്കാനുദ്ദേശിക്കുന്നത്; വിശദാംശങ്ങള്‍ നല്‍കുമോ;

(സി)	പദ്ധതികളുടെ രൂപരേഖ തയ്യാറാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വ്യക്തമാക്കാമോ;

(ഡി)	പദ്ധതികള്‍ സമയബന്ധിതമായി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ടെന്ന് വിശദമാക്കുമോ ?

ക്രെെം നമ്പര്‍ 885/2014

232.

ശ്രീ. എന്‍ .എ.നെല്ലിക്കുന്ന് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കാസര്‍ഗോഡ് ടൗണ്‍ പോലിസ് സ്റ്റേഷനില്‍ ക്രെെം നമ്പര്‍ 885/2014 പ്രകാരം രജിസ്റ്റര്‍ ചെയ്ത കേസ്സില്‍ എ്രത പ്രതികള്‍ ഉണ്ട്;

(ബി)	പ്രതികളെ അറസ്റ്റ് ചെയ്തിട്ടുണ്ടോ; ഇല്ലെങ്കില്‍ നഗരത്തിലെ ഒരു മെഡിക്കല്‍ സ്റ്റോറിൽ രാത്രി ഉണ്ടായ തീ പിടിത്ത സംഭവം പോലീസ് എങ്ങനെയാണ് വിലയിരുത്തുന്നത്;

(സി)	സംഭവത്തില്‍ ഇലക്ട്രിക്കല്‍ വിംഗിന്റെ റിപ്പോര്‍ട്ട് ലഭിച്ചിട്ടുണ്ടോ; പ്രസ്തുത റിപ്പോര്‍ട്ടില്‍ എന്താണു രേഖപ്പെടുത്തിയിട്ടുള്ളതെന്ന് വിശദമാക്കാമോ?

അരൂർ ഫയർ സ്റ്റേഷൻ കെട്ടിടം

233.

ശ്രീ.എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	അരൂര്‍ ഇന്‍ഡസ്ട്രിയല്‍ എസ്റ്റേറ്റ് മേഖലയിലും പരിസരത്തുമായി കഴിഞ്ഞ നാല് വര്‍ഷങ്ങളില്‍ തീപിടിത്തവും അമോണിയ ലീക്ക് ചെയ്യുന്നതും ഉള്‍പ്പെടെയുള്ള അപകടങ്ങള്‍ എത്ര തവണ നടന്നുവെന്ന് വ്യക്തമാക്കാമോ;

(ബി)	ഇത്തരം സംഭവങ്ങള്‍ ആവര്‍ത്തിക്കുന്നതിനാല്‍ അവിടെ ഒരു ഫയര്‍ സ്റ്റേഷന്‍ നിര്‍മ്മിക്കുന്നതിനു വേണ്ടി ആലപ്പുഴ ജില്ലാ കളക്ടര്‍ യോഗം വിളിച്ചു ചേര്‍ത്തിട്ടുണ്ടോ; എങ്കില്‍ ജനപ്രതിനിധികള്‍ ഉള്‍പ്പെടെ ആരെല്ലാം പങ്കെടുത്തു; യോഗ തീരുമാനങ്ങളുടെ പകര്‍പ്പ് നല്‍കുമോ;

(സി)	അതു പ്രകാരം അഗ്നിശമന വകുപ്പ് ഫയര്‍ സ്റ്റേഷന്‍ നിര്‍മ്മാണത്തിനായി സ്ഥലം വിട്ടു നല്‍കുന്നതിനായി ജില്ലാ വ്യവസായ കേന്ദ്രത്തിനോ വ്യവസായ വകുപ്പിനോ അപേക്ഷ നല്‍കിയോ; ഇന്‍ഡസ്ട്രീസ് ഡയറക്ടറുടെ മറുപടി എന്തായിരുന്നുവെന്ന് വ്യക്തമാക്കുമോ;

(ഡി)	ബി.എസ്.എന്‍.എല്‍.ന്റെ കൈവശമുള്ള ഭൂമി അനസ് എന്ന വ്യവസായിക്ക് അനുവദിച്ചതും അതിന്മേൽ ബി.എസ്.എന്‍.എല്‍. ബഹു. ഹൈക്കോടതിയെ സമീപിച്ചെങ്കിലും ഭൂമി അനസ്സിന് കൈമാറ്റം ചെയ്ത വ്യവസായ വകുപ്പിന്‍റെ നടപടി ബഹു.ഹൈക്കോടതി ശരിവെച്ചത് ശ്രദ്ധയില്‍പ്പെട്ടിട്ടുണ്ടോ;

(ഇ)	ഈ സ്ഥലം ഫയര്‍ സ്റ്റേഷന്‍ ആവശ്യത്തിന് വിട്ടുതരുവാന്‍ ശ്രീ. അനസ് സമ്മതിച്ചതിന് പകരമായി മറ്റൊരു സ്ഥലം അദ്ദേഹത്തിന് നല്‍കുന്നതിന് തീരുമാനിച്ചത് പാലിക്കാതെ വ്യവസായ വകുപ്പ് മറ്റൊരാള്‍ക്ക് കൊടുക്കുവാന്‍ തീരുമാനിച്ചത് ശ്രദ്ധയില്‍പ്പെട്ടിട്ടുണ്ടോ;

(എഫ്)

അരൂര്‍ പോലീസ് സ്റ്റേഷന്‍ നിന്നിരുന്ന സ്ഥലം ഫയര്‍ സ്റ്റേഷന്‍ നിര്‍മ്മിക്കുന്നതിനായി അപേക്ഷിക്കുന്നതിന് തടസ്സമുണ്ടോ; ഇല്ലെങ്കില്‍ നിര്‍ദ്ദിഷ്ട പോലീസ് സ്റ്റേഷന്‍ കെട്ടിടം പൊളിച്ചു മാറ്റി കെട്ടിടം നിര്‍മ്മിച്ചു തന്നാല്‍ അവിടെ ഫയര്‍ സ്റ്റേഷന്‍ അനുവദിക്കുമോ;

(ജി)	പോലീസ് സ്റ്റേഷന്‍ നിന്നിരുന്ന സ്ഥലത്തിന് അപേക്ഷ നല്‍കുവാന്‍ അഗ്നി ശമന വകുപ്പിന് അടിയന്തര നിര്‍ദ്ദേശം നല്‍കുമോ?

മലപ്പുറം ജില്ലയിലെ അഗ്നിരക്ഷാസേന നേരിടുന്ന പ്രയാസങ്ങള്‍

234.

(എ)	ജീവനക്കാരുടെ കുറവും കേസ്സുകളുടെ എണ്ണത്തിലുണ്ടായ വര്‍ദ്ധനവും കാരണം മലപ്പുറം ജില്ലയിലെ അഗ്നിരക്ഷാസേന നേരിടുന്ന പ്രയാസങ്ങള്‍ ശ്രദ്ധയില്‍പ്പെട്ടിട്ടുണ്ടോ ;

(ബി)	‍ജില്ലയിലെ ഫയര്‍ സ്റ്റേഷനുകളില്‍ ഓരോന്നിലും ഫയര്‍മാന്മാരുടെ എത്ര ഒഴിവുകളാണ് നിലവിലുള്ളത് ; അവ പി. എസ്. സി.യ്ക്ക് റിപ്പോര്‍ട്ട് ചെയ്തിട്ടുണ്ടോ ; വിശദാംശം നല്‍കുമോ ;

(സി)	ഫയര്‍ സ്റ്റേഷനുകളില്‍ എത്രയും വേഗം ആവശ്യമായ ജീവനക്കാരെ നിയമിക്കാന്‍ നിര്‍ദ്ദേശം നല്‍കുമോ എന്ന് വ്യക്തമാക്കാമോ ;

(ഡി)	ജില്ലയില്‍ പുതുതായി ഫയര്‍സ്റ്റേഷനുകള്‍ ആരംഭിക്കുന്ന കാര്യം സര്‍ക്കാര്‍ പരിഗണനയിലുണ്ടോ ; എങ്കില്‍ അതിന്റെ പുരോഗതികള്‍ വ്യക്തമാക്കാമോ ?

