13KLA-unstarred questions










	STARRED
	QUESTIONS
	AND
	ANSWERS

You are here: Business >13^th KLA >12^th Session>Starred Answers

Answer Provided

Answer Not Yet Provided

THIRTEENTH KLA - 12^th SESSION
STARRED QUESTIONS AND ANSWERS
(To read Questions please enable Unicode-Malayalam in your system)
(To read answers Please CLICK on the Title of the Questions)

Q. No

Questions

*61.

ആയൂര്‍വ്വേദ മരുന്നു പരീക്ഷണം

ശ്രീ.പി.തിലോത്തമന്‍
,, ജി.എസ്.ജയലാല്‍
ശ്രീമതി.ഇ.എസ്.ബിജിമോള്‍
ശ്രീ.വി.ശശി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ആയൂര്‍വ്വേദ മരുന്നു പരീക്ഷണത്തിന് അനുമതി നല്‍കിയിട്ടുണ്ടോ; ഉണ്ടെങ്കില്‍ ഏതെല്ലാം സ്ഥാപനങ്ങളിലാണ് രോഗികളെ പരീക്ഷണത്തിന് വിധേയമാക്കുന്നതെന്ന് വെളിപ്പെടുത്തുമോ;

(ബി)	ഏതെല്ലാം മരുന്നു കമ്പനികളാണ് ഇത്തരം പരീക്ഷണത്തിനായി മുന്നോട്ട് വന്നിട്ടുള്ളത്; പേറ്റന്റുള്ള മരുന്നുകള്‍ ഇത്തരം മരുന്നു പരീക്ഷണങ്ങളില്‍ ഉള്‍പ്പെടുന്നുണ്ടോ;

(സി)	ഇത്തരം മരുന്നുകള്‍ മൃഗങ്ങളില്‍ പ്രയോഗിച്ച് ഫലപ്രാപ്തി കണ്ടെത്തിയിട്ടുണ്ടോ;

(ഡി)	പല മരുന്നുകളുടെയും ചേരുവകളില്‍ വ്യാജ മരുന്നുകള്‍ ചേരുന്നതായുള്ള ആക്ഷേപം ശ്രദ്ധയില്‍പ്പെട്ടിട്ടുണ്ടോ; ഉണ്ടെങ്കില്‍ ആയൂര്‍വ്വേദ മരുന്നുകളുടെ ഗുണമേന്മയും ഫലപ്രാപ്തിയും കണ്ടെത്തുന്നതിന് എന്തെല്ലാം സംവിധാനങ്ങളാണുള്ളതെന്ന് വിശദമാക്കുമോ?

*62.

പട്ടികജാതി വിഭാഗത്തില്‍പ്പെട്ട ഭവനരഹിതര്‍ക്ക് ഭൂമി വാങ്ങുന്നതിനുള്ള ധനസഹായം

ശ്രീ.ഐ.സി.ബാലകൃഷ്ണന്‍
,, വി.പി.സജീന്ദ്രന്‍
,, അന്‍വര്‍ സാദത്ത്
,, റ്റി.എന്‍. പ്രതാപന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	പട്ടികജാതി വിഭാഗത്തില്‍പ്പെട്ട ഭവനരഹിതര്‍ക്ക് ഭൂമി വാങ്ങുന്നതിനായി ധനസഹായം നല്‍കുന്ന പദ്ധതി പ്രകാരം എത്ര രൂപയാണ് ഒരാള്‍ക്ക് നല്‍കി വരുന്നത്; വിശദമാക്കുമോ;

(ബി)	മുന്‍ സര്‍ക്കാരിന്റെ കാലത്ത് എത്ര രൂപയാണ് നല്‍കിയിരുന്നത്; വിശദാംശങ്ങള്‍ എന്തെല്ലാം;

(സി)	ഈ തുക അപര്യാപ്തമാണെന്ന് ശ്രദ്ധയില്‍പ്പെട്ടിട്ടുണ്ടോ; വിശദമാക്കുമോ;

(ഡി)	ഉണ്ടെങ്കില്‍ എത്ര രൂപയാണ് വര്‍ദ്ധിപ്പിക്കാൻ ഉദ്ദേശിക്കുന്നത്?

*63.

അട്ടപ്പാടിയിലെ ശിശുമരണം

ശ്രീ.എം.ചന്ദ്രന്‍
,, കോടിയേരി ബാലകൃഷ്ണന്‍
,, എം. ഹംസ
,, വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	എന്തൊക്കെ വീഴ്ചകള്‍ കൊണ്ടാണ് അട്ടപ്പാടിയില്‍ ശിശുമരണം ആവര്‍ത്തിക്കുന്നതെന്ന് സര്‍ക്കാര്‍ പരിശോധിച്ചിട്ടുണ്ടോ; എങ്കില്‍ അതിന്റെ വിശദാംശം നല്‍കാമോ;

(ബി)	ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ അടിയന്തിരമായി സര്‍ക്കാര്‍ സ്വീകരിക്കാനുദ്ദേശിക്കുന്ന നടപടികള്‍ അറിയിക്കാമോ?

*64

നോക്കുകൂലി വിമുക്തം

ശ്രീ.സണ്ണി ജോസഫ്
,, എം.പി.വിന്‍സെന്‍റ്
,, പി.സി വിഷ്ണുനാഥ് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ നോക്കുകൂലി വിമുക്തമാക്കുന്നതിന് എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദമാക്കുമോ;

(ബി)	ഏതെല്ലാം ജില്ലകളെ നോക്കുകൂലി വിമുക്ത ജില്ലകളായി പ്രഖ്യാപിച്ചിട്ടുണ്ട്; വിശദാംശങ്ങള്‍ ലഭ്യമാക്കാമോ;

(സി)	പ്രസ്തുത ജില്ലകളില്‍ നോക്കുകൂലി പ്രശ്നങ്ങള്‍ കൈകാര്യം ചെയ്യുന്നതിന് എന്തെങ്കിലും നടപടികള്‍ സ്വീകരിച്ചിട്ടുണ്ടോ;

(ഡി)	അവശേഷിക്കുന്ന ജില്ലകളെ കൂടി നോക്കുകൂലി വിമുക്ത ജില്ലകളാക്കുന്നതിനായി സ്വീകരിച്ച നടപടികള്‍ എന്തെല്ലാമാണ്; വിശദമാക്കുമോ?

*65.

മുല്ലപ്പെരിയാര്‍ ഡാം ജലനിരപ്പ്

ശ്രീ.ചിറ്റയം ഗോപകുമാര്‍
,, സി.ദിവാകരന്‍
,, കെ.അജിത് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മുല്ലപ്പെരിയാര്‍ ഡാമിന്റെ ഷട്ടറുകളുടെ അറ്റകുറ്റ പണികള്‍ പൂര്‍ത്തീകരിച്ച ശേഷം മേല്‍നോട്ട സമിതിയുടെ പൂര്‍ണ്ണ നിയന്ത്രണത്തില്‍ മാത്രമേ ജലനിരപ്പ് ഉയര്‍ത്താന്‍ പാടുള്ളൂവെന്ന് സുപ്രീം കോടതി നിര്‍ദ്ദേശമുണ്ടോ; എങ്കില്‍ സുപ്രീംകോടതി നിര്‍ദ്ദേശ ലംഘന ത്തിനെതിരെ എന്തു നടപടി സ്വീകരിച്ചുവെന്ന് വ്യക്തമാക്കുമോ;

(ബി)	മുല്ലപ്പെരിയാര്‍ ഡാമില്‍ ജലനിരപ്പ് ഉയര്‍ന്നതിനെ തുടര്‍ന്ന് എന്തെല്ലാം സുരക്ഷാ നടപടികള്‍ സ്വീകരിച്ചിട്ടുണ്ടെന്ന് വെളിപ്പെടുത്തുമോ?

*66.

മുല്ലപ്പെരിയാറിലെ ജലനിരപ്പ്

ശ്രീ.കോടിയേരി ബാലകൃഷ്ണന്‍
,, കെ.കെ.ജയചന്ദ്രന്‍
,, എസ്.രാജേന്ദ്രന്‍
,, കെ.സുരേഷ് കുറുപ്പ് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	മുല്ലപ്പെരിയാറിലെ ജലനിരപ്പ് ഡാമിന്റെ നിലനിൽപ്പിന് ഭീഷണിയാകും വിധം ഉയരുന്ന സാഹചര്യത്തില്‍ മേല്‍നോട്ട സമിതിയുടെ പ്രവര്‍ത്തനം സര്‍ക്കാര്‍ വിലയിരുത്തിയിട്ടുണ്ടോ ;

(ബി)	മേല്‍നോട്ട സമിതിയുടെ അദ്ധ്യക്ഷന്റെ പ്രവർത്തനം തമിഴ്‌നാടിനെ പ്രതിനിധീകരിക്കുന്ന വിധത്തിലാണെന്ന ആക്ഷേപം പരിശോധിച്ചിരുന്നോ;

(സി)	ഈ പശ്ചാത്തലത്തില്‍ സംസ്ഥാനത്തിന്റെ ആശങ്കകള്‍ നിഷ്‌പക്ഷമായി പരിശോധിക്കാന്‍ പ്രാപ്തമായ ഒരു മേല്‍നോട്ട സമിതിയെ നിയമിക്കാനായി സ്വീകരിച്ചിട്ടുള്ള നിയമ നടപടികളും ഭരണപരമായ നടപടികളും അറിയിക്കുമോ;

(ഡി)	സംസ്ഥാനത്തെ ജനങ്ങളുടെ ജീവനും സ്വത്തിനും ഭീഷണി നേരിടുന്ന മേല്‍ സാഹചര്യം കേന്ദ്രസര്‍ക്കാരിന്റെ ശ്രദ്ധയില്‍പ്പെടുത്തിയിരുന്നോ ; എങ്കില്‍ അതിന്റെ വിശദാംശങ്ങല്‍ അറിയിക്കുമോ ?

*67.

കാൻസർ രോഗികള്‍ക്ക് മെച്ചപ്പെട്ട ചികിത്സ ലഭ്യമാക്കുന്നതിനുള്ള നടപടി

ശ്രീ.റോഷി അഗസ്റ്റിന്‍
,, പി.സി. ജോര്‍ജ്
,, എം.വി.ശ്രേയാംസ്‌ കുമാര്‍
ഡോ.എന്‍. ജയരാജ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	കാൻസർ രോഗികളുടെ സംഖ്യ വര്‍ദ്ധിച്ചു വരുന്നതായുള്ള വസ്തുത ശ്രദ്ധയില്‍പ്പെട്ടിട്ടുണ്ടോ; വിശദാംശങ്ങള്‍ നല്കുമോ;

(ബി)	കാൻസർ രോഗികളുടെ എണ്ണത്തില്‍ വര്‍ദ്ധനവ് രേഖപ്പെടുത്തിയ ജില്ലകള്‍ ഏതെല്ലാമാണ്;

(സി)	കാൻസർ രോഗികള്‍ക്ക് മെച്ചപ്പെട്ട ചികിത്സ ലഭ്യമാക്കുന്നതിന് ഈ സർക്കാരിന്റെ കാലത്ത് എന്തെല്ലാം സൗകര്യങ്ങളാണ് ഇതിനകം ഏര്‍പ്പെടുത്തിയിട്ടുള്ളത്;

(ഡി)	സാമ്പത്തികമായി പിന്നോക്കം നില്ക്കുന്ന രോഗികള്‍ക്ക് അവരുടെ ചികിത്സാ ചെലവുകള്‍ വഹിക്കുന്നതിന് നിലവില്‍ നല്കിവരുന്ന സഹായങ്ങള്‍ എന്തെല്ലാമാണ്?

*68.

എംപ്ലോയ്മെന്റ് രജിസ്ട്രേഷന്‍

ശ്രീ.വര്‍ക്കല കഹാര്‍
,, അന്‍വര്‍ സാദത്ത്
,, വി.റ്റി.ബല്‍റാം
,, ആര്‍ . സെല്‍വരാജ് : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	എംപ്ലോയ്മെന്റ് രജിസ്ട്രേഷന്‍ പുതുക്കാന്‍ എന്തെല്ലാം അവസരങ്ങളാണ് നിലവിലുള്ളത്; വിശദമാക്കുമോ;

(ബി)	ഈ സര്‍ക്കാറിന്റെ കാലത്ത് എംപ്ലോയ്മെന്റ് എക്സ്ചേഞ്ചുകളില്‍ വിവിധ കാരണങ്ങളാല്‍ രജിസ്ട്രേഷന്‍ പുതുക്കാന്‍ കഴിയാതെ സീനിയോറിറ്റി നഷ്ടപ്പെട്ട ഉദ്യോഗാര്‍ത്ഥികള്‍ക്ക് അവരുടെ സീനിയോറിറ്റി നിലനിര്‍ത്തി രജിസ്ട്രേഷന്‍ പുതുക്കാന്‍ അനുമതി നല്‍കിയിട്ടുണ്ടോ;

(സി)	ഏത് കാലയളവിലെ രജിസ്ട്രേഷനുകള്‍ക്കാണ് പ്രസ്തുത ആനുകുല്യം ലഭ്യമാക്കുന്നത്;

(ഡി)	പ്രസ്തുത പ്രശ്നങ്ങള്‍ പരിഹരിക്കുന്നതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ നല്‍കുമോ?

*69.

മിഷന്‍ 676-ലെ പട്ടികജാതി ക്ഷേമ പദ്ധതികള്‍

ശ്രീ.വി.പി.സജീന്ദ്രന്‍
,, ഐ.സി.ബാലകൃഷ്ണന്‍
,, തേറമ്പില്‍ രാമകൃഷ്ണന്‍
,, കെ.ശിവദാസന്‍ നായര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	മിഷന്‍ 676 ല്‍ ഉള്‍പ്പെടുത്തി പട്ടികജാതി ക്ഷേമം ഉറപ്പാക്കുന്നതിന് പദ്ധതികള്‍ പ്രഖ്യാപിച്ചിട്ടുണ്ടോ;

(ബി)	എന്തെല്ലാം പദ്ധതികളാണ് മിഷന്‍ വഴി നടപ്പാക്കാനുദ്ദശിക്കുന്നതെന്ന് വിശദമാക്കുമോ;

(സി)	പദ്ധതികളെ സംബന്ധിച്ചുള്ള രൂപരേഖ തയ്യാറാക്കാന്‍ സ്വീകരിച്ച നടപടികള്‍ എന്തെല്ലാം;

(ഡി)	പദ്ധതികള്‍ സമയബന്ധിതമായി നടപ്പാക്കാന്‍ ഭരണതലത്തില്‍ സ്വീകരിച്ച നടപടികള്‍ എന്തെല്ലാമാണ്?

*70.

മരുന്നു വില നിയന്ത്രണ നയം

ശ്രീ.എം.എ.ബേബി
,, കെ.കുഞ്ഞിരാമന്‍ (ഉദുമ)
,, പുരുഷന്‍ കടലുണ്ടി
,, എ.എം. ആരിഫ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	മരുന്നുവില നിയന്ത്രണം നീക്കിയതുമായി ബന്ധപ്പെട്ട് മുഖ്യമന്ത്രി പ്രധാനമന്ത്രിയെ കണ്ടിരുന്നോ; അവിടെ ഉന്നയിച്ച ആവശ്യങ്ങള്‍ എന്തൊക്കെയായിരുന്നു; പ്രധാനമന്ത്രിയില്‍ നിന്ന് എന്തെങ്കിലും ഉറപ്പ് ലഭിച്ചെങ്കില്‍ വ്യക്തമാക്കാമോ;

(ബി)	സംസഥാന സര്‍ക്കാര്‍ സ്വീകരിച്ച തുടര്‍ നടപടികള്‍ എന്തൊക്കെയെന്ന് വ്യക്തമാക്കാമോ;

(സി)	മരുന്നു വില നിയന്ത്രണം നീക്കിയ നയം തിരുത്താന്‍ കേന്ദ്രസര്‍ക്കാരില്‍ സമ്മര്‍ദ്ദം ചെലുത്താന്‍ തയ്യാറാകുമോ?

*71.

അട്ടപ്പാടിയിലെ ശിശു മരണങ്ങളെ കുറിച്ച് യൂണിസെഫ് നടത്തിയ പഠന റിപ്പോര്‍ട്ട്

ഡോ.ടി.എം.തോമസ് ഐസക്
ശ്രീ.പി.ശ്രീരാമകൃഷ്ണന്‍
ഡോ.കെ.ടി.ജലീല്‍
പ്രൊഫ.സി.രവീന്ദ്രനാഥ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	അട്ടപ്പാടിയിലെ പട്ടികഗോത്രവര്‍ഗ്ഗവിഭാഗ ശിശുക്കളുടെ മരണത്തെക്കുറിച്ച് യൂണിസെഫ് നടത്തിയ പഠനറിപ്പോര്‍ട്ടിലെ നിര്‍ദ്ദേശങ്ങളും ശുപാര്‍ശകളും എന്തൊക്കെയാണ്; സര്‍ക്കാര്‍ നടപ്പാക്കിയത് എന്തൊക്കെ കാര്യങ്ങളാണ്;

(ബി)	ഡോ. ബി. ഇക‍്‍ബാലിന്റെ നേതൃത്വത്തില്‍ ജനകീയ ആരോഗ്യപ്രവര്‍ത്തകര്‍ പഠനം നടത്തി സര്‍ക്കാരിന് നല്‍കിയ റിപ്പോര്‍ട്ടിലെ പ്രധാന കണ്ടെത്തലുകളും നിര്‍ദ്ദേശങ്ങളും അറിയിക്കാമോ;

(സി)	യൂണിസെഫ് വിദഗ്ദ്ധരുടെ റിപ്പോര്‍ട്ടും ജനകീയ ആരോഗ്യ പ്രവര്‍ത്തകരുടെ റിപ്പോര്‍ട്ടും അവഗണിച്ച് പ്രശ്നം പഠിക്കാനായി പുതിയ സമിതിയെ നിയമിച്ചത് പരാജയം മറയ്ക്കാനും അടിയന്തര നടപടികള്‍ വൈകിക്കാനുമാണെന്ന ആരോപണം പരിശോധിച്ചിട്ടുണ്ടോ?

*72.

വിഷാംശമുള്ള പച്ചക്കറികള്‍ തടയാന്‍ നടപടി

ശ്രീ.സി.പി.മുഹമ്മദ്
,, കെ.അച്ചുതന്‍
,, ജോസഫ് വാഴയ്ക്കൻ
,, വി.ഡി.സതീശന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തിന്റെ വിവിധഭാഗങ്ങളില്‍ ഉത്പാദിപ്പിക്കുന്നതും, അന്യസംസ്ഥാനങ്ങളില്‍നിന്നും കൊണ്ടുവരുന്നതുമായ പച്ചക്കറികളില്‍ മാരകമായ കീടനാശിനികളുടെ അംശം കണ്ടെത്തിയതായി ശ്രദ്ധയില്‍പ്പെട്ടിട്ടുണ്ടാേ;

(ബി)	പച്ചക്കറികളില്‍ കീടനാശിനിയുടെ അംശം കണ്ടെത്തുന്നതിനും, അത്തരം പച്ചക്കറികള്‍ വില്പനക്കെത്തിക്കുന്നത് തടയുന്നതിനും എന്തെല്ലാം നടപടികള്‍ സ്വീകരിക്കുവാനാണ് ഉദ്ദേശിക്കുന്നത്;

(സി)	പഴങ്ങള്‍ രാസവസ്തുക്കള്‍ ഉപയോഗിച്ച് കൃത്രിമമായി പഴുപ്പിക്കുന്നതിനെതിരെ സ്വീകരിച്ചതുപോലുള്ള നടപടി പച്ചക്കറികളില്‍ കീടനാശിനി തളിക്കുന്നതിനെതിരെയും സ്വീകരിക്കുവാന്‍ തയ്യാറാകുമോ;

(ഡി)	കേരളത്തില്‍ ക്യാന്‍സര്‍, വൃക്കരോഗം എന്നിവ വര്‍ദ്ധിച്ചുവരുന്നതിനുള്ള കാരണം ഇത്തരത്തില്‍ മാരകമായ വിഷാംശമുള്ള പച്ചക്കറികളുടെ ഉപയോഗം നിമിത്തമാണന്ന് കണ്ടെത്തിയിട്ടുണ്ടോ വിശദാംശം നല്കുമോ ?

*73.

എല്ലാ പി.എച്ച്.സി. കളിലും ലബോറട്ടറി സംവിധാനം

ശ്രീ.ആര്‍ . സെല്‍വരാജ്
,, ഡൊമിനിക് പ്രസന്റേഷന്‍
,, വി.റ്റി.ബല്‍റാം
,, എ.പി.അബ്ദുള്ളക്കുട്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്തെ എല്ലാ പി.എച്ച്.സി. കളിലും ലബോറട്ടറി സംവിധാനം ലഭ്യമാണോ;

(ബി)	ലാബുകള്‍ ഇല്ലാത്ത എത്ര പി.എച്ച്.സി. കള്‍ ഉണ്ടെന്ന് വ്യക്തമാക്കുമോ;

(സി)	സംസ്ഥാനത്തെ മുഴുവന്‍ പി.എച്ച്.സി. കളിലും ലാബ് സംവിധാനം നടപ്പിലാക്കുന്ന പദ്ധതി സമയബന്ധിതമായി പൂര്‍ത്തിയാക്കുന്നതിന് നടപടി സ്വീകരിക്കുമോ?

*74.

ഹോംസ്റ്റേ, വില്ലാ പ്രോജക്ടുള്‍ക്ക് ലഭിക്കുന്ന ആനുകൂല്യങ്ങളും സൗകര്യങ്ങളും

ശ്രീ.അബ്ദുറഹിമാന്‍ രണ്ടത്താണി
,, പി.ഉബൈദുള്ള
,, കെ.എന്‍.എ.ഖാദര്‍
,, സി.മോയിന്‍ കുട്ടി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	വിനോദസഞ്ചാര വകുപ്പിന്റെ ആഭിമുഖ്യത്തില്‍ നടപ്പാക്കിയ ഹോംസ്റ്റേ, വില്ലാ പ്രോജക്ടുള്‍ക്ക് സര്‍ക്കാരില്‍ നിന്നും ലഭ്യമാക്കുന്ന ആനുകൂല്യങ്ങളും സൗകര്യങ്ങളും എന്തെല്ലാമെന്ന് വിശദമാക്കുമോ ;

(ബി)	ഇവ ആരംഭിക്കുന്ന സംരംഭകര്‍ക്ക് ആവശ്യമായ ലെെസന്‍സ്, അനുമതിപത്രം എന്നിവ കാലതാമസമില്ലാതെ ലഭ്യമാക്കാന്‍ വിനോദസഞ്ചാര വകുപ്പ് എന്തൊക്കെ ഉപദേശ സഹായങ്ങള്‍ നല്കുന്നുണ്ടെന്ന് വ്യക്തമാക്കുമോ ;

(സി)

തദ്ദേശസ്ഥാപനങ്ങള്‍, തൊഴില്‍വകുപ്പ് എന്നിവ നികുതികളും, ലക്ഷ്വറി ടാക്സുകളും അനാവശ്യമായും അധികമായും ചുമത്തി ഇത്തരം ചെറുകിട സംരംഭകരെ ബുദ്ധിമുട്ടിലാക്കുകയും കടക്കെണിയിലാക്കുകയും ചെയ്യുന്നതുമൂലം, നിയമാനുസൃത സ്ഥാപനങ്ങള്‍ പലതും പൂട്ടിപ്പോവുകയും പകരം അനധികൃത സ്ഥാപനങ്ങള്‍ വര്‍ദ്ധിച്ചുവരികയും ചെയ്യുന്ന കാര്യം ശ്രദ്ധയില്‍പ്പെട്ടിട്ടുണ്ടോ ; ഇക്കാര്യത്തില്‍ അടിയന്തരപരിഹാരം നടപ്പിലാക്കുമോ ?

*75.

ശ്രീ പത്മനാഭ സ്വാമി ക്ഷേത്ര ഭരണം

ശ്രീ.കോലിയക്കോട് എന്‍. കൃഷ്ണന്‍ നായര്‍
,, ഇ.പി.ജയരാജന്‍
,, ബി.സത്യന്‍
,, പി.കെ.ഗുരുദാസന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ശ്രീ പത്മനാഭ സ്വാമി ക്ഷേത്ര ഭരണംസര്‍ക്കാര്‍ ഏറ്റെടുക്കണമെന്ന 2011ലെ ഹൈക്കോടതി ഉത്തരവ് നടപ്പാക്കാതിരുന്നതിന്റെ കാരണം വ്യക്തമാക്കുമോ;

(ബി)

ശ്രീ പത്മനാഭ സ്വാമി ക്ഷേത്രത്തിന്റെ ഭരണം ഏറ്റെടുക്കാന്‍ തയ്യാറാണെന്ന് സുപ്രീംകോടതിയെ അറിയിച്ചിട്ടുണ്ടോ; എങ്കില്‍ നിലപാട് മാറ്റത്തിന്റെ കാരണം വ്യക്തമാക്കുമോ ; നിര്‍ദ്ദിഷ്ട ഭരണ സംവിധാനത്തില്‍ ക്ഷേത്ര സ്വത്ത് കൈകാര്യം ചെയ്യുന്നതിനും നിധി സൂക്ഷിക്കുന്നതിനും അവലംബിക്കുന്ന രീതി എന്താണെന്ന് വിശദമാക്കാമോ;

(സി)	സര്‍ക്കാരും മുന്‍ രാജകുടുംബവും തമ്മില്‍ ഒത്തുകളിക്കുകയാണെന്ന അമിക്കസ് ക്യൂറി റിപ്പോര്‍ട്ടിലെ ആക്ഷേപം ശ്രദ്ധയില്‍പ്പെട്ടിരുന്നോ; ഇതിന്മേൽ നിലപാട് വ്യക്തമാക്കുമോ?

*76.

ഉള്‍നാടന്‍ ജലാശയ വിനോദസഞ്ചാര കേന്ദ്രങ്ങളില്‍ സഞ്ചാരികളുടെ സുരക്ഷ

ശ്രീ.എന്‍. ഷംസുദ്ദീന്‍
,, പി.കെ.ബഷീര്‍
,, കെ.മുഹമ്മദുണ്ണി ഹാജി
,, കെ.എം.ഷാജി : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ഉള്‍നാടന്‍ ജലാശയ വിനോദ കേന്ദ്രങ്ങളില്‍ സഞ്ചാരികളുടെ സുരക്ഷയും സൗകര്യങ്ങളും ഉറപ്പു വരുത്താന്‍ സ്വീകരിച്ചിട്ടുള്ള നടപടികളുടെ വിശദവിവരം വ്യക്തമാക്കാമോ;

(ബി)	ഹൗസ് ബോട്ടുകള്‍ ഉള്‍പ്പെടെയുള്ള ജലയാനങ്ങള്‍ ഉപയോഗപ്പെടുത്തുന്ന വിനോദ സഞ്ചാരികള്‍ ചൂഷണം ചെയ്യപ്പെടാതിരിക്കാന്‍ എന്തൊക്കെ മുന്‍ കരുതലുകള്‍ സ്വീകരിച്ചിട്ടുണ്ടെന്ന് വ്യക്തമാക്കുമോ;

(സി)	ഈ സീസണില്‍ എത്രത്തോളം വിദേശ ടൂറിസ്റ്റുകളെ ഈ മേഖലയില്‍ പ്രതീക്ഷിക്കുന്നുണ്ടെന്ന് വിശദമാക്കുമോ?

*77.

കേന്ദ്ര സര്‍ക്കാരിന്റെ തൊഴില്‍ നിയമ പരിഷ്കരണം

ശ്രീ.എളമരം കരീം
,, സി.കൃഷ്ണന്‍
,, എം. ഹംസ
,, കെ.കെ.നാരായണന്‍ : താഴെ കാണുന്ന ചോദ്യങ്ങള്‍ക്ക് തൊഴിലും നൈപുണ്യവും വകുപ്പുമന്ത്രി സദയം മറുപടി നല്‍കുമോ:

(എ)	തൊഴിലാളികളുടെ കൂട്ടായ വിലപേശല്‍ ശക്തി ഇല്ല്ലാതാക്കാനും കരാര്‍വല്‍ക്കരണം വ്യാപകമാക്കാനും സ്ത്രീതൊഴിലാളികളെ തൊഴില്‍ മേഖലയില്‍ നിന്നു പുറന്തള്ളാനും കാരണമായേക്കാവുന്ന തൊഴില്‍ നിയമപരിഷ്കരണം കേന്ദ്ര സര്‍ക്കാര്‍ പരിഗണിക്കുന്ന കാര്യം ശ്രദ്ധയില്‍പ്പെട്ടിട്ടുണ്ടോ;

(ബി)	ഇത്തരത്തിലുള്ള പരിഷ്കരണം സംസ്ഥാനത്തെ തൊഴില്‍ മേഖലയില്‍ എന്ത് പ്രത്യാഘാതമുണ്ടാക്കുമെന്ന് പരിശോധിച്ചിട്ടുണ്ടോ;

(സി)	ഇത്തരം തൊഴിലാളി വിരുദ്ധ നിയമനിര്‍മ്മാണത്തോടുള്ള സംസ്ഥാനത്തിന്റെ നിലപാട് കേന്ദ്ര സര്‍ക്കാരിനെ അറിയിക്കാന്‍ തയ്യാറാകുമോയെന്ന് വിശദമാക്കാമോ?

*78.

അട്ടപ്പാടി ഗോത്രവിഭാഗ ശിശുമരണങ്ങൾ

ശ്രീ.ബി.ഡി. ദേവസ്സി
,, എ.കെ.ബാലന്‍
ശ്രീമതി.കെ.എസ്.സലീഖ
ശ്രീ.വി.ചെന്താമരാക്ഷന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ഈ സര്‍ക്കാര്‍ അധികാരത്തിലെത്തിയതിനുശേഷം അട്ടപ്പാടി മേഖലയില്‍ നടക്കുന്ന ഗോത്രവിഭാഗ ശിശുമരണങ്ങളുടെ കാരണം പഠിച്ചിട്ടുണ്ടോ; എങ്കില്‍ അതിന്റെ വിശദാംശം അറിയിക്കാമോ;

(ബി)	പ്രസ്തുത ശിശുമരണങ്ങൾ തടയാനായി ആരോഗ്യ വകുപ്പ് സ്വീകരിച്ച നടപടികള്‍ അറിയിക്കാമോ;

(സി)	ആരോഗ്യവകുപ്പിന്റെ ഭാഗത്തു വീഴ്ചകള്‍ ഉണ്ടായതായി വിലയിരുത്തിയിട്ടുണ്ടോ;എങ്കിൽ സ്വീകരിച്ച പരിഹാര നടപടികള്‍ അറിയിക്കാമോ?

*79.

വിനോദ സഞ്ചാരികളുടെ സുരക്ഷ

ശ്രീ.പി.സി. ജോര്‍ജ്
,, റോഷി അഗസ്റ്റിന്‍
ഡോ.എന്‍. ജയരാജ്
ശ്രീ.എം.വി.ശ്രേയാംസ്‌ കുമാര്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	അപകടസാധ്യതയുളള ടൂറിസം കേന്ദ്രങ്ങളെ സംബന്ധിച്ച് കൂടുതല്‍ നിരീക്ഷണം നടത്തിയിട്ടുണ്ടോ;

(ബി)	ടൂറിസം മേഖലയില്‍ അപകടസാധ്യതയുളള സാഹചര്യങ്ങളെക്കുറിച്ച് സഞ്ചാരികളെ ബോധവല്‍ക്കരിക്കുന്നതിന് നിലവില്‍ സംവിധാനങ്ങള്‍ ഏര്‍പ്പെടുത്തിയിട്ടുണ്ടോയെന്ന് വ്യക്തമാക്കുമോ;

(സി)	വിനോദ സഞ്ചാര മേഖലയുടെയും വിനോദ സഞ്ചാരികളുടെയും പരിപൂര്‍ണ്ണ സുരക്ഷ ഉറപ്പു വരുത്തുന്നതിനുളള കര്‍മ്മ പരിപാടികള്‍ക്ക് അടിയന്തര നിര്‍ദ്ദേശം നല്‍കുമോ; വിശദമാക്കുമോ?

*80.

കുടിവെള്ള പദ്ധതി

ശ്രീ.പി.എ.മാധവന്‍
,, കെ.ശിവദാസന്‍ നായര്‍
,, ജോസഫ് വാഴയ്ക്കൻ
,, ഡൊമിനിക് പ്രസന്റേഷന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് കുടിവെള്ള ലഭ്യത ഉറപ്പു വരുത്താനും ഗുണനിലവാരം മെച്ചപ്പെടുത്തുവാനും പദ്ധതി രൂപീകരിച്ചിട്ടുണ്ടോ; വിശദമാക്കുമോ;

(ബി)	പ്രസ്തുത പദ്ധതിയുടെ ഉദ്ദേശ്യലക്ഷ്യങ്ങളും സവിശേഷതകളും എന്തെല്ലാമാണ്;

(സി)	ആരെല്ലാമാണ് പ്രസ്തുത പദ്ധതിയുമായി സഹകരിക്കുന്നതെന്ന് വിശദമാക്കുമോ;

(ഡി)	ഇതിനായി എന്തെല്ലാം നടപടികള്‍ സ്വീകരിച്ചിട്ടുണ്ട്; വിശദാംശങ്ങള്‍ ലഭ്യമാക്കുമോ?

*81.

ശബരിമല തീ൪ത്ഥാടകരക്ക്‌ വേണ്ട അടിസ്ഥാന സൗകര്യങ്ങള്‍

ശ്രീ.സാജു പോള്‍
,, രാജു എബ്രഹാം
,, ബാബു എം. പാലിശ്ശേരി
,, കെ. ദാസന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ശബരിമല തീ൪ത്ഥാടകരുടെ സുഗമമായ യാത്രയ്ക്കും ദ൪ശനത്തിനും വേണ്ട അടിസ്ഥാന സൗകര്യങ്ങള്‍ വ൪ദ്ധിപ്പിക്കാനായി ഈ വ൪ഷം ചെയ്ത കാര്യങ്ങള്‍ എന്തൊക്കെയാണെന്നറിയിക്കാമോ;

(ബി)	ക്യൂ കോപ്ലക്സുകളുടെ വിപുലീകരണം നടത്തിയോ; എങ്കില്‍ അതിന്റെ വിശദാംശം അറിയിക്കാമോ;

(സി)	ശബരിമലയിലേക്കുളള റോഡുകള്‍ ഗതാഗതയോഗ്യമാക്കണമെന്ന് ഹൈക്കോടതി നി൪ദ്ദേശിച്ചിരുന്നോ; സ൪ക്കാ൪ സംവിധാനം പരാജയപ്പെട്ടിട്ടുണ്ടോ ; കാരണം വിലയിരുത്തിയോ;

(ഡി)	റോഡു നി൪മ്മാണത്തിലെ നിലവാരമില്ലായ്മയാണ് വ൪ഷാവ൪ഷം വ൯തുക റോഡു നന്നാക്കാനായി ചെലവിടേണ്ടി വരുന്നതിനു കാരണമെന്ന കാര്യം പരിശോധിച്ചിട്ടുണ്ടോ; ഇത്തരം കരാറുകാരില്‍ നിന്ന് ഖജനാവിന് വരുന്ന നഷ്ടം ഈടാക്കാ൯ നടപടി സ്വീകരിക്കുമോയെന്ന് വിശദമാക്കുമോ

*82.

കായലുകള്‍ തടാകങ്ങള്‍ ചിറകള്‍ എന്നിവയുടെ സംരക്ഷണം

ശ്രീ.കെ.എം.ഷാജി
,, എം.ഉമ്മര്‍
,, കെ.മുഹമ്മദുണ്ണി ഹാജി
,, പി.ബി. അബ്ദുൾ റസാക് : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	കേരള സംസ്ഥാന രൂപീകരണശേഷം സംസ്ഥാനത്തെ കായലുകള്‍, തടാകങ്ങള്‍, ചിറകള്‍ എന്നിവയുടെ വിസ്തൃതിയില്‍ ഉണ്ടായ കുറവ് എത്രത്തോളമാണെന്ന് കണ്ടെത്താന്‍ ഏതെങ്കിലും വിധത്തിലുള്ള പരിശോധനകള്‍ നടന്നിട്ടുണ്ടോ; എങ്കില്‍ വിശദമാക്കുമോ;

(ബി)	1924-ലെ സര്‍വ്വേ ഓഫ് ഇന്‍ഡ്യ പ്രകാരമുള്ള കണക്കിന്റെ അടിസ്ഥാനത്തില്‍, വിസ്തൃതിയില്‍ എത്രത്തോളം കുറവുണ്ടായിട്ടുണ്ടെന്നും, ശതമാനക്കണക്ക് എത്രയാണെന്നും വ്യക്തമാക്കുമോ;

(സി)	അനധികൃത കൈയ്യേറ്റങ്ങള്‍ ഒഴിപ്പിക്കുന്നതിനും, അതിരുകള്‍ ജൈവവേലി തീര്‍ത്ത് സുരക്ഷിതമാക്കുന്നതിനും നടപടി സ്വീകരിക്കുമോ?

*83.

കരള്‍മാറ്റ ശസ്ത്രക്രിയ

ശ്രീ.എം.പി.വിന്‍സെന്‍റ്
,, പി.സി വിഷ്ണുനാഥ്
,, ഷാഫി പറമ്പില്‍
,, ലൂഡി ലൂയിസ് : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	സംസ്ഥാനത്ത് ഗവണ്‍മെന്റ് മെഡിക്കല്‍ കോളേജുകളിൽ കരള്‍മാറ്റ ശസ്ത്രക്രിയ ആരംഭിക്കുന്നുണ്ടോ;

(ബി)	ഏതെല്ലാം മെഡിക്കല്‍ കോളേജുകളിലാണ് കരള്‍മാറ്റ ശസ്ത്രക്രിയ ചെയ്യുവാന്‍ സൗകര്യമുള്ളത്;

(സി)	സംസ്ഥാനത്ത് എത്ര രോഗികള്‍ കരള്‍മാറ്റ ശസ്ത്രക്രിയക്കായി രജിസ്റ്റര്‍ ചെയ്തിട്ടുണ്ട്;

(ഡി)	കരള്‍മാറ്റ ശസ്ത്രക്രിയ എല്ലാ മെഡിക്കല്‍ കോളേജുകളിലും ആരംഭിക്കുന്നതിന് നടപടി സ്വീകരിക്കാമോ?

*84.

മുല്ലപ്പെരിയാര്‍ മേൽനോട്ടസമിതിയുടെ ചുമതലകൾ

ശ്രീ.എസ്.രാജേന്ദ്രന്‍
,, എം.എ.ബേബി
,, ഇ.പി.ജയരാജന്‍
,, ജി.സുധാകരന്‍ : താഴെ കാണുന്ന ചോദ്യങ്ങള്‍ക്ക് ജലവിഭവ വകുപ്പുമന്ത്രി സദയം മറുപടി നല്‍കുമോ:

(എ)	സുപ്രീംകോടതി നിര്‍ദ്ദേശപ്രകാരം നിയമിച്ച മുല്ലപ്പെരിയാര്‍ മേൽനോട്ട സമിതിയുടെ ചുമതലകള്‍ എന്തൊക്കെയാണെന്ന് അറിയിക്കാമോ;

(ബി)	പ്രസ്തുത സമിതി അതിന്റെ ചുമതലകള്‍ നിഷ്‍പക്ഷമായാണോ നിര്‍വ്വഹിക്കുന്നതെന്നകാര്യം പരിശോധിച്ചിട്ടുണ്ടോ;

(സി)	സമിതി ഏകപക്ഷീയമായി പ്രവര്‍ത്തിക്കുമ്പോഴും ബന്ധപ്പെട്ട അധികാര കേന്ദ്രങ്ങൾ പുലർത്തുന്നതായി പറയപ്പെടുന്ന നിസ്സംഗത സംസ്ഥാന താല്‍പര്യം ഹനിക്കാനിടയാക്കിയെന്ന ആക്ഷേപം പരിശോധിച്ചിട്ടുണ്ടോ;

(ഡി)	ജനങ്ങളുടെ ആശങ്ക അകറ്റാനും സുരക്ഷിതത്വം ഉറപ്പാക്കാനും സ്വീകരിച്ച നടപടികള്‍ അറിയിക്കാമോ?

*85.

ആശുപത്രികളിലെ മരുന്നു ക്ഷാമം

ശ്രീ.സി.ദിവാകരന്‍
ശ്രീമതി.ഗീതാ ഗോപി
ശ്രീ.ജി.എസ്.ജയലാല്‍
,, മുല്ലക്കര രത്നാകരന്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	മെഡിക്കല്‍ കോളേജ് മുതല്‍ പ്രാഥമികാരോഗ്യ കേന്ദ്രം വരെയുള്ള ആശുപത്രികളില്‍ മരുന്നു ക്ഷാമം നേരിട്ടുകൊണ്ടിരിക്കുന്ന വിവരം ശ്രദ്ധയില്‍പ്പെട്ടിട്ടുണ്ടോ ; ഉണ്ടെങ്കില്‍ ഇത് പരിഹരിക്കുന്നതിനായി എന്തെല്ലാം നടപടികളാണ് സ്വീകരിച്ചിട്ടുള്ളതെന്ന് വ്യക്തമാക്കുമോ;

(ബി)	ആശുപത്രികളില്‍ ഗുണനിലവാരം ഉറപ്പാക്കാതെ മരുന്നുകള്‍ വിതരണം ചെയ്തിട്ടുണ്ടോ; ഉണ്ടെങ്കില്‍ എന്തുകൊണ്ടാണ് ഇപ്രകാരം സംഭവിച്ചിട്ടുള്ളതെന്ന് വിശദമാക്കുമോ;

(സി)	യഥാസമയം വിതരണം ചെയ്യാത്തതു മൂലം കോടിക്കണക്കിന് രൂപയുടെ മരുന്നുകള്‍ നശിപ്പിക്കേണ്ടി വന്നിട്ടുണ്ടോ;വിശദമാക്കുമോ?

*86.

അവശ്യ മരുന്നുകളുടെ വില നിയന്ത്രണം

ശ്രീ.ഇ.കെ.വിജയന്‍
,, വി.എസ്.സുനില്‍ കുമാര്‍
,, കെ.രാജു
,, വി.ശശി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	അവശ്യ മരുന്നുകളുടെ വില നിയന്ത്രിക്കാനുള്ള നാഷണല്‍ അതോറിറ്റിയുടെ പ്രത്യേക അധികാരം കേന്ദ്ര സര്‍ക്കാര്‍ എടുത്തു കളഞ്ഞതു മൂലമുണ്ടായിട്ടുള്ള സാഹചര്യം വിലയിരുത്തിയിട്ടുണ്ടോ;

(ബി)	മരുന്നുകള്‍ക്ക് കൃത്രിമക്ഷാമം സൃഷ്ടിച്ച് അമിതവില ഈടാക്കി രോഗികളെ ചൂഷണം ചെയ്യാനുള്ള നീക്കങ്ങള്‍ക്കെതിരെ എന്തെല്ലാം മുന്‍കരുതല്‍ നടപടികള്‍ സ്വീകരിച്ചു വരുന്നുണ്ടെന്ന് വെളിപ്പെടുത്തുമോ;

(സി)	രോഗികള്‍ക്ക് കുറഞ്ഞ നിരക്കില്‍ മരുന്നുകള്‍ എത്തിച്ചു കൊടുക്കുന്നതിനുള്ള എന്തെങ്കിലും സംവിധാനങ്ങള്‍ കാര്യക്ഷമമായി പ്രവര്‍ത്തിക്കുന്നുണ്ടോ ;വിശദമാക്കുമോ?

*87.

അട്ടപ്പാടിയിലെ ശിശുമരണം

ശ്രീമതി.കെ.എസ്.സലീഖ
ശ്രീ.കെ.രാധാകൃഷ്ണന്‍
,, കെ.വി.വിജയദാസ്
,, കെ.വി.അബ്ദുൽ ഖാദര്‍ : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	അട്ടപ്പാടിയില്‍ വര്‍ദ്ധിച്ച തോതില്‍ പട്ടിക ഗോത്രവര്‍ഗ്ഗ ശിശുമരണം തുടരുന്നതിന്റെ കാരണം വിലയിരുത്തിയിട്ടുണ്ടോ ; എങ്കില്‍ ആയത് വിശദമാക്കുമോ ;

(ബി)	ആരോഗ്യ വകുപ്പിന്റെ പ്രവര്‍ത്തനം നിഷ്‌ഫലമായിട്ടുണ്ടോ; കാരണങ്ങള്‍ അറിയിക്കുമോ ;

(സി)	എന്തൊക്കെ അടിയന്തര / ഹ്രസ്വകാല / ദീര്‍ഘകാല പരിപാടികളാണ് നടപ്പാക്കാനുദ്ദേശിക്കുന്നത് ; വിശദമാക്കുമോ;

(ഡി)	മേൽ പശ്ചാത്തലത്തില്‍ പ്രസ്തുത പരിപാടികളുടെ മേല്‍നോട്ടം മന്ത്രിതല സമിതിയെ ഏല്പിക്കാന്‍ തയ്യാറാകുമോ ; വിശദാംശം ലഭ്യമാക്കുമോ ?

*88.

ശബരിമല തീര്‍ത്ഥാടകര്‍ക്ക് ഒരുക്കിയിരിക്കുന്ന സൗകര്യങ്ങള്‍

ശ്രീ.മോന്‍സ്‌ ജോസഫ്
,, സി.എഫ്.തോമസ്
,, തോമസ് ഉണ്ണിയാടന്‍
,, റ്റി.യു. കുരുവിള : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ശബരിമല തീര്‍ത്ഥാടകര്‍ക്ക് ഒരുക്കിയിരിക്കുന്ന സൗകര്യങ്ങള്‍ എന്തെല്ലാമെന്ന് വ്യക്തമാക്കുമോ;

(ബി)	ശബരിമല തീര്‍ത്ഥാടകര്‍ അപകടത്തില്‍പ്പെടുന്നത് ഒഴിവാക്കാന്‍ ആവശ്യമായ സൈന്‍ ബോര്‍ഡുകള്‍ സ്ഥാപിക്കുക, വാഹനപരിശോധന കര്‍ശനമാക്കുക , പോലീസിന