13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >13^th Session>Starred Questions and Answers

Answer Provided

Answer Not Yet Provided

THIRTEENTH KLA - 13^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Questions and Answers

ബജറ്റ് നികുതി നിര്‍ദ്ദേശങ്ങള്‍

*1.

ശ്രീ.സി.കെ സദാശിവന്‍
,, സി.രവീന്ദ്രനാഥ്
,, കോലിയക്കോട് എന്‍. കൃഷ്ണന്‍ നായര്‍
,, വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ബജറ്റ് നികുതി നിര്‍ദ്ദേശങ്ങളുടെ മറവില്‍ കോഴ ഇടപാടുകള്‍ നടക്കുന്നതായുള്ള ആക്ഷേപങ്ങള്‍ ശ്രദ്ധയില്‍പ്പെട്ടിട്ടുണ്ടോ;

(ബി)	ബജറ്റ് നിര്‍ദ്ദേശങ്ങള്‍, കോഴ വാങ്ങാനുള്ള മാര്‍ഗ്ഗമാക്കി മാറ്റുന്നതായുള്ള ആക്ഷേപങ്ങള്‍ സംസ്ഥാനത്തിന്റെ സാമ്പത്തികഭദ്രതയെ എത്രത്തോളം ഗുരുതരമായി ബാധിക്കുന്നതുമാണെന്ന കാര്യം പരിഗണിച്ചിട്ടുണ്ടോ;

(സി)	ഇതു സംബന്ധിച്ച് മുഖ്യമന്ത്രിയോട് ആരെങ്കിലും നേരിട്ട് പരാതി പറഞ്ഞിട്ടുണ്ടോ; എങ്കില്‍ പരാതിയിന്മേല്‍ എന്ത് നടപടി സ്വീകരിച്ചു;

(ഡി)	ഇതിന്റെ അടിസ്ഥാനത്തില്‍ ധനമന്ത്രിയെ തല്‍ സ്ഥാനത്തുനിന്നും മാറ്റി നിര്‍ത്തി അന്വേഷണം നടത്താന്‍ തയ്യാറാകാതിരുന്നത് എന്തുകൊണ്ടാണെന്ന് വ്യക്തമാക്കുമോ?

വിമാനത്താവളങ്ങളുടെ അന്താരാഷ്ട്ര ഹബ്ബ് നിർണ്ണയം

*2.

ശ്രീ.സി.മോയിന്‍ കുട്ടി
,, റ്റി.എ.അഹമ്മദ് കബീര്‍
,, സി.മമ്മൂട്ടി
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിമാനത്താവളങ്ങളുടെ അന്താരാഷ്ട്ര ഹബ്ബ് നിര്‍ണ്ണയത്തില്‍ സംസ്ഥാനത്തെ ഒരു വിമാനത്താവളത്തെപ്പോലും ഉള്‍പ്പെടുത്താത്ത സാഹചര്യം ഏതുവിധത്തില്‍ പരിഹരിക്കാനാണ് ഉദ്ദേശിക്കുന്നതെന്ന് വ്യക്തമാക്കുമോ;

(ബി)	അന്താരാഷ്ട്ര യാത്രക്കാരുടെ എണ്ണത്തിലും, വിദേശപണം രാജ്യത്ത് കൊണ്ടുവരുന്ന കാര്യത്തിലും മുന്‍പന്തിയിലുള്ള കേരളത്തിലെ വിമാനത്താവളത്തെ ഉള്‍പ്പെടുത്താതിരുന്നതിന്റെ കാരണങ്ങളെക്കുറിച്ച് പരിശോധിച്ചിട്ടുണ്ടോ; എങ്കില്‍ വിശദമാക്കുമോ;

(സി)	ഇക്കാര്യത്തില്‍ കേന്ദ്രസര്‍ക്കാര്‍ സ്വീകരിച്ച മാനദണ്ഡത്തില്‍ ഏതെങ്കിലും നമ്മുടെ അവസരം നഷ്ടപ്പെടുത്താന്‍ ഇടയാക്കിയിട്ടുണ്ടോ; എങ്കില്‍ ആവശ്യമായ പരിഹാരനടപടികള്‍ അടിയന്തിരമായി സ്വീകരിക്കുമോ?

ഡോ. മീനാകുമാരി കമ്മീഷന്‍ റിപ്പോർട്ട്

*3.

ശ്രീമതി.ഗീതാ ഗോപി
ശ്രീ.പി.തിലോത്തമന്‍
,, ഇ.കെ.വിജയന്‍
,, മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഡോ. മീനാകുമാരി കമ്മീഷന്‍ റിപ്പോര്‍ട്ട് നടപ്പാക്കുമ്പോള്‍ തൊഴില്‍രഹിതരാകുന്ന മത്സ്യത്തൊഴിലാളികളെയും അനുബന്ധ തൊഴിലാളികളെയും സംബന്ധിച്ച് സ്ഥിതിവിവര കണക്കെടുത്തിട്ടുണ്ടോ; ഉണ്ടെങ്കില്‍ എത്ര വീതം വരുമെന്ന് വ്യക്തമാക്കുമോ;

(ബി)	വിദേശയാനങ്ങള്‍ക്കൊപ്പം സംയുക്ത സംരംഭകര്‍ക്കും റിപ്പോര്‍ട്ടില്‍ അനുമതി നല്‍കുന്നുണ്ടോ; ഉണ്ടെങ്കില്‍ ഏതെല്ലാം സംയുക്ത സംരംഭകര്‍ക്കാണ് അനുമതി ഉള്ളതെന്ന് വ്യക്തമാക്കുമോ;

(സി)	തൊഴില്‍രഹിതരാകുന്ന മത്സ്യ-അനുബന്ധ തൊഴിലാളികളെ പുനരധിവസിപ്പിക്കുന്നതിനുള്ള പദ്ധതികളെക്കുറിച്ചാലോചിച്ചിട്ടുണ്ടോ; ഉണ്ടെങ്കിൽ വിശദമാക്കുമോ?

K.S.R.T.C യെ ലാഭത്തിലാക്കാന്‍ നടപടി

*4.

ശ്രീ.ബെന്നി ബെഹനാന്‍
,, കെ.മുരളീധരന്‍
,, വി.ഡി.സതീശന്‍
,, കെ.അച്ചുതന്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	K.S.R.T.C യെ ലാഭത്തിലാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കാമോ;

(ബി)	K.S.R.T.C യെ ലാഭത്തിലാക്കാന്‍ എന്തെങ്കിലും പദ്ധതികള്‍ ആവിഷ്കരിച്ചിട്ടുണ്ടോ; വിശദാംശങ്ങള്‍ വ്യക്തമാക്കാമോ;

(സി)	K.S.R.T.C യുടെ സാമ്പത്തിക പ്രതിസന്ധി മറികടക്കാന്‍ എന്തെല്ലാം നടപടികളാണ് പദ്ധതിയില്‍ ഉള്‍പ്പെടുത്തിയിട്ടുളളത്; വിശദമാക്കുമോ;

(ഡി)	പദ്ധതി നടപ്പിലാക്കുമ്പോള്‍ എന്തെല്ലാം പരിഷ്ക്കാരങ്ങളാണ് നിലവില്‍ വരുന്നതെന്ന് വിശദമാക്കുമോ?

വിഴിഞ്ഞം അന്താരാഷ്ട്ര തുറമുഖ പദ്ധതി

*5.

ശ്രീ.എം.വി.ശ്രേയാംസ്‌ കുമാര്‍
,, പി.സി. ജോര്‍ജ്
ഡോ.എന്‍. ജയരാജ്
ശ്രീ.റോഷി അഗസ്റ്റിന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	വിഴിഞ്ഞം അന്താരാഷ്ട്ര തുറമുഖ പദ്ധതി യാഥാര്‍ത്ഥ്യമാക്കുന്നതിന് തടസ്സമായി നില്‍ക്കുന്ന ഘടകങ്ങള്‍ ഏതെല്ലാമാണ്; വിശദാംശങ്ങള്‍ നല്‍കുമോ;

(ബി)	നിലവില്‍ ടെന്‍ഡര്‍ സമര്‍പ്പിക്കാന്‍ യോഗ്യത നേടിയ കമ്പനികള്‍ ഏതെല്ലാമാണ്; വിശദാംശങ്ങള്‍ നല്‍കുമോ;

(സി)	പ്രസ്തുത പദ്ധതി പൊതുമേഖലയില്‍ ആരംഭിക്കുന്നതിനുള്ള സാധ്യത എത്രത്തോളമുണ്ടെന്ന് പരിശോധിച്ചിട്ടുണ്ടോ; വിശദാംശങ്ങള്‍ നല്‍കുമോ ?

ജനമൈത്രി പോലീസ് പദ്ധതി

*6.

ശ്രീ.ഷാഫി പറമ്പില്‍
,, ഡൊമിനിക് പ്രസന്റേഷന്‍
,, അന്‍വര്‍ സാദത്ത്
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ജനമൈത്രി പോലീസ് പദ്ധതി സംബന്ധിച്ച പരാതികള്‍ പരിഹരിച്ച് കാര്യക്ഷമമായി നടപ്പിലാക്കുന്നതിന് എന്തെല്ലാം കര്‍മ്മ പദ്ധതികളാണ് ആസൂത്രണം ചെയ്തിട്ടുള്ളതെന്ന് വിശദമാക്കുമോ;

(ബി)	പ്രസ്തുത പദ്ധതി സംബന്ധിച്ച് പഠനം നടത്തുന്നതിന് ചുമതലപ്പെടുത്തിയിട്ടുള്ളത് ആരെയാണെന്ന് വ്യക്തമാക്കാമോ;

(സി)	പ്രസ്തുത പഠന റിപ്പോര്‍ട്ട് പ്രസിദ്ധീകരിച്ചിട്ടുണ്ടോ; വിശദമാക്കുമോ;

(ഡി)	എങ്കില്‍ പ്രസ്തുത റിപ്പോര്‍ട്ടിലെ ശിപാര്‍ശകളിന്‍മേല്‍ സ്വീകരിക്കാനുദ്ദേശിക്കുന്ന തുടർനടപടി എന്തെല്ലാമെന്നു വിശദീകരിക്കുമോ?

ദേശീയ ഗെയിംസ് നടത്തിപ്പിലെ ക്രമക്കേടുകൾ

*7.

ശ്രീ.കെ.രാജു
,, സി.ദിവാകരന്‍
,, വി.ശശി
,, ജി.എസ്.ജയലാല്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	ദേശീയ ഗെയിംസ് നടത്തിപ്പിൽ നടന്നതായി പറയപ്പെടുന്ന അഴിമതി സംബന്ധിച്ച്, സി.ബി.എെ വിവരശേഖരണം നടത്തിയിട്ടുണ്ടോ; എങ്കിൽ ഏതെല്ലാം ഇനങ്ങളിലുളള വിവരശേഖരണമാണ് നടത്തിയതെന്ന് വ്യക്തമാക്കുമോ;

(ബി)	ദേശീയ ഗെയിംസ് നടത്തിപ്പില്‍ ക്രമക്കേട് നടന്നതായി കാണിച്ച് ഇന്റലിജന്‍സ് ബ്യൂറോ, കേന്ദ്ര ആഭ്യന്തര മന്ത്രാലയത്തിന് റിപ്പോര്‍ട്ട് നല്‍കിയതായി വിവരം ലഭിച്ചിട്ടുണ്ടോ; എങ്കിൽ പ്രസ്തുത റിപ്പോര്‍ട്ടിലെ കണ്ടെത്തലുകള്‍ വെളിപ്പെടുത്തുമോ;

(സി)	ഇത് സംബന്ധിച്ചു് സംസ്ഥാന ഗവണ്‍മെന്റ് ഇതുവരെ സ്വീകരിച്ച നടപടികള്‍ എന്തെല്ലാമാണെന്ന് വിശദമാക്കുമോ?

ഇന്റര്‍നാഷണല്‍ ഹബ്ബുകളായി പരിഗണിക്കുന്ന വിമാനത്താവളങ്ങൾ

*8.

ശ്രീ.എ. പ്രദീപ്കുമാര്‍
,, എം.എ.ബേബി
,, എസ്.ശർമ്മ
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കേരളത്തിലെ ഏതെങ്കിലും വിമാനത്താവളം ഇന്റര്‍നാഷണല്‍ ഹബ്ബുകളായി പരിഗണിക്കുന്ന വിമാനത്താവളങ്ങളില്‍ ഉള്‍പ്പെട്ടിട്ടുണ്ടോ ;

(ബി)	ഇല്ലെങ്കില്‍ കരട് പട്ടികയില്‍ കേരളത്തിലെ വിമാനത്താവളം ഉള്‍പ്പെടുത്താതെ പോയത് ഏത് സാഹചര്യത്തിലാണെന്ന് പരിശോധിച്ചിട്ടുണ്ടോ ;

(സി)	ഇത് സംസ്ഥാനത്തിന്റെ വികസനത്തെയും യാത്രാനിരക്കിനെയും പ്രതികൂലമായി ബാധിക്കുമെന്ന കാര്യം അറിയാമോ ;

(ഡി)	വിമാന യാത്രക്കാർ അമിത യാത്രാനിരക്ക് നല്‍കേണ്ടിവരുമെന്ന കാര്യം പരിഗണിച്ചിട്ടുണ്ടോ ; ഇക്കാര്യത്തില്‍ എന്തെങ്കിലും നടപടി സ്വീകരിച്ചിട്ടുണ്ടോ;

(ഇ)	കേന്ദ്ര വ്യോമയാന മന്ത്രാലയത്തിന്റെ കരട് നയത്തിന്മേല്‍ സംസ്ഥാനം നല്‍കിയ പ്രതികരണം എന്തായിരുന്നു ; വിശദമാക്കാമോ ?

സര്‍ക്കാരിന്റെ മദ്യനയം

*9.

ശ്രീ.കെ.രാധാകൃഷ്ണന്‍
,, കോടിയേരി ബാലകൃഷ്ണന്‍
,, കെ.കുഞ്ഞിരാമന്‍ (ഉദുമ)
,, എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സര്‍ക്കാരിന്റെ മദ്യനയം വികലവും അപ്രായോഗികവുമാണെന്ന് കണ്ടെത്തിക്കൊണ്ട് സുപ്രീംകോടതി സര്‍ക്കാരിനെ അതിരൂക്ഷമായി വിമര്‍ശിച്ചിരിക്കുന്നത് ശ്രദ്ധയില്‍പെട്ടിട്ടുണ്ടോ; അപ്പീല്‍ തള്ളിക്കൊണ്ടുള്ള സുപ്രീംകോടതി വിധിന്യായം സംബന്ധിച്ച് വിശദമാക്കാമോ;

(ബി)	പത്തു ബാറുകള്‍ക്ക് ലെെസന്‍സ് നല്‍കണമെന്ന ഹെെക്കോടതിയുടെ ഇടക്കാല ഉത്തരവിനെതിരെ അപ്പീല്‍ പോകാന്‍ നിയമോപദേശം നല്‍കിയതാരായിരുന്നു; അഡ്വക്കേറ്റ് ജനറലില്‍ നിന്നും ലഭിച്ച നിയമോപദേശം എന്തായിരുന്നു; അപ്പീല്‍ നല്‍കാനുള്ള തീരുമാനം സര്‍ക്കാരിന്റെ ഏത് തലത്തിലാണ് എടുത്തിരുന്നത്;

(സി)	അപ്പീല്‍ ഹര്‍ജിയില്‍ സുപ്രീംകോടതിയില്‍ വാദം നടത്താന്‍ ഏത് വക്കീലിനെയായിരുന്നു സര്‍ക്കാര്‍ ചുമതലപ്പെടുത്തിയിരുന്നത്;വിശദമാക്കാമോ;

(ഡി)	ബാര്‍ലെെസന്‍സ് കാര്യത്തില്‍ കേരളത്തില്‍ അത്ഭുതകരമായ കാര്യങ്ങളാണ് നടക്കുന്നത് എന്ന് സുപ്രീംകോടതി നിരീക്ഷിക്കാനിടയായ സാഹചര്യം എന്തൊക്കെയാണെന്ന് പരിശോധിക്കുകയുണ്ടായോ;

(ഇ)	മദ്യ വര്‍ജ്ജനത്തിന് സഹായകരമായ ഒരു മദ്യനയത്തിന് രൂപം നല്‍കുമോ?

ആദിവാസി ഊരുകളുടെ ഉന്നമനത്തിനുള്ള പദ്ധതികള്‍

*10.

ശ്രീ.ഹൈബി ഈഡന്‍
,, എം.എ. വാഹീദ്
,, ഐ.സി.ബാലകൃഷ്ണന്‍
,, സി.പി.മുഹമ്മദ് : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ആദിവാസി ഊരുകളുടെ ഉന്നമനത്തിന് "ഊരിനുണര്‍വ് കാടിനുണര്‍വ് പദ്ധതി", പ്രഖ്യാപിച്ചിട്ടുണ്ടോ;

(ബി)	എന്തെല്ലാം പദ്ധതികളാണ് മിഷന്‍ വഴി നടപ്പാക്കാനുദ്ദേശിക്കുന്നത്; വിശദാംശങ്ങള്‍ ലഭ്യമാക്കുമോ ;

(സി)	പദ്ധതികളെ സംബന്ധിച്ചുള്ള രൂപരേഖ തയ്യാറാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(ഡി)	പദ്ധതികള്‍ സമയബന്ധിതമായി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിട്ടുണ്ട്; വ്യക്തമാക്കുമോ?

ബാര്‍ കോഴക്കേസ് അന്വേഷണം

*11.

ശ്രീമതി.കെ.എസ്.സലീഖ
ശ്രീ.കോടിയേരി ബാലകൃഷ്ണന്‍
,, കെ.കെ.ജയചന്ദ്രന്‍
,, ബാബു എം. പാലിശ്ശേരി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ബാര്‍ കോഴക്കേസ് അന്വേഷണം ഇപ്പോള്‍ ഏത് ഘട്ടത്തിലാണ്; വിശദമാക്കാമോ;

(ബി)	വിജിലന്‍സ് നടത്തിയ ക്വിക് വെരിഫിക്കേഷന്റെ അടിസ്ഥാനത്തില്‍ സ്വീകരിക്കപ്പെട്ട നടപടികള്‍ വെളിപ്പെടുത്താമോ;

(സി)	കോഴ നല്‍കിയതായും ബാറുകാരില്‍ നിന്ന് പണം സ്വരൂപിച്ചതായും ഇടപാടുകള്‍ നടത്തിയതായതുമെല്ലാം സംബന്ധിച്ച് ബന്ധപ്പെട്ടവരില്‍ നിന്ന് ഇതിനകം പുറത്തുവന്ന വെളിപ്പെടുത്തലുകള്‍ വിജിലന്‍സ് സംഘം ശേഖരിച്ചിട്ടുണ്ടോ എന്ന് വ്യക്തമാക്കാമോ ;

(ഡി)	പ്രാഥമിക വിവരങ്ങളുടെ അടിസ്ഥാനത്തില്‍ ആരെയെല്ലാം പ്രതിയാക്കി കേസ് രജിസ്റ്റര്‍ ചെയ്തിട്ടുണ്ടന്നും തുടര്‍ അന്വേഷണത്തിന്റെ ഭാഗമായി ആരെല്ലാം പ്രതികളായിട്ടുണ്ടന്നും വ്യക്തമാക്കാമോ ;

(ഇ)	അന്വേഷണം ആരുടെ നേതൃത്വത്തില്‍ ആരെല്ലാം അടങ്ങിയ സംഘത്തിന്റെ നേതൃത്വത്തിലാണ് ആരംഭിച്ചതെന്നും അന്വേഷണ ചുമതലയില്‍ നിന്നും പിന്നീട് ഒഴിവാക്കപ്പെട്ടവര്‍ ആരൊക്കെയാണെന്നും വ്യക്തമാക്കാമോ;

(എഫ്)

എന്തെല്ലാം ആവശ്യങ്ങളെ മുന്‍നിര്‍ത്തി, ആര്‍ക്കെല്ലാം ഏതെല്ലാം ഘട്ടങ്ങളിലായി എത്ര കോടി രൂപ കോഴ നല്‍കിയതായിട്ടാണ് ഇതിനകം വെളിപ്പെടുത്തലുകള്‍ ഉണ്ടായിരിക്കുന്നതെന്നു വ്യക്തമാക്കാമോ?

ബാര്‍കോഴ കേസന്വേഷണം

*12.

ശ്രീ.എം.ചന്ദ്രന്‍
,, ജി.സുധാകരന്‍
,, സി.കൃഷ്ണന്‍
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ബാര്‍കോഴ കേസന്വേഷണം ഇപ്പോള്‍ ഏത് ഘട്ടത്തിലാണ് ; വിശദമാക്കാമോ; ആരുടെ നേതൃത്വത്തില്‍ ആരെല്ലാം അടങ്ങിയതാണ് അന്വേഷണസംഘം; കുറ്റവാളികളായി രേഖാമൂലം ആരോപിതരായ ഏതെല്ലാം മന്ത്രിമാര്‍ തല്‍സ്ഥാനങ്ങളില്‍ ഇപ്പോഴും തുടരുന്നുണ്ട്;

(ബി)	ബാർ ഉടമകളില്‍ നിന്ന് പിരിച്ചെടുത്തതായി പറയപ്പെടുന്ന തുക എത്രയാണെന്ന് കണ്ടെത്തുകയുണ്ടായോ; ഇതുമായി ബന്ധപ്പെട്ട് പുറത്തുവന്നതും അല്ലാത്തതുമായ രേഖകളെല്ലാം അന്വേഷണസംഘം കസ്റ്റഡിയിലെടുത്തിട്ടുണ്ടോ;

(സി)	ഇതിനകം ആരെയെല്ലാം ചോദ്യം ചെയ്യുകയുണ്ടായി; അവശേഷിക്കുന്നവര്‍ എത്ര; ഏതെല്ലാം കേന്ദ്രങ്ങള്‍ റെയ്ഡ് നടത്തി രേഖകള്‍ കൈവശപ്പെടുത്തുകയുണ്ടായി;

(ഡി)	ആര്‍ക്കെല്ലാം എതിരായിട്ടാണ് ഇതിനകം കേസ് രജിസ്റ്റര്‍ ചെയ്തിരിക്കുന്നത്; ഇതില്‍ എത്ര മന്ത്രിമാരുണ്ട്; പ്രാഥമിക പരിശോധനയില്‍ ആര്‍ക്കെല്ലാമെതിരെ, എന്തെല്ലാം തെളിവുകള്‍ ശേഖരിക്കപ്പെട്ടിരുന്നു;

(ഇ)	അന്വേഷണത്തിനിടയിൽ കോഴപ്പണം വാങ്ങിയവരും കൊടുത്തവരും തമ്മില്‍ ഒത്തുതീര്‍പ്പുണ്ടാക്കിയതായ ആക്ഷേപം അന്വേഷണ സംഘം പരിശോധിക്കുകയുണ്ടായോ?

കെ.എസ്.ആര്‍.ടി.സി. നേരിടുന്ന പ്രതിസന്ധി

*13.

ശ്രീ.വി.എം.ഉമ്മര്‍ മാസ്റ്റര്‍
,, പി.ഉബൈദുള്ള
,, സി.മമ്മൂട്ടി
,, എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	കെ.എസ്.ആര്‍.ടി.സി. നേരിടുന്ന പ്രതിസന്ധിക്ക് പരിഹാരമായി എന്തൊക്കെ നിര്‍ദ്ദേശങ്ങളാണ് പരിഗണിക്കപ്പെട്ടതെന്ന് വിശദമാക്കുമോ;

(ബി)	ഗുരുതര പ്രതിസന്ധി പരിഹരിക്കുന്ന കാര്യത്തില്‍ അംഗീകൃത ട്രേഡ് യൂണിയനുകളുടെ ഭാഗത്തുനിന്നും എന്തൊക്കെ വിട്ടുവീഴ്ചാ നിര്‍ദ്ദേശങ്ങള്‍ ഉണ്ടായി എന്നു വ്യക്തമാക്കുമോ;

(സി)	പ്രശ്നപരിഹാരത്തിനു മുഖ്യമന്ത്രി വിളിച്ചുചേര്‍ത്ത യോഗത്തില്‍ ഉരുത്തിരിഞ്ഞ പ്രായോഗിക നിര്‍ദ്ദേശങ്ങളുടെ നടപ്പാക്കല്‍ സമയബന്ധിതമായി നടക്കുന്നുണ്ടെന്ന് ഉറപ്പുവരുത്താന്‍ ഏര്‍പ്പെടുത്തിയിട്ടുളള മോണിറ്ററിംഗ് സംവിധാനം എന്താണെന്ന് വിശദമാക്കുമോ?

വനങ്ങളുടെ ജൈവവൈവിധ്യ സംരക്ഷണം

*14.

ശ്രീ.പി.സി വിഷ്ണുനാഥ്
,, ആര്‍ . സെല്‍വരാജ്
,, വി.റ്റി.ബല്‍റാം
,, ഹൈബി ഈഡന്‍ : താഴെ കാണുന്ന ചോദ്യങ്ങള്‍ക്ക് വനവും പരിസ്ഥിതിയും ഗതാഗതവും സ്പോര്‍ട്സും സിനിമയും വകുപ്പുമന്ത്രി സദയം മറുപടി നല്‍കുമോ:

(എ)	വനങ്ങളുടെ ജൈവവൈവിധ്യം സംരക്ഷിക്കുന്നതിന് എന്തെല്ലാം കര്‍മ്മപരിപാടികളാണ് ആസൂത്രണം ചെയ്തിരിക്കുന്നത്;

(ബി)	ഏതെല്ലാം ഏജന്‍സിയുടെ സഹായത്തോടെയാണ് പ്രസ്തുത കര്‍മ്മ പരിപാടികള്‍ നടപ്പിലാക്കാനുദ്ദേശിക്കുന്നത്; വിശദാംശങ്ങള്‍ നല്‍കുമോ;

(സി)	ഇതിനായി സ്വീകരിച്ച പ്രാരംഭ നടപടികള്‍ എന്തെല്ലാം. വിശദമാക്കുമോ?

കണ്ണൂര്‍ വിമാനത്താവളനിർമ്മാണം

*15.

ശ്രീ.എ.പി.അബ്ദുള്ളക്കുട്ടി
,, സണ്ണി ജോസഫ്
,, ഐ.സി.ബാലകൃഷ്ണന്‍
,, ബെന്നി ബെഹനാന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	കണ്ണൂര്‍ വിമാനത്താവളം ആരംഭിക്കാന്‍ സ്വീകരിച്ച നടപടികള്‍ വിശദമാക്കുമോ;

(ബി)	പ്രസ്തുത പദ്ധതിക്ക് പാരിസ്ഥിതിക അനുമതി ലഭിച്ചിട്ടുണ്ടോ; വിശദാംശങ്ങള്‍ നല്‍കുമോ;

(സി)	പ്രസ്തുത പദ്ധതി നടപ്പാക്കുന്നതിനുളള ടെണ്ടര്‍ നടപടികളുടെ നിലവിലെ സ്ഥിതി വ്യക്തമാക്കുമോ;

(ഡി)	കണ്ണൂര്‍ വിമാനത്താവളം എന്ന് മുതല്‍ പ്രവര്‍ത്തനം ആരംഭിക്കാനാണ് ഉദ്ദേശിക്കുന്നതെന്ന് വിശദമാക്കുമോ;

(ഇ)	പ്രസ്തുത പദ്ധതി സമയബന്ധിതമായി പൂര്‍ത്തിയാക്കുവാന്‍ മിഷന്‍ 676 ല്‍ എന്തെല്ലാം കാര്യങ്ങള്‍ ഉള്‍പ്പെടുത്തിയിട്ടുണ്ട് എന്ന് വിശദമാക്കുമോ?

ഭരണരംഗത്തെ അഴിമതിയും കെടുകാര്യസ്ഥതയും

*16.

ശ്രീ.എം.എ.ബേബി
,, എ. പ്രദീപ്കുമാര്‍
,, പി.ശ്രീരാമകൃഷ്ണന്‍
,, ടി.വി.രാജേഷ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സിവില്‍ സര്‍വ്വീസില്‍ അഴിമതി ആശങ്കാജനകമാം വിധം വര്‍ദ്ധിച്ചു വരുന്നതായ ആക്ഷേപതിന്റെ കാരണം പരിശോധിച്ചിട്ടുണ്ടോ;

(ബി)	ഭരണതലത്തിൽ നടക്കുന്നതായി പറയപ്പെടുന്ന അഴിമതിയും കെടുകാര്യസ്ഥതയും, സംസ്ഥാനത്തിന്റെ വികസനത്തെ പിറകോട്ട് വലിച്ചുകൊണ്ടിരിക്കുന്നതായി അറിയാമോ;

(സി)	മുഖ്യമന്ത്രി അറിഞ്ഞോ അറിയാതെയോ ചില അഴിമതിക്കാരെ സംരക്ഷിക്കുന്നുവെന്ന് മുന്‍ ചീഫ് സെക്രട്ടറി അഭിപ്രായപ്പെട്ടിട്ടുളളതായി അറിയാമോ;

(ഡി)	വിജിലന്‍സ് അന്വേഷണം നേരിടുന്ന മന്ത്രിമാരുടേയും ഉന്നത ഉദ്യോഗസ്ഥരുടേയും, ജീവനക്കാരുടേയും എണ്ണം പരിശോധിച്ചിട്ടുണ്ടോ ; വിശദാംശം നല്കുമോ;

(ഇ)	മേൽ സാഹചര്യത്തില്‍ ഭരണതലത്തിലാകെ ഒരുമാറ്റം വരുത്താന്‍ ഉദ്ദേശിക്കുന്നുണ്ടോ; ഇൗ രംഗത്ത് പ്രശ്നങ്ങള്‍ എത്രത്തോളം സങ്കീര്‍ണ്ണമാണെന്ന് അറിയാമോ; ഇൗ രംഗത്ത് അനുകരണീയമായ മാതൃക സൃഷ്ടിക്കാന്‍ തയ്യാറാകുമോ ?

മാഫിയ സംഘങ്ങളുടെ പ്രവര്‍ത്തനങ്ങള്‍ തടയാന്‍ നടപടി

*17.

ശ്രീ.പി.ഉബൈദുള്ള
,, വി.എം.ഉമ്മര്‍ മാസ്റ്റര്‍
,, റ്റി.എ.അഹമ്മദ് കബീര്‍
,, സി.മോയിന്‍ കുട്ടി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് മണ്ണ്, മണല്‍, പാറ, റിയല്‍ എസ്റ്റേറ്റ് മാഫിയ സജീവമാകുന്നത് തടയാന്‍ സ്വീകരിച്ച നടപടികള്‍ വിശദമാക്കുമോ;

(ബി)	പ്രസ്തുത മാഫിയകളുടെ ഭാഗമായ ഗുണ്ടകള്‍ നടത്തുന്ന ഗുണ്ടാപ്പിരിവും, അതെചൊല്ലിയുളള സംഘട്ടനങ്ങളും സമാധാന ജീവിതത്തിന് ഭംഗം വരുത്തുന്നകാര്യം ശ്രദ്ധയില്‍പെട്ടിട്ടുണ്ടോ; 2014‌ ല്‍ ഇതോടനുബന്ധിച്ച് കേസുകള്‍ രജിസ്റ്റര്‍ ചെയ്തിട്ടുള്ളതിന്റെ വിശദാംശം വെളിപ്പെടുത്തുമോ;

(സി)	പോലീസിലെ ഒരു വിഭാഗം ഈ മാഫിയ സംഘങ്ങള്‍ക്ക് ഒത്താശ ചെയ്യുന്നുണ്ടെന്ന ആരോപണങ്ങളെക്കുറിച്ച് സമഗ്ര അന്വേഷണം നടത്തുമോ?

യാത്രാബോട്ടുകളുടെ ഫിറ്റ്നസ്

*18.

ശ്രീ.എന്‍. ഷംസുദ്ദീന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	യാത്രാബോട്ടുകളുടെ ഫിറ്റ്നസ് പരിശോധിക്കാറുണ്ടോ ;

(ബി)	ബോട്ടു ദുരന്തങ്ങളുണ്ടാകുന്വോള്‍ മാത്രം സുരക്ഷാകാര്യങ്ങള്‍ പ്രശ്നമാകുകയും പിന്നീടത് ഉണ്ടാവാതിരിക്കുകയും ചെയ്യുന്നത് സുരക്ഷാഭീഷണിക്ക് കാരണമാകുന്നുവെന്ന വസ്തുത പരിശോധിച്ചിട്ടുണ്ടോ ;

(സി)	പീരിയോഡിക്കല്‍ പരിശോധനകള്‍ കര്‍ശനമാക്കുമോ ?

ക്രമസമാധാന രംഗത്ത് കൈവരിച്ച നേട്ടം

*19.

ശ്രീ.എം.പി.വിന്‍സെന്‍റ്
,, സി.പി.മുഹമ്മദ്
,, പാലോട് രവി
,, വര്‍ക്കല കഹാര്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാരിന്റെ കാലത്ത് ക്രമസമാധാന രംഗത്ത്, കേരളം ദേശീയതലത്തില്‍ ഉന്നതസ്ഥാനത്ത് എത്തിയിട്ടുണ്ടോ; എങ്കിൽ പ്രസ്തുത നേട്ടം കൈവരിക്കുവാന്‍ എന്തെല്ലാം നടപടികളാണ് സ്വീകരിച്ചിട്ടുള്ളത്; വിശദമാക്കുമോ;

(ബി)	ഇത് സംബന്ധിച്ച റിപ്പോര്‍ട്ടുകളുടെയും സര്‍വ്വേകളുടെയും വിശദാംശങ്ങള്‍ എന്തെല്ലാമാണ്;

(സി)	ക്രമസമാധാന രംഗത്ത് കൂടുതല്‍ നേട്ടങ്ങള്‍ കൈവരിക്കുവാന്‍ എന്തെല്ലാം നടപടികളാണ് സ്വീകരിക്കുവാനുദ്ദേശിക്കുന്നത്; വിശദമാക്കുമോ?

ബിയര്‍-വൈന്‍ പാര്‍ലര്‍ ലൈസന്‍സ്

*20.

ശ്രീ.കെ.കുഞ്ഞമ്മത് മാസ്റ്റര്‍
,, സി.രവീന്ദ്രനാഥ്
,, ബി.ഡി. ദേവസ്സി
,, ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	പുതുതായി ബിയര്‍-വൈന്‍ പാര്‍ലര്‍ ലൈസന്‍സ് നല്‍കുന്നത് സംബന്ധിച്ച നിയമ വ്യവസ്ഥകള്‍ വിശദമാക്കാമോ;

(ബി)	സംസ്ഥാനത്ത് പൂട്ടിയിരുന്ന ബാര്‍ ഹോട്ടലുകള്‍ക്ക് പുതുതായി ബിയര്‍-വൈന്‍ പാര്‍ലര്‍ ലൈസന്‍സ് നല്‍കിയത് നിലവിലുള്ള ഏതെങ്കിലും വ്യവസ്ഥകള്‍ ലംഘിച്ചുകൊണ്ടാണോ; എങ്കില്‍ ഏതെല്ലാം വ്യവസ്ഥകള്‍ ലംഘിക്കപ്പെട്ടുവെന്ന് വിശദമാക്കാമോ;

(സി)	പുതുതായി ബിയര്‍-വൈന്‍ പാര്‍ലര്‍ ആരംഭിക്കുന്നതിന് മുമ്പായി തദ്ദേശസ്വയംഭരണ സ്ഥാപനങ്ങളുടെ അനുമതി ആവശ്യമാണോ; ആവശ്യമൂള്ളപക്ഷം പ്രസ്തുത അനുമതി ഇല്ലാതെ ഇപ്പോള്‍ എത്ര ബിയര്‍-വൈന്‍ പാര്‍ലറുകള്‍ക്ക് അനുമതി നല്‍കിയിട്ടുണ്ടെന്ന് വ്യക്തമാക്കാമോ;

(ഡി)

എത്ര ബിയര്‍-വൈന്‍ പാര്‍ലറുകള്‍ക്ക് സര്‍ക്കാര്‍ നിയമവ്യവസ്ഥകളില്‍നിന്നും പ്രത്യേക ഇളവുകള്‍ നല്‍കുകയുണ്ടായിട്ടുണ്ട്; തദ്ദേശസ്വയംഭരണ സ്ഥാപനങ്ങള്‍ക്കുള്ള അധികാരം സര്‍ക്കാര്‍ ഏറ്റെടുത്തത് ഏത് നിയമനിര്‍മ്മാണത്തിലൂടെയാണ്; തദ്ദേശസ്വയംഭരണ വകുപ്പിന്റെ അനുമതി ഇക്കാര്യത്തിലുണ്ടായിരുന്നുവോയെന്നും വ്യക്തമാക്കാമോ?

ബാര്‍ കോഴക്കേസ്

*21.

ശ്രീ.സി.കൃഷ്ണന്‍
ഡോ.ടി.എം.തോമസ് ഐസക്
ശ്രീ.എളമരം കരീം
ശ്രീമതി.പി. അയിഷാ പോറ്റി : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ബാര്‍ കോഴക്കേസില്‍ ഉന്നയിക്കപ്പെട്ട അഴിമതി പുറത്തുകൊണ്ടുവരാന്‍ വിജിലന്‍സ് വകുപ്പിന് സാധിച്ചിട്ടുണ്ടോയെന്ന് വിശദമാക്കാമോ ;

(ബി)	അന്വേഷണ ഏജന്‍സി കൂടുതല്‍ ശ്രദ്ധയോടെയും ജാഗ്രതയോടെയും അന്വേഷണം നടത്തണമെന്നും വിശ്വാസ്യത നിലനിര്‍ത്താന്‍ ഭയമോ പ്രീതിയോ കൂടാതെ അന്വേഷിക്കണമെന്നും കേരള ഹൈക്കോടതിയുടെ ഡിവിഷന്‍ ബെഞ്ച് നിര്‍ദ്ദേശിച്ചിട്ടുണ്ടോ; എങ്കില്‍ ഇത് പാലിക്കാന്‍ തയ്യാറാകുമോ;

(സി)	ആരോപണവിധേയരായവരെ സംരക്ഷിക്കുന്ന തരത്തിലുള്ളതായി പറയപ്പെടുന്ന പ്രസ്താവനകള്‍, അന്വേഷണ ഏജന്‍സിയെ സ്വാധീനിക്കുന്നതായി അറിയാമോ;

(ഡി)	പ്രസ്തുത കേസില്‍ അന്വേഷണ ഉദ്യോഗസ്ഥരെ സമ്മര്‍ദ്ദത്തിലാക്കുന്നതായി ഏതെല്ലാം ആക്ഷേപങ്ങള്‍ ഉയര്‍ന്നുവന്നിട്ടുണ്ടെന്ന് വ്യക്തമാക്കാമോ;

(ഇ)	അന്വേഷണ ഏജന്‍സിയുടെ മുമ്പാകെ സത്യം പറയാതിരിക്കാന്‍ ബാറുടമകളുടെ മേല്‍ ഭരണതലത്തിലുള്ളവരുടെ സമ്മര്‍ദ്ദം ഉണ്ടായതായുള്ള ആക്ഷേപങ്ങൾ ശ്രദ്ധയില്‍പ്പെട്ടിട്ടുണ്ടോ ?

സ്ത്രീ സുരക്ഷയ്ക്കുായി നിയമ നിർമ്മാണം

*22.

ശ്രീ.വര്‍ക്കല കഹാര്‍
,, കെ.അച്ചുതന്‍
,, ഡൊമിനിക് പ്രസന്റേഷന്‍
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	സ്ത്രീകളുടെ സുരക്ഷയ്കായി നിയമനിര്‍മ്മാണം നടത്താന്‍ ഉദ്ദേശിക്കുന്നുണ്ടോ;

(ബി)	ഉണ്ടെങ്കിൽ എന്തെല്ലാം കാര്യങ്ങളാണ് നിയമത്തില്‍ ഉള്‍പ്പെടുത്താന്‍ ഉദ്ദേശിക്കുന്നത്; വിശദാംശങ്ങള്‍ ലഭ്യമാക്കുമോ;

(സി)	സ്ത്രീകള്‍ക്കെതിരെയുള്ള കുറ്റകൃത്യങ്ങള്‍ തടയുന്നതിന് എന്തെല്ലാം ശിക്ഷാനടപടികളാണ് പ്രസ്തുത നിയമത്തില്‍ വ്യവസ്ഥ ചെയ്യാനുദ്ദേശിക്കുന്നത്;

(ഡി)	ഇത് സംബന്ധിച്ച നിയമനിര്‍മ്മാണം ഏത് ഘട്ടത്തിലാണെന്ന് വിശദാംശം സഹിതം വ്യക്തമാക്കുമോ?

സേവനാവകാശ നിയമം

*23.

ശ്രീ.ലൂഡി ലൂയിസ്
,, ടി.എന്‍. പ്രതാപന്‍
,, ഷാഫി പറമ്പില്‍
,, സണ്ണി ജോസഫ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് സേവനാവകാശ നിയമം നടപ്പാക്കിയിട്ടുണ്ടോ;

(ബി)	ഏതെല്ലാം വകുപ്പുകളിലാണ് പ്രസ്തുത നിയമം നടപ്പാക്കിയിട്ടുള്ളത്;

(സി)	എല്ലാ വകുപ്പുകളിലും പ്രസ്തുത നിയമം നടപ്പാക്കുന്നതിന് സ്വീകരിച്ച് വരുന്ന നടപടികൾ വിശദമാക്കുമോ;

(ഡി)	പ്രസ്തുത നിയമത്തിന്റെ നടപ്പാക്കല്‍ സമയബന്ധിതമായി പൂര്‍ത്തിയാക്കുമോ;

(ഇ)	സേവനങ്ങള്‍ ഓണ്‍ലൈന്‍ വഴി ലഭ്യമാക്കുന്നതിനും, കൂടുതല്‍ മേഖലകള്‍ പ്രസ്തുത നിയമത്തിന്റെ പരിധിയില്‍ കൊണ്ടുവരുന്നതിനും എന്തെങ്കിലും നടപടികള്‍ സ്വീകരിച്ചിട്ടുണ്ടോ; എങ്കില്‍ വ്യക്തമാക്കുമോ ?

ലഹരി വിമുക്ത കേരളം എെശ്വര്യ കേരളം' പദ്ധതി

*24.

ശ്രീ.എം.എ. വാഹീദ്
,, ഡൊമിനിക് പ്രസന്റേഷന്‍
,, വി.റ്റി.ബല്‍റാം
,, വി.പി.സജീന്ദ്രന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് 'മിഷന്‍ 676' ല്‍ ഉള്‍പ്പെടുത്തി 'ലഹരി വിമുക്ത കേരളം എെശ്വര്യ കേരളം' പദ്ധതി പ്രഖ്യാപിച്ചിട്ടുണ്ടോ;

(ബി)	എന്തെല്ലാം പദ്ധതികളാണ് മിഷന്‍ വഴി നടപ്പാക്കാനുദ്ദേശിക്കുന്നത്; വിശദാംശങ്ങള്‍ എന്തെല്ലാം;

(സി)	പദ്ധതികളെ സംബന്ധിച്ചിട്ടുള്ള രൂപരേഖ തയ്യാറാക്കാന്‍ എന്തെല്ലാം നടപടികള്‍ സ്വീകരിച്ചിട്ടുണ്ട്;

(ഡി)	പദ്ധതികള്‍ സമയബന്ധിതമായി നടപ്പാക്കാന്‍ ഭരണതലത്തില്‍ എന്തെല്ലാം നടപടികള്‍ സ്വീകരിച്ചിടുണ്ട്, വിശദമാക്കാമോ ?

പമ്പ, അച്ചന്‍കോവില്‍, വെെപ്പാര്‍ നദീ സംയോജന പദ്ധതി

*25.

ശ്രീ.റോഷി അഗസ്റ്റിന്‍
,, പി.സി. ജോര്‍ജ്
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പമ്പ, അച്ചന്‍കോവില്‍, വെെപ്പാര്‍ നദീ സംയോജന പദ്ധതി കേരളത്തെ എപ്രകാരം ദോഷകരമായി ബാധിക്കുമെന്ന് പഠനം നടത്തിയിട്ടുണ്ടോ; എങ്കില്‍ ലഭ്യമായ വിവരങ്ങള്‍ എന്തെല്ലാമെന്ന് വ്യക്തമാക്കുമോ;

(ബി)	പ്രസ്തുത പദ്ധതി നടപ്പാക്കാനുളള കേന്ദ്രത്തിന്റെ നീക്കം സംബന്ധിച്ച് സംസ്ഥാനത്തിന്റെ ആശങ്ക കേന്ദ്രസര്‍ക്കാരിനെ അറിയിച്ചിട്ടുണ്ടോ; വ്യക്തമാക്കുമോ;

(സി)	പ്രസ്തുത പദ്ധതി സംസ്ഥാനത്തിന്റെ കുടിവെളള പദ്ധതികളെ ദോഷകരമായി ബാധിക്കുമോ; വ്യക്തമാക്കുമോ?

പി .എസ്.സി.നിയമനം

*26.

ഡോ.കെ.ടി.ജലീല്‍
ശ്രീ.ടി.വി.രാജേഷ്
ശ്രീമതി.കെ.കെ.ലതിക
ശ്രീ.ആര്‍. രാജേഷ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	പി.എസ്.സി. റാങ്ക് ലിസ്റ്റുകളില്‍ ഉള്‍പ്പെട്ടിട്ടും വകുപ്പ് മേധാവികള്‍ ഒഴിവുകള്‍ റിപ്പോര്‍ട്ടു ചെയ്യാതിരിക്കുന്നതുകൊണ്ട് നിയമനത്തിനായി കാത്തിരിക്കുന്നവരുടെ പ്രയാസങ്ങള്‍ ശ്രദ്ധയിൽ പെട്ടിട്ടുണ്ടോ:

(ബി)	പി.എസ്.സി. റാങ്ക് ലിസ്റ്റ് തയ്യാറാക്കുന്നതിനു മുമ്പുതന്നെ ഒഴിവുകള്‍ കണക്കാക്കുന്നതിനും ഓരോ വര്‍ഷവും ഉണ്ടാവാന്‍ ഇടയുള്ള ഒഴിവുകള്‍ തിട്ടപ്പെടുത്തുന്നതിനും സാധിക്കുമോയെന്നു വ്യക്തമാക്കുമോ;

(സി)	എങ്കില്‍ എന്തുകൊണ്ട് അപ്രകാരമുള്ള ഒഴിവുകള്‍ യഥാസമയം പി.എസ്.സി.യെ അറിയിക്കുന്നില്ല; നോട്ടിഫിക്കേഷനില്‍ പറഞ്ഞ ഒഴിവുകള്‍ റാങ്ക് ലിസ്റ്റിന്റെ കാലാവധി കഴിഞ്ഞിട്ടും റിപ്പോര്‍ട്ടു ചെയ്യാതിരുന്ന വകുപ്പ് തലവന്മാര്‍ക്കെതിരെ എന്തു നടപടി സ്വീകരിച്ചു ;

(ഡി)	പുറംവാതില്‍ നിയമനങ്ങള്‍ നിര്‍ബാധം നടക്കുന്നതു കൊണ്ടാണ് ഒഴിവുകള്‍‌ റിപ്പോര്‍ട്ടു ചെയ്യാത്തത് എന്ന ആക്ഷേപം പരിശോധിച്ചിട്ടുണ്ടോ;

(ഇ)	കാലാവധി ദീര്‍ഘിപ്പിച്ച കാലയളവിലും ഒരു നിയമനം പോലും നടക്കാതെ റാങ്ക് ലിസ്റ്റ് ലാപ്സായിപ്പോയത് ശ്രദ്ധയിൽ പെട്ടിട്ടുണ്ടോ:

(എഫ്)

ഇത്തരം നടപടികൾ ആവർത്തിക്കാതിരിക്കാൻ ശ്രദ്ധിക്കുമോ ?

ക്രമിനല്‍ കേസുകളിലെ കുറ്റാരോപിതരുടെ മാധ്യമ വിചാരണ

*27.

ശ്രീ.അബ്ദുറഹിമാന്‍ രണ്ടത്താണി
,, എന്‍ .എ.നെല്ലിക്കുന്ന്
,, കെ.എന്‍.എ.ഖാദര്‍
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് ആഭ്യന്തരവും വിജിലന്‍സും വകുപ്പുമന്ത്രി സദയം മറുപടി നല്‍കുമോ:

(എ)	ക്രമിനല്‍ കേസുകളിലെ കുറ്റാരോപിതരെ സംബന്ധിച്ച് അന്വേഷണഘട്ടത്തില്‍ നടത്തുന്ന മാധ്യമ വിചാരണയ്ക്കെതിരെ മനുഷ്യാവകാശ കമ്മീഷന്‍െറ നിരീക്ഷണം ശ്രദ്ധയില്‍പ്പെട്ടിട്ടുണ്ടോ;

(ബി)	എങ്കില്‍ കമ്മീഷന്‍ നിര്ദ്ദേശമനുസരിച്ച്എന്തൊക്കെ നടപടികള്‍ സ്വീകരിക്കാനാണ് ഉദേശിക്കുന്നതെന്ന് വിശദമാക്കുമോ;

(സി)	ഇന്നു നടന്നുവരുന്ന മാധ്യമ വിചാരണ, മനുഷ്യാവകാശങ്ങളിന്മേലുള്ള കടന്നാക്രമണമെന്നതിലുപരി അപരാധികളെ രക്ഷപ്പെടുത്തുന്നതിനും നിരപരാധികളെ കുടുക്കുന്നതിനും, അന്വേഷണ ഉദ്യാേഗസ്ഥരെ പരോക്ഷമായി സ്വാധീനിക്കുന്നതിനും ഇടയാക്കുന്നുണ്ടെന്നതിനാല്‍ ഇക്കാര്യത്തില്‍ കര്‍ശന നടപടി സ്വീകരിക്കുമോ?

ഭരണ മികവിന് സംസ്ഥാനത്തിന് അംഗീകാരം

*28.

ശ്രീ.കെ.മുരളീധരന്‍
,, തേറമ്പില്‍ രാമകൃഷ്ണന്‍
,, വി.പി.സജീന്ദ്രന്‍
,, എം.എ. വാഹീദ് : താഴെ കാണുന്ന ചോദ്യങ്ങള്‍ക്ക് മുഖ്യമന്ത്രി സദയം മറുപടി നല്‍കുമോ:

(എ)	ഭരണ മികവിന് സംസ്ഥാനത്തിന് ദേശീയ തലത്തിലും അന്തര്‍ ദേശീയ തലത്തിലും അംഗീകാരം ലഭിച്ചിട്ടുണ്ടോ; വിശദമാക്കുമോ;

(ബി)	ഏതെല്ലാം രംഗങ്ങളിലാണ് അംഗീകാരം ലഭിച്ചിട്ടുള്ളത്; വിശദാംശങ്ങള്‍ ലഭ്യമാക്കുമോ;

(സി)	ഏതെല്ലാം മേഖലകളിലാണ് കഴിഞ്ഞ വര്‍ഷങ്ങളെ അപേക്ഷിച്ച് കൂടുതല്‍ മികവ് കൈവരിച്ചിട്ടുള്ളത്; വ്യക്തമാക്കുമോ;

(ഡി)	പ്രസ്തുത മികവ് മറ്റ് രംഗങ്ങളിലും നേടുന്നതിന് എന്തെല്ലാം നടപടികളാണ് സ്വീകരിക്കാനുദ്ദേശിക്കുന്നത്; വിശദാംശങ്ങള്‍ ലഭ്യമാക്കുമോ?

മത്സ്യത്തൊഴിലാളികളുടെ കടബാധ്യത

*29.

ശ്രീ.മോന്‍സ്‌ ജോസഫ്
,, തോമസ് ഉണ്ണിയാടന്‍
,, റ്റി.യു. കുരുവിള
,, സി.എഫ്.തോമസ് : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഏറ്റവും പിന്നോക്കാവസ്ഥയില്‍ താമസിക്കുന്ന മത്സ്യത്തൊഴിലാളികളുടെ കടബാധ്യത എഴുതിത്തള്ളുന്നതില്‍ കാലതാമസം നേരിടുന്നത് ശ്രദ്ധയില്‍പ്പെട്ടിട്ടുണ്ടോ; എങ്കില്‍ ആയത് പരിഹരിക്കുവാന്‍ എന്തൊക്കെ നടപടികള്‍ ഉണ്ടാകുമെന്ന് വ്യക്തമാക്കുമോ;

(ബി)	മത്സ്യത്തൊഴിലാളികളുടെ കടബാദ്ധ്യതയ്ക്ക് ഏര്‍പ്പെടുത്തിയിരുന്ന മോറട്ടോറിയം നീട്ടി നല്‍കുന്നതിന് നടപടികള്‍ ഉണ്ടാകുമോ; വിശദാംശം ലഭ്യമാക്കുമോ?

മത്സ്യബന്ധന തുറമുഖങ്ങളുടെ വികസനം

*30.

ശ്രീ.എ.എ.അസീസ്
,, കോവൂര്‍ കുഞ്ഞുമോന്‍ : താഴെ കാണുന്ന ചോദ്യങ്ങള്‍ക്ക് മത്സ്യബന്ധനവും തുറമുഖവും എക്സൈസും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരമേറ്റ ശേഷം മത്സ്യബന്ധന തുറമുഖങ്ങളില്‍ എന്തൊക്കെ വികസന പ്രവര്‍ത്തനങ്ങളാണ് നടത്തിയത് ;

(ബി)	വികസന പ്രവര്‍ത്തനങ്ങള്‍ക്കായി കേന്ദ്രത്തില്‍ നിന്നും എന്തൊക്കെ സഹായങ്ങള്‍ നേടിയെടുക്കാന്‍ കഴിഞ്ഞു എന്ന് വ്യക്തമാക്കുമോ ?

Website maintained by Information System Section, Kerala Legislative Assembly, Thiruvananthapuram.