കോഴിക്കോട് ജില്ലയിലെ പുതിയ ഫയര്‍ സ്റ്റേഷനുകള്‍

235.

(എ)	കോഴിക്കോട് ജില്ലയിലെ രാമനാട്ടുകരയിലും, പന്തീരം കാവിലും പുതിയ ഫയര്‍ സ്റ്റേഷനുകള്‍ ആരംഭിക്കാന്‍ തീരുമാനിച്ചിട്ടുണ്ടോയെന്ന് വിശദമാക്കാമോ;

(ബി)	ഉണ്ടെങ്കില്‍ ഇതു സംബന്ധിച്ച് ഇതുവരെ സ്വീകരിച്ച നടപടികള്‍ വിശദമാക്കാമോ?

ലോകായുക്ത ആക്ട്

236.

ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ ലോകായുക്ത ആക്ട് പരിഷ്കരിക്കുന്നതിന് വിദഗ്ദ്ധ സമിതിയെ നിയോഗിച്ചിട്ടുണ്ടോ ; വിശദമാക്കുമോ ;

(ബി)	ഉണ്ടെങ്കില്‍ കമ്മിറ്റിയുടെ പ്രധാന ശിപാര്‍ശകള്‍ എന്തെല്ലാമെന്ന് വ്യക്തമാക്കുമോ ;

(സി)	കമ്മിറ്റിയുടെ ശിപാര്‍ശകള്‍ നടപ്പാക്കുന്നതിന് എന്തെല്ലാം സംവിധാനങ്ങള്‍ ഏര്‍പ്പെടുത്തിയിട്ടുണ്ടെന്ന് വ്യക്തമാക്കുമോ ?

ബാർ കോഴ കേസ്

237.

ശ്രീ.പി.കെ.ഗുരുദാസന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ധനമന്ത്രി ശ്രീ. കെ. എം. മാണി ബാറുടമകളില്‍ നിന്നും കോഴ വാങ്ങിയെന്നതിന്റെ ശബ്ദരേഖ എന്ന് അവകാശ പെടുന്നതടക്കമുള്ള തെളിവുകള്‍, ബാര്‍ അസോസിയേഷന്‍ വര്‍ക്കിംങ് പ്രസിഡന്റ് ബിജു രമേശ് വിജിലന്‍സിന് സമര്‍പ്പിച്ചിട്ടുണ്ടോ;

(ബി)	ബിജു രമേശ് വാര്‍ത്താ സമ്മേളനം നടത്തി പ്രഖ്യാപിച്ച കാര്യങ്ങളെക്കുറിച്ച് വിജിലന്‍സ് സംഘം അന്വേഷിക്കുകയുണ്ടായിട്ടുണ്ടോ; വിശദമാക്കാമോ?

ബാർ കോഴയും ബിജൂ രമേശിന്റെ ഫോണ്‍ സംഭാഷണവും

238.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയംബാർ കോഴയും ബിജൂ രമേശിന്റെ ഫോണ്‍ സംഭാഷണവും മറുപടി നല്‍കുമോ:

(എ)

സ്വര്‍ണ്ണക്കടക്കാരില്‍ നിന്നും അരിമില്ലുകാരില്‍ നിന്നും ബേക്കറിക്കാരില്‍ നിന്നുമുള്‍പ്പെടെ സംസ്ഥാന ധനകാര്യമന്ത്രി ശ്രീ. കെ. എം. മാണി കോടികള്‍ കോഴ വാങ്ങിയെന്നാരോപിച്ചുകൊണ്ടുള്ള മുന്‍മന്ത്രിയും യു.ഡി.എഫ് നേതാവുമായ ശ്രീ. ആര്‍. ബാലകൃഷ്ണപിള്ളയും ബാര്‍ അസോസിയേഷന്‍ പ്രസിഡണ്ട് ബിജൂ രമേശും തമ്മിലുള്ള ഫോണ്‍ സംഭാഷണം പുറത്ത് വന്നിട്ടുള്ളത് വിജിലന്‍സ് വകുപ്പിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	ആര്‍ ബാലകൃഷ്ണുപിള്ളയും ബിജൂ രമേശും തമ്മിലുള്ള ഫോണ്‍ സംഭാഷണത്തിന് പുറമേ ഗവണ്‍മെന്റ് ചീഫ് വിപ്പ് പി.സി. ജോര്‍ജും ബിജൂ രമേശും തമ്മിലുള്ള ഫോണ്‍ സംഭാഷണവും പുറത്തു വന്നിട്ടുള്ളതായി അറിയാമോ;

(സി)	ബാര്‍ കോഴക്കേസ് അന്വേഷിക്കുന്ന വിജിലന്‍സ് അന്വേഷണസംഘം, ഫോണ്‍ സംഭാഷണങ്ങളിലൂടെ പുറത്തുവന്ന വിവരങ്ങള്‍ എല്ലാം ശേഖരിക്കുകയും അതിന്റെ കൂടി അടിസ്ഥാനത്തില്‍ അന്വേഷണം നടത്തുകയും ചെയ്തിട്ടുണ്ടോ; വിശദമാക്കുമോ?

ശ്രീ.വി.എ അരുണ്‍കുമാറിനെതിരെ വിജിലന്‍സ് അന്വേഷണം

239.

ശ്രീ.ബെന്നി ബെഹനാന്‍
,, എ.പി.അബ്ദുള്ളക്കുട്ടി
,, വര്‍ക്കല കഹാര്‍
,, ടി.എന്‍. പ്രതാപന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	മുന്‍ കയര്‍ഫെഡ് എം.ഡി. ശ്രീ.വി.എ. അരുണ്‍കുമാറിനെതിരെ വിജിലന്‍സ് കേസ് എടുത്തിട്ടുണ്ടോയെന്ന് വ്യക്തമാക്കാമോ;

(ബി)	എന്തെല്ലാം ക്രമക്കേടുകളാണ് വിജിലന്‍സ് അന്വേഷണത്തിന്റെ പരിധിയില്‍ വരുന്നതെന്ന് വിശദമാക്കുമോ;

(സി)	ഇത് സംബന്ധിച്ച പരാതിയില്‍ എഫ്.ഐ.ആര്‍ സമര്‍പ്പിച്ചിട്ടുണ്ടോ;

(ഡി)	കേസിന്റെ ഇപ്പോഴത്തെ അവസ്ഥ എന്താണെന്ന് വ്യക്തമാക്കുമോ?

ആര്‍.ടി.ഒ. ഓഫീസുകൾ -വിജിലന്‍സ് റെയ്‍ഡുകള്‍

240.

(എ)	സര്‍ക്കാര്‍ അധികാരത്തില്‍ വന്നശേഷം ഏതെല്ലാം ആര്‍.ടി.ഒ. ഓഫീസുകളില്‍ വിജിലന്‍സ് റെയ്‍ഡുകള്‍ നടന്നിട്ടുണ്ട് എന്ന് വെളിപ്പെടുത്തുമോ;

(ബി)	വിജിലന്‍സ് റെയ്ഡുകളില്‍ ഏതെല്ലാം ഓഫീസുകളിലാണ് ക്രമക്കേടുകളും അഴിമതിയും കണ്ടെത്തിയിട്ടുള്ളത്;

(സി)	ഇതുമായി ബന്ധപ്പെട്ട് എത്ര ഉദ്യോഗസ്ഥരുടെ പേരില്‍ നടപടി എടുത്തിട്ടുണ്ട്;

(ഡി)	ആര്‍.ടി.ഒ. ഓഫീസുകള്‍ അഴിമതി മുക്തമാക്കുന്നതിന് എന്തെല്ലാം നടപടികളാണ് സ്വീകരിച്ചുവരുന്നത്; വിശദാംശങ്ങള്‍ വ്യക്തമാക്കുമോ?

ബാര്‍ കോഴ അന്വേഷണവുമായി ബന്ധപ്പെട്ട ഉത്തരവുകള്‍

241.

(എ)	ബാര്‍ കോഴ അന്വേഷണവുമായി ബന്ധപ്പെട്ട് ആഭ്യന്തര വകുപ്പില്‍ നിന്ന് എത്ര ഉത്തരവുകള്‍ ഇറക്കിയിട്ടുണ്ട് എന്ന് വ്യക്തമാക്കാമോ;

(ബി)	ഈ ഉത്തരവുകള്‍ ഏതെല്ലാമാണെന്നും ഉത്തരവുകളുടെ കോപ്പികളും ലഭ്യമാക്കാമോ?

മുന്‍ ചീഫ് സെക്രട്ടറിയ്ക്കെതിരെ വിജിലന്‍സ് അന്വേഷണം

242.

(എ)	ചീഫ് സെക്രട്ടറിയായിരുന്ന ശ്രീ.ഭരത് ഭുഷന്‍ അനധികൃത സ്വത്ത് സമ്പാദിച്ചുവെന്ന ആക്ഷേപം സംബന്ധിച്ച് വിജിലന്‍സ് അന്വേഷണം നടത്തിയിട്ടുണ്ടോ; അന്വേഷണം ഇപ്പോള്‍ ഇത് ഘട്ടത്തിലാണ്;വ്യക്തമാക്കുമോ;

(ബി)	സിവില്‍ വ്യാേമയാന ഡയറക്ടര്‍ ജനറലായിരിക്കേ ശ്രീ.ഭരത് ഭൂഷന്‍ സ്വകാര്യ കമ്പനിയുടെ ഹെലികോപ്പ്റ്ററില്‍ നടത്തിയ യാത്രകള്‍ ഒൗദ്യോഗികമായിരുന്നുവോ; ഇത് സംബന്ധിച്ച് വ്യോമയാന മന്ത്രാലയത്തില്‍ നിന്നുളള വിവരങ്ങള്‍ വിജിലന്‍സ് സംഘത്തിന് ലഭിച്ചിട്ടുണ്ടോ;

(സി)	ജമ്മുകാശ്മീര്‍ സര്‍ക്കാരിന്റെ ഹെലികോപ്റ്ററില്‍ അമര്‍നാഥിലേക്ക് ഭാര്യയുമൊത്ത് ഭരത് ഭൂഷന്‍ നടത്തിയതായി പറയപ്പെടുന്ന ക്രമവിരുദ്ധ യാത്രയെക്കുറിച്ചുളള വിവരങ്ങള്‍ വിജിലന്‍സ് തേടിയിട്ടുണ്ടോ;

(ഡി)	മുൻ ചീഫ് സെക്രട്ടറി, നിയമവിരുദ്ധമായി പ്രവൃത്തിച്ചതായി ഉന്നയിക്കപ്പെട്ട ഏതെല്ലാം ആരോപണങ്ങള്‍ സംബന്ധിച്ചാണ് വിജിലന്‍സ് അന്വേഷണം നടത്തിവരുന്നതെന്ന് വ്യക്തമാക്കാമോ?

ദേശീയ ഗെയിംസ് നടത്തിപ്പിലെ അഴിമതി

243.

ശ്രീ.കെ.കെ.ജയചന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ ഗെയിംസ് നടത്തിപ്പിലെ അഴിമതികളെ കുറിച്ച് അന്വേഷണം നടക്കുന്നുണ്ടോ; ആരുടെ നേതൃത്വത്തില്‍ ആരെല്ലാം അടങ്ങിയ സംഘമാണ് അന്വേഷണം നടത്തുന്നതെന്ന് വിശദമാക്കാമോ;

(ബി)	സ്പോര്‍ട്സ് വകുപ്പ് മന്ത്രി ശ്രീ .തിരുവഞ്ചൂര്‍ രാധാകൃഷ്ണന്‍, അഴിമതി സംബന്ധിച്ച അന്വേഷണം നടത്തിയാല്‍ കുടുങ്ങുന്ന ചിലരുണ്ടെന്നും അവരുടെ പേര് പിന്നീട് പറയാമെന്നും പ്രസ്താവിച്ചിട്ടുള്ളതു ശ്രദ്ധയിൽ പെട്ടിടുണ്ടോ:

(സി)	അന്വേഷണ സംഘത്തിന് തനിക്കറിയാവുന്നവരുടെ പേര് മന്ത്രി നല്കിയിട്ടുണ്ടോ;അന്വേഷണ സംഘം മന്ത്രിയെ ചോദ്യം ചെയ്തിട്ടുണ്ടോ; വിശദമാക്കാമോ;

(ഡി)	അഴിമതി നടത്തിയതിനെക്കുറിച്ച് അറിയാവുന്ന മന്ത്രി അക്കാര്യം യഥാസമയം അധികാരികളുടെ ശ്രദ്ധയില്‍പ്പെടുത്താതിരുന്നത്എത്രത്തോളം കുറ്റകരമാണ്; ഇക്കാര്യത്തില്‍ ഒരു മന്ത്രിയ്ക്ക് പ്രത്യേക പരിരക്ഷ ഉണ്ടോ; വിശദമാക്കാമോ?

പാറ്റൂർ ഭൂമി വിജിലന്‍സ് അന്വേഷണം

244.

(എ)	പാറ്റൂരിലെ ജലവിഭവ വകുപ്പു വക ഭൂമിയില്‍ ഫ്ലാറ്റ് സമുച്ചയ നിര്‍മ്മാണത്തിന് അനുമതി നല്‍കിയതുമായി ബന്ധപ്പെട്ട വിജിലന്‍സ് അന്വേഷണ റിപ്പോര്‍ട്ട് ലോകായുക്തയ്ക്ക് നല്‍കിയത് എന്നാണെന്ന് അറിയിക്കാമോ;

(ബി)	അധികാരദുര്‍വിനിയോഗവും അഴിമതിയും ക്രമക്കേടുകളും നടത്തിയതായി വിജിലന്‍സ് കണ്ടെത്തിയ ഉദ്യോഗസ്ഥര്‍ ആരൊക്കെയാണ് ;

(സി)	കുറ്റക്കാരായവര്‍ക്കെതിരെ എഫ്.ഐ.ആര്‍ രജിസ്റ്റര്‍ ചെയ്തത് എന്നാണ്;

(ഡി)	എഫ്.ഐ.ആര്‍ രജിസ്റ്റര്‍ ചെയ്യുന്നതിന് എന്തെങ്കിലും തടസ്സം നേരിട്ടിട്ടുണ്ടായിരുന്നുവോ;

(ഇ)	അന്വേഷണ റിപ്പോര്‍ട്ട് ലോകായുക്തയ്ക്ക് കൈമാറിയ ശേഷം ചീഫ് സെക്രട്ടറി, വിജിലന്‍സ് ഡയറക്ടറെ ഫോണിലും അല്ലാതെയും എത്ര തവണ ബന്ധപ്പെട്ടിട്ടുണ്ടായിരുന്നു;

(എഫ്)

ചീഫ് സെക്രട്ടറിക്ക് വിജിലന്‍സ് വകുപ്പിന്റെ എന്തെങ്കിലും ചുമതല നേരിട്ട് ഉണ്ടായിരുന്നുവോ; ഇല്ലെങ്കില്‍ വിജിലന്‍സ് ഡയറക്ടറെ ഔദ്യോഗികമായ എന്തെല്ലാം കാര്യങ്ങള്‍ക്കാണ് ഫോണില്‍ ബന്ധപ്പെട്ടിരുന്നതെന്ന് വ്യക്തമാക്കാമോ;

(ജി)	വിജിലന്‍സ് അന്വേഷണത്തില്‍‌ കുറ്റക്കാരായി കണ്ടെത്തപ്പെട്ട ഒരു ഉദ്യോഗസ്ഥന്‍, അന്വേഷണ ഏജന്‍സിയുടെ ഡയറക്ടറെ നിരന്തരം ബന്ധപ്പെടുന്നത് എത്രത്തോളം ഉചിതമാണ് ?

ബാര്‍കോഴ - വിജിലന്‍സ് അന്വേഷണം

245.

ശ്രീ.എം.എ.ബേബി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ബാര്‍കോഴ ഇടപാടില്‍ ആരോപിതരായ മന്ത്രിമാരും നേതാക്കന്‍മാരും തങ്ങളുടെ പേര് വിവരങ്ങളും തെളിവുകളും പുറത്തു വരാതിരിക്കാന്‍ ബാറുടമകളില്‍ ഒരു വിഭാഗത്തിന്‍മേല്‍ സമ്മര്‍ദ്ദം ചെലുത്തിയതായുള്ള റിപ്പോര്‍ട്ടുകള്‍ വിജിലന്‍സ് അന്വേഷണ സംഘം അന്വേഷണ വിധേയമാക്കിയിട്ടുണ്ടോ; വ്യക്തമാക്കുമോ;

(ബി)	സാക്ഷികളെ സമ്മര്‍ദ്ദത്തിലാക്കാന്‍ ശ്രമിച്ചതായുള്ള പരാതിയില്‍ കേസ് രജിസ്റ്റര്‍ ചെയ്തിട്ടുണ്ടോ; വിശദമാക്കാമോ;

(സി)	അന്വേഷണ സംഘത്തിന് തെളിവുകളും മൊഴികളും നല്‍കാതിരുന്ന സാക്ഷികള്‍ ആരൊക്കെയാണെന്ന് വെളിവായിട്ടുണ്ടോ?

ബാര്‍കോഴ കേസ് അന്വേഷണം

246.

ശ്രീ.എസ്.ശർമ്മ
,, കെ.കുഞ്ഞമ്മത് മാസ്റ്റര്‍
,, കെ.കെ.നാരായണന്‍
,, എസ്.രാജേന്ദ്രന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ബാര്‍കോഴ കേസ് അന്വേഷിക്കുന്ന വിജിലന്‍സ് സംഘത്തിന് ലഭിച്ച, ബാറുടമകളുടെ സംസ്ഥാന നിര്‍വ്വാഹക സമിതിയോഗത്തിന്റെ ശബ്ദരേഖയില്‍ നിന്നും എന്തെല്ലാം തെളിവുകള്‍ വെളിവാക്കപ്പെട്ടിട്ടുണ്ട് ; വിശദമാക്കാമോ ;

(ബി)	സാക്ഷികളായി ആരെയെല്ലാം ഇതിനകം വിജിലന്‍സ് സംഘം ചോദ്യം ചെയ്യുകയുണ്ടായി ; നിര്‍വ്വാഹക സമിതി യോഗത്തില്‍ സംസാരിച്ച ആരെങ്കിലും, ബന്ധപ്പെട്ട ശബ്ദരേഖയില്‍ പറയുന്നതിന് വിരുദ്ധമായി നിലപാട് സ്വീകരിച്ചിട്ടുണ്ടോ ;

(സി)	ഭരണത്തിലെ ഉന്നതതലത്തില്‍പ്പെട്ടവര്‍ ആരോപിതരായ ഈ കേസില്‍ ബറുടമകൾ ആരെക്കിലും സമ്മര്‍ദ്ദങ്ങള്‍ക്കിടയായിട്ടുള്ളതായി അറിയാമോ ;

(ഡി)	അഴിമതി പണം കൈപറ്റിയവര്‍ അതിന് രസീതോ തെളിവോ നല്കുകുകയില്ലെന്ന കാര്യം അന്വേഷണസംഘം പരിഗണിച്ചിട്ടുണ്ടോ ;

(ഇ)	ലഭ്യമായ തെളിവുകളുടെ അടിസ്ഥാനത്തിലും, സാക്ഷി മൊഴി നല്‍കാന്‍ തയ്യാറായവരെ സമ്മര്‍ദ്ദക്കാരില്‍ നിന്ന് വിമുക്തമാക്കിയും സത്യസന്ധവും വസ്തതാപരവുമായ അന്വേഷണം ഉറപ്പാക്കിയും കോഴ വാങ്ങിയവരെ നിയമത്തിന്റെ മുന്നില്‍ കൊണ്ടുവരാന്‍ നടപടി സ്വീകരിക്കുമോ ?

ബാര്‍കോഴ കേസ് അന്വേഷണം

247.

ശ്രീ.എസ്.ശർമ്മ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ബാര്‍ക്കോഴയുമായി ബന്ധപ്പെട്ട് 31.12.2014-ല്‍ നടന്ന ബാര്‍ അസോസിയേഷന്‍ യോഗത്തില്‍ പുതിയ വെളിപ്പെടുത്തലുകള്‍ ഉണ്ടായത് വിജിലന്‍സ് അന്വേഷണ സംഘത്തിന്റെ ശ്രദ്ധയില്‍പ്പെട്ടിട്ടുണ്ടോ;

(ബി)	യോഗത്തില്‍ നടന്ന ചര്‍ച്ചകളുടെ ശബ്ദരേഖ വിജിലന്‍സ് കസ്റ്റഡിയില്‍ എടുത്തിട്ടുണ്ടോ;

(സി)	ശ്രീ മാണി കോഴ വാങ്ങിയതായുള്ള ആരോപണങ്ങളെ ബലപ്പെടുത്തുന്ന ഒട്ടേറെ തെളിവുകള്‍ ലഭിച്ചിട്ടുണ്ടോ ;

(ഡി)	ബാര്‍ അസോസിയേഷന്‍ യോഗത്തിന്റെ ശബ്ദരേഖ കൈവശപ്പെടുത്തി ക്കൊണ്ട്, അന്വേഷണം നടത്തി പുതുതായി ആരെയെല്ലാം കേസില്‍ പ്രതികളാക്കുകയുണ്ടായിട്ടുണ്ട്?

ബാര്‍കോഴ കേസില്‍ വിജിലന്‍സ് നടത്തിയ പ്രാഥമിക പരിശോധന

248.

ശ്രീ.സി.കെ സദാശിവന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ബാര്‍കോഴ കേസില്‍ വിജിലന്‍സ് നടത്തിയ പ്രാഥമിക പരിശോധന റിപ്പോര്‍ട്ടിന്റെ ഒരു പകര്‍പ്പും ശേഖരിച്ച തെളിവുകളുടെയും രേഖകളുടെയും പകര്‍പ്പുകളും ലഭ്യമാക്കാമോ;

(ബി)	ക്വിക്ക് വെരിഫിക്കേഷന്‍ റിപ്പോര്‍ട്ടിന്റെ അടിസ്ഥാനത്തില്‍ സ്വീകരിക്കപ്പെട്ട തുടര്‍നടപടി വിശദമാക്കാമോ;

(സി)	കേരള ഹൈക്കോടതിയില്‍ ബാര്‍കോഴ സംബന്ധിച്ച കേസുകളില്‍ വിജിലന്‍സും സര്‍ക്കാരും അറിയിച്ച നിലപാടുകള്‍ വിശദമാക്കാമോ;കോടതിയില്‍ നിന്നും എന്തെല്ലാം നിര്‍ദ്ദേശങ്ങള്‍ ഉണ്ടായിട്ടുണ്ടെന്ന് വ്യക്തമാക്കാമോ?

പാറ്റൂര്‍ ഭൂമി ഇടപാട് സംബന്ധിച്ച വിജിലന്‍സ് അന്വേഷണം

249.

ശ്രീ.എ.കെ.ബാലന്‍
,, വി.ശിവന്‍കുട്ടി
,, എം. ഹംസ
,, എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	പാറ്റൂര്‍ ഭൂമി ഇടപാട് സംബന്ധിച്ച ലോകായുക്ത നിര്‍ദ്ദേശപ്രകാരമുള്ള വിജിലന്‍സ് അന്വേഷണ റിപ്പോര്‍ട്ടിന്മേല്‍ സ്വീകരിച്ച നടപടികള്‍ വിശദമാക്കാമോ;

(ബി)	വിജിലന്‍സ് എ.ഡി.ജി.പി. ലോകായുക്തയ്ക്ക് നല്‍കിയ റിപ്പോര്‍ട്ടില്‍, ഭൂമി ഇടപാടില്‍ മുഖ്യമന്ത്രിയുടെയും റവന്യൂ മന്ത്രിയുടെയും ചീഫ് സെക്രട്ടറിയുടെയും പങ്ക് വ്യക്തമാക്കുന്നുണ്ടോ;

(സി)	കേരള വാട്ടര്‍ സപ്ലൈസ് ആന്റ് സ്വീവറേജ് നിയമത്തിന് വിരുദ്ധമായ നടപടികളിലൂടെ അഴിമതി വിരുദ്ധ നിയമപ്രകാരമുള്ള കുറ്റം ഉന്നത ഭരണനേതൃത്വത്തില്‍ നിന്നുണ്ടായിട്ടുണ്ടെന്ന് റിപ്പോര്‍ട്ടില്‍ വ്യക്തമാക്കിയിട്ടുണ്ടോ;

(ഡി)

ഉന്നത ഭരണനേതൃത്വം പങ്കാളിയാണെന്ന് എ.ഡി.ജി.പി. സൂചിപ്പിച്ചിരിക്കുന്നത് ബന്ധപ്പെട്ട ഫയലുകളിലെ ഖണ്ഡികകള്‍ ചൂണ്ടിക്കാട്ടിക്കൊണ്ടാണോ; റവന്യൂ വകുപ്പിലെ ബന്ധപ്പെട്ട ഫയലിലെ 57 മുതല്‍ 60 വരെയുള്ള ഖണ്ഡികകള്‍ക്ക് താഴെ ഒപ്പിട്ടിരിക്കുന്നത് ആരൊക്കെയാണെന്ന് വ്യക്തമാക്കാമോ; ഇതിന്റെ പകര്‍പ്പ് സഭയുടെ മേശപ്പുറത്ത് വയ്ക്കാമോ;

(ഇ)	വാട്ടര്‍ അതോറിറ്റിയുടെ പൈപ്പ്‍ലൈന്‍ മാറ്റിയിട്ട് കൊടുക്കുവാനായി ഉത്തരവ് നല്കിയതാരാണ്; ഇതിനാധാരമായ റിപ്പോര്‍ട്ട് നിയമവിരുദ്ധമായി ഉണ്ടാക്കിയതാണെന്ന് വിജിലന്‍സ് കണ്ടെത്തിയിട്ടുണ്ടോ;

(എഫ്)

പൈപ്പ്‍ലൈന്‍ പോയ പുറമ്പോക്ക് ഭൂമിയെ സംബന്ധിച്ച് കൃത്യത ഉണ്ടായിരിക്കെ, കയ്യേറ്റം ഒഴിപ്പിക്കാന്‍ ഉത്തരവ് നല്‍കാതെ, സെറ്റില്‍ ചെയ്യാന്‍ മുഖ്യമന്ത്രി ഉത്തരവ് നല്‍കിയത് എന്തുകൊണ്ടായിരുന്നു;

(ജി)

പൈപ്പ്‍ലൈനിന്റെ സമ്പൂര്‍ണ്ണ അധികാരം വാട്ടര്‍ അതോറ്റിക്കാണോ; എങ്കില്‍ ജലവിഭവ വകുപ്പിനെ അവഗണിച്ചുകൊണ്ട് റവന്യൂ വകുപ്പിന് നിര്‍ദ്ദേശം നല്‍കിയത് നിയമാനുസൃതമായിരുന്നുവോ; വിശദമാക്കാമോ; ഇത് സംബന്ധമായ വിജിലന്‍സ് എ.ഡി.ജി.പി.യുടെ കണ്ടെത്തല്‍ എന്തായിരുന്നു; പുറമ്പോക്കിലെ ഫ്ളാറ്റ് സമുച്ചയ നിര്‍മ്മാണത്തിന് നല്‍കിയ എന്‍.ഒ.സി.കള്‍ റദ്ദാക്കിയിട്ടുണ്ടോയെന്ന് അറിയിക്കുമോ?

പാറ്റൂര്‍ ഭൂമി ഇടപാട്,വിജിലന്‍സ് അന്വേഷണ റിപ്പോര്‍ട്ട്

250.

(എ)	പാറ്റൂര്‍ ഭൂമി ഇടപാടില്‍ വിജിലന്‍സ് അന്വേഷിച്ച് കണ്ടെത്തിയ ക്രമക്കേടുകള്‍ എന്തെല്ലാമാണെന്ന് വിശദമാക്കാമോ;

(ബി)	വിജിലന്‍സ് അന്വേഷണ റിപ്പോര്‍ട്ട് ലഭ്യമാക്കാമോ;അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ സ്വീകരിച്ച നടപടികള്‍ എന്തെല്ലാമാണെന്ന് വെളിപ്പെടുത്തുമോ;

(സി)	ആരെല്ലാം എടുത്ത തീരുമാനത്തിന്റെയും അതിന്റെ അടിസ്ഥാനത്തില്‍ പുറപ്പെടുവിച്ച ഉത്തരവിന്റെയും അടിസ്ഥാനത്തിലാണ് പാറ്റുരിലെ സര്‍ക്കാര്‍ ഭൂമി, റിയല്‍ എസ്റ്റേറ്റ് മുതലാളിക്ക് മറിച്ച് നല്‍കിയതെന്ന് വ്യക്തമാക്കാമോ;

(ഡി)	നിയമവിരുദ്ധമായ തീരുമാനം എടുത്ത് പാെതുസ്വത്ത് നഷ്ടപ്പെടുത്തിയ ഉന്നതരെബാർ കോഴയും ബിജൂ രമേശിന്റെ ഫോണ്‍ സംഭാഷണവുംയെല്ലാം പ്രതി ചേര്‍ത്ത് കേസ് രജിസ്റ്റര്‍ ചെയ്തിട്ടുണ്ടോ; ഇല്ലെങ്കില്‍ കാരണം എന്താണെന്ന് അറിയിക്കുമോ; ഉണ്ടെങ്കില്‍ കേസിന്റെ വിശദാംശങ്ങള്‍ വെളിപ്പെടുത്താമോ?

പാറ്റൂര്‍ ഭൂമി കുഭകോണം സംബന്ധിച്ച വിജിലന്‍സ് അന്വേഷണം

251.

(എ)	പാറ്റൂര്‍ ഭൂമി കുഭകോണം സംബന്ധിച്ച വിജിലന്‍സ് അന്വേഷണ റിപ്പോര്‍ട്ടിന്റെ അടിസ്ഥാനത്തില്‍ രജിസ്റ്റര്‍ ചെയ്ത എഫ്.ഐ.ആറിന്റെ പകര്‍പ്പ് ലഭ്യമാക്കാമോ ;

(ബി)	പ്രസ്തുത റിപ്പോര്‍ട്ടിന്റെയടിസ്ഥാനത്തില്‍ വിജിലന്‍സ് ഡയറക്ടര്‍ക്ക് ലഭിച്ച നിയമ ഉപദേശത്തിന്റെ പകര്‍പ്പ് ലഭ്യമാക്കാമോ;

(സി)	ലഭിച്ച നിയമ ഉപദേശത്തിന്റെ പശ്ചാത്തലത്തില്‍ വിജിലന്‍സ് ഡറക്ടര്‍, ആര്‍ക്കെല്ലാം കത്തുകള്‍ അയച്ചിട്ടുണ്ട് ; ഏതെല്ലാം ആവശ്യങ്ങള്‍ക്ക് വേണ്ടി, ആരെല്ലാം ആവശ്യപ്പെട്ടത് പ്രകാരമാണ് കത്തുകള്‍ അയച്ചിട്ടുള്ളതെന്ന് വിശദമാക്കാമോ ;

(ഡി)	സംസ്ഥാന ചീഫ് സെക്രട്ടറിയെ സംബന്ധിച്ച് അന്വേഷണ റിപ്പോര്‍ട്ടില്‍‌ എന്തെല്ലാം ഉന്നയിക്കപ്പെട്ടിട്ടുണ്ടായിരുന്നു ?

പാറ്റൂര്‍ ഭൂമി തട്ടിപ്പ് കേസ്സ്

252.

(എ)	പാറ്റൂര്‍ ഭൂമി തട്ടിപ്പ് കേസ്സില്‍ ലോകായുക്തയ്ക്ക് ശക്തമായ അന്വേഷണ റിപ്പോര്‍ട്ട് നല്‍കിയ വിജിലന്‍സ് ഡി.ജി.പി. ജേക്കബ് തോമസ് ഏതുനിമിഷവും ആക്രമിക്കപ്പെട്ടേയ്ക്കാം എന്ന അദ്ദേഹത്തിന്റെ ആശങ്ക ശ്രദ്ധയില്‍പ്പെട്ടിട്ടുണ്ടോ; ഇതു സംബന്ധിച്ച് മാധ്യമങ്ങളില്‍ വന്ന വാര്‍ത്തകളില്‍ അഭിപ്രായം വ്യക്തമാക്കാമോ;

(ബി)	സത്യസന്ധരും, മികവുറ്റ അന്വേഷണ ഉദ്യോഗസ്ഥരുമായവര്‍ക്ക് അര്‍പ്പണ മനോഭാവത്തോടെ ജോലി ചെയ്യാന്‍ ആവശ്യമായ സൗകര്യം ഒരുക്കിക്കൊടുക്കുന്നതിന് സ്വീകരിച്ച നടപടികള്‍ എന്തൊക്കെയാണ്; വിശദാംശം വ്യക്തമാക്കാമോ?

ബാര്‍കോഴ ആരോപണം

253.

(എ)	ബാര്‍കോഴ അടക്കമുളള ധനമന്ത്രി ശ്രീ.കെ.എം.മാണിയുടെ ഇടപാടുകള്‍ സംബന്ധിച്ച് മുഖ്യമന്ത്രിയോട് പറഞ്ഞിരുന്നുവെന്ന യു.ഡി.എഫ് നേതാവും മുന്‍മന്ത്രിയുമായ ശ്രീ.ആര്‍.ബാലകൃഷ്ണപിളളയുടെ ടെലിഫോണ്‍ സംഭാഷണത്തിലൂടെയുളള വെളിപ്പെടുത്തലുകള്‍ വിജിലന്‍സ് അധികൃതരുടെ ശ്രദ്ധയില്‍പ്പെട്ടിട്ടുണ്ടോ;

(ബി)	ബാര്‍ കോഴ ആരോപണം സംബന്ധിച്ച് അന്വേഷിക്കുന്ന വിജിലന്‍സ് സംഘം ഇക്കാര്യത്തില്‍ സ്വീകരിച്ച നടപടിയെന്താണ്;

(സി)	ബാര്‍ കോഴ ഇടപാട് സാധ്യത സംബന്ധിച്ച് മുഖ്യമന്ത്രിയില്‍ നിന്നും മുന്‍കുട്ടിയുളള നിര്‍ദ്ദേശം വിജിലന്‍സിന് ലഭിച്ചിട്ടുണ്ടായിരുന്നുവോ; ബാലകൃഷ്ണപിളള പറഞ്ഞതായി പറയപ്പെടുന്ന വിവരം മുഖ്യമന്ത്രി വിജിലന്‍സിന് കെെമാറിയിട്ടുണ്ടോ ;

(ഡി)	വെളിപ്പെടുത്തലിനെതുടര്‍ന്ന് വിജിലന്‍സ് സംഘം മുഖ്യമന്ത്രിയോടും, ധനകാര്യമന്ത്രിയോടും വെളിപ്പെടുത്തലുകളെ സംബന്ധിച്ച് ആരായുകയുണ്ടായോ; ഇതേ തുടര്‍ന്ന് പ്രത്യേകമായി ഏതെങ്കിലും കേസ് രജിസ്റ്റര്‍ ചെയ്തിട്ടുണ്ടോയെന്ന് വ്യക്തമാക്കാമോ?

വിജിലന്‍സ് ലോകായുക്തയ്ക്ക് സമര്‍പ്പിച്ച അന്വേഷണ റിപ്പോര്‍ട്ട്

254.

(എ)	ഇൗ സര്‍ക്കാരിന്റെ കാലത്ത് ലോകായുക്ത ആവശ്യപ്പെട്ടതനുസരിച്ച് വിജിലന്‍സ് വകുപ്പ് അന്വേഷണം നടത്തിയിട്ടുള്ള പരാതികൾ ഏതെല്ലാമാണെന്ന് വെളിപ്പെടുത്താമോ;

(ബി)	അവയിൽ ഏതെല്ലാം പരാതികളിന്മേല്‍ വിജിലന്‍സ് ലോകായുക്തയ്ക്ക് റിപ്പോര്‍ട്ട് സമര്‍പ്പിച്ചിട്ടുണ്ട്;

(സി)	വിജിലന്‍സ് അന്വേഷണത്തില്‍ പ്രഥമ ദൃഷ്ട്യാ ആരോപണം ശരിയാണെന്ന് തെളിഞ്ഞ കേസുകള്‍ ഏതെല്ലാം; അത്തരം കേസുകളിലെല്ലാം ലോകായുക്തയുടെ റിപ്പോര്‍ട്ട് നല്കുന്നതോടോപ്പം വിജിലന്‍സ് എഫ്.എെ.ആര്‍ രജിസ്റ്റര്‍ ചെയ്തിട്ടുണ്ടോ;എങ്കില്‍ ഏതെല്ലാം കേസുകളില്‍; ഇല്ലെങ്കില്‍ കാരണം വെളിപ്പെടുത്താമോ?

പൊതുമരാമത്ത് വകുപ്പ് മന്ത്രിയുടെ ആഫീസിനെക്കുറിച്ച്ഉന്നയിച്ച ആരോപണങ്ങള്‍

255.

(എ)	പൊതുമരാമത്ത് വകുപ്പ് മന്ത്രിയുടെ ആഫീസിനെക്കുറിച്ച് മുന്‍ മന്ത്രി ശ്രീ. ഗണേഷ് കുമാര്‍ എം.എല്‍.എ ഉന്നയിച്ച ആരോപണങ്ങള്‍ സംബന്ധിച്ച് വിജിലന്‍സ് അന്വേഷണം നടത്തിയിട്ടുണ്ടോ; വിശദമാക്കാമോ;

(ബി)	ശ്രീ. ഗണേഷ് കുമാര്‍ എം.എല്‍.എ. ഇക്കാര്യം സംബന്ധിച്ച് മുഖ്യമന്ത്രിക്ക്നല്‍കിയിരുന്ന കത്തിന്മേല്‍ സ്വീകരിക്കപ്പെട്ട നടപടികള്‍ വിശദമാക്കാമോ;

(സി)	ആരോപണം ഉന്നയിച്ച ആളില്‍ നിന്നും, ആരോപിതരായവരില്‍ നിന്നും വിജിലന്‍സ് തെളിവ് എടുത്തിട്ടുണ്ടോ;

(ഡി)	ഏത് ഉദ്യോഗസ്ഥന്റെ നേതൃത്വത്തില്‍ ആരെല്ലാമാണ് അന്വേഷണം നടത്തുന്നതെന്ന് വിശദമാക്കാമോ?

പൊതുമരാമത്ത് വകുപ്പ് മന്ത്രിക്കെതിരെയുള്ള വിജിലന്‍സ് അന്വേഷണം

256.

(എ)	പൊതുമരാമത്ത് വകുപ്പ് മന്ത്രിക്കും ആഫീസിനും എതിരെ ലോകായുക്തയ്ക്ക് പരാതി ലഭിച്ചിട്ടുണ്ടോ; ലോകായുക്ത കേസ് രജിസ്റ്റര്‍ ചെയ്തിട്ടുണ്ടോ;

(ബി)	ഈ കേസില്‍ മുന്‍ മന്ത്രിയും നിയമസഭാംഗവുമായ ശ്രീ. കെ. ബി. ഗണേഷ് കുമാര്‍ മൊഴി നല്‍കിയിട്ടുണ്ടോ;അന്വേഷണം ഇപ്പോള്‍ ഏത് ഘട്ടത്തിലാണ്;

(സി)	മന്ത്രിക്കും ആഫീസിനും എതിരായുള്ള പരാതിയില്‍ വിജിലന്‍സ് അന്വേഷണം നടക്കുന്നുണ്ടോ; പ്രാഥമികാന്വേഷണത്തിന്റെ അടിസ്ഥാനത്തില്‍ എഫ്.ഐ.ആര്‍. രജിസ്റ്റര്‍ ചെയ്തിട്ടുണ്ടോ; വിശദാംശങ്ങള്‍ വെളിപ്പെടുത്തുമോ ?

ട്രാവന്‍കൂര്‍ ടൈറ്റാനിയം കമ്പനി അഴിമതിയുമായി ബന്ധപ്പെട്ട വിജിലൻസ് അന്വേഷണം

257.

(എ)	ട്രാവന്‍കൂര്‍ ടൈറ്റാനിയം കമ്പനിയില്‍ മലിനീകരണ നിയന്ത്രണ ബോര്‍ഡ് പദ്ധതിയില്‍ നടന്ന അഴിമതിയുമായി ബന്ധപ്പെട്ട് വിജിലന്‍സിന് ലഭിച്ച പരാതികള്‍ എത്ര; അതില്‍ ഏതെല്ലാം പരാതികള്‍ സംബന്ധിച്ച് അന്വേഷണം നടത്തി എഫ്.ഐ.ആര്‍. കോടതിയില്‍ സമര്‍പ്പിച്ചിട്ടുണ്ടെന്നും എന്ന് സമർപ്പിച്ചുവെന്നും വ്യക്തമാക്കാമോ ;

(ബി)	ഇപ്പോഴും അന്വേഷണത്തിലിരിക്കുന്ന പരാതികള്‍ ഏതൊക്കെയാണ് എന്ന് വ്യക്തമാക്കാമോ ;

(സി)	കോടതിയില്‍ സമര്‍പ്പിക്കപ്പെട്ട എഫ്.ഐ.ആര്‍. പ്രകാരം പ്രതികളായിട്ടുള്ളവര്‍ ആരൊക്കെയാണ് എന്ന് വ്യക്തമാക്കാമോ ;

(ഡി)	ഇപ്പോള്‍ അന്വേഷണം നടത്തുന്നത് ആരുടെ നേതൃത്വത്തില്‍ ആരെല്ലാം അടങ്ങിയ വിജിലന്‍സ് സംഘമാണെന്ന് വെളിപ്പെടുത്താമോ;

(ഇ)	പാറ്റൂര്‍ സ്വദേശി സുനില്‍ നല്‍കിയ പരാതിയില്‍ കുറ്റക്കാരായ ആരെയെല്ലാം ശിക്ഷിക്കണമെന്നായിരുന്നു ആവശ്യപ്പെട്ടിരുന്നതെന്ന് വ്യക്തമാക്കാമോ ;

(എഫ്)

അന്വേഷണം നടക്കുന്ന മറ്റ് പരാതികള്‍ ആര്‍ക്കെല്ലാം എതിരായിട്ടുള്ളതാണെന്ന് വിശദമാക്കാമോ?

മന്ത്രിമാര്‍ക്കും പേഴ്സണല്‍ സ്റ്റാഫ് അംഗങ്ങള്‍ക്കുമെതിരെയുള്ള വിജിലന്‍സ് അന്വേഷണം

258.

(എ)	ഇൗ സര്‍ക്കാരിന്റെ കാലത്ത് മന്ത്രിമാര്‍ക്കും പേഴ്സണല്‍ സ്റ്റാഫ് അംഗങ്ങള്‍ക്കുമെതിരെ വിജിലന്‍സ് അന്വേഷണം ആവശ്യപ്പെട്ട് എത്ര ഹര്‍ജികള്‍ ലഭിച്ചു ; വിജിലന്‍സ് ഡയറക്ടര്‍ക്ക് ലഭിച്ചവ എത്ര; സര്‍ക്കാരിന് ലഭിച്ചവ എത്ര ;

(ബി)	ഏതെല്ലാം ഹര്‍ജികള്‍ പ്രാഥമിക അന്വേഷണം നടത്തി തുടര്‍ അന്വേഷണം ആവശ്യമില്ലെന്ന് കണ്ട് ഉപേക്ഷിച്ചു ;

(സി)	ഏതെല്ലാം ഹര്‍ജികളില്‍ വിജിലന്‍സ് അന്വേഷണം നടത്തി വരുന്നുണ്ട്;ഇതിലെ കക്ഷികൾ ആരെല്ലാം ; അന്വേഷണം പൂര്‍ത്തിയാക്കിയവ എത്ര;

(ഡി)	സര്‍ക്കാരിന് ലഭിച്ച എത്ര ഹര്‍ജികള്‍ വിജിലന്‍സിന്റെ പ്രാഥമിക അന്വേഷണത്തിനായി അയച്ചു കൊടുത്തിട്ടുണ്ട്; അവശേഷിക്കുന്നവ എത്ര?

മുൻമുഖ്യമന്ത്രിയുടെ ബന്ധുവിന് ഭൂമി

259.

ശ്രീ.വി.ഡി.സതീശന്‍
,, എം.എ. വാഹീദ്
,, ബെന്നി ബെഹനാന്‍
,, പി.എ.മാധവന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	കഴിഞ്ഞ സര്‍ക്കാരിന്റെ കാലത്ത് അന്നത്തെ മുഖ്യമന്ത്രി, തന്റെ ബന്ധുവിന് ഭൂമി അനുവദിച്ചത് സംബന്ധിച്ച കേസിന്റെ അന്വേഷണം പൂര്‍ത്തിയായിട്ടുണ്ടോ; വിശദമാക്കുമോ ;

(ബി)	പ്രസ്തുത കേസിൽ ആര്‍ക്കെല്ലാമെതിരെയാണ് കുറ്റപത്രം സമര്‍പ്പിക്കാനുദ്ദേശിക്കുന്നത്; വിശദവിവരങ്ങള്‍ ലഭ്യമാക്കുമോ;

(സി)	കേസിന്മേലുളള അന്തിമ റിപ്പോര്‍ട്ട് വിജിലന്‍സ് കോടതിയില്‍ സമര്‍പ്പിക്കുന്നതിനുളള നടപടിക്രമങ്ങള്‍ പൂര്‍ത്തിയാക്കിയിട്ടുണ്ടോ; വിശദാംശങ്ങള്‍ ലഭ്യമാക്കുമോ ?

മന്ത്രിമാര്‍ക്കെതിരെയുള്ള വിജിലന്‍സ് കേസുകള്‍

260.

(എ)	ഈ സര്‍ക്കാറിലെ മന്ത്രിമാര്‍ക്കെതിരെ അധികാരത്തില്‍ വരുമ്പോള്‍ നിലവിലുണ്ടായിരുന്ന വിജിലന്‍സ് കേസുകള്‍ എത്രയായിരുന്നു; ആര്‍ക്കെല്ലാം എതിരെ ;ഏതെല്ലാം കേസുകള്‍ ഉണ്ടായിരുന്നു;

(ബി)	മന്ത്രിമാര്‍ക്കെതിരെ എത്ര ക്രിമിനല്‍ കേസുകള്‍ നിലവിലുണ്ടായിരുന്നു; ആര്‍ക്കെല്ലാം എതിരെ ഏതെല്ലാം കേസുകൾ എന്ന് വ്യക്തമാക്കുമോ;

(സി)	മന്ത്രിമാര്‍ ആയിരിക്കെ, അവർക്കെതിരെ ഏതെല്ലാം കേസുകളില്‍ വിജിലന്‍സ് കേസ് എടുത്തിട്ടുണ്ട്; ഉണ്ടായിരുന്ന ഏതെല്ലാം കേസുകള്‍ പിന്‍വലിക്കാന്‍ സര്‍ക്കാര്‍ ഉത്തരവ് പുറപ്പെടുവിക്കുകയുണ്ടായി; എത്ര ക്രിമിനല്‍ കേസുകള്‍ പിന്‍വലിക്കുന്നതിനായി സര്‍ക്കാര്‍ ഉത്തരവ് പുറപ്പെടുവിച്ചു ?

പ്രൊബേഷന്‍ ഓഫ് ഒഫന്‍ഡേഴ്സ് ആക്ട്

261.

ശ്രീ.കെ.എന്‍.എ.ഖാദര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	പ്രൊബേഷന്‍ ഓഫ് ഒഫന്‍ഡേഴ്സ് ആക്ട് -1958 നിയമ പ്രകാരമുള്ള പരിരക്ഷ നിലവില്‍ സംസ്ഥാനത്ത് എത്രപേര്‍ക്ക് ലഭിക്കുന്നുണ്ട് ;

(ബി)	പ്രസ്തുത ആക്ടിന്റെ പരിരക്ഷ സംസ്ഥാനത്ത് കാര്യമായി പ്രയോജനപ്പെടുത്താത്ത സാഹചര്യം സര്‍ക്കാര്‍ വിലയിരുത്തിയിട്ടുണ്ടോ ;

(സി)	ആദ്യമായി കുറ്റം ചെയ്യുന്നവരെ നിരീക്ഷിക്കുന്നതിനും ജയിലുകളിലേയ്ക്കയക്കുന്നത് ഒഴിവാക്കുന്നതിനുമായി ഈ നിയമം കാര്യക്ഷമമാക്കുന്നതിന് സര്‍ക്കാര്‍ തീരുമാനിച്ചിട്ടുണ്ടോയെന്ന് വിശദമാക്കാമോ;

(ഡി)	നിയമത്തിന്റെ വകുപ്പുകള്‍ ദുരുപയോഗം ചെയ്യാതിരിക്കുന്നതിന് എന്തെല്ലാം മുന്‍കരുതലുകള്‍ സര്‍ക്കാര്‍ സ്വീകരിച്ചിട്ടുണ്ട് ?

അസിസ്റ്റന്റ് പ്രിസണ്‍ ആഫീസര്‍ നിയമനം

262.

(എ)	ജയില്‍ വകുപ്പില്‍ നിലവിലുള്ള ഒഴിവുകളുടെ വിശദാംശങ്ങള്‍ തസ്തിക തിരിച്ച് വിശദമാക്കുമോ;

(ബി)	അസിസ്റ്റന്റ് പ്രിസണ്‍ ആഫീസര്‍ റാങ്ക് ലിസ്റ്റ് നിലവിലുണ്ടോ ; എങ്കിൽ പ്രസ്തുത റാങ്ക് ലിസ്റ്റില്‍ നിന്നും നിയമനം നടത്താത്തതിന്റെ കാരണം വിശദമാക്കാമോ;

(സി)	പ്രസ്തുത റാങ്ക് ലിസ്റ്റില്‍ നിന്നും നിയമനം നടത്താന്‍ എന്തെല്ലാം നടപടികള്‍ സ്വീകരിക്കുമെന്ന് വിശദമാക്കുമോ;

(ഡി)	മോഡല്‍ പ്രിസണ്‍ മാനുവല്‍ പ്രകാരം തിരുവനന്തപുരം ജയില്‍ യൂണിറ്റിലെ എത്ര അസിസ്റ്റന്റ് പ്രിസണ്‍ ആഫീസര്‍മാരുടെ ഒഴിവുകള്‍ നികത്തേണ്ടതായുണ്ട് എന്ന വിവരം വെളപ്പെടുത്തുമോ?

Website maintained by Information System Section, Kerala Legislative Assembly, Thiruvananthapuram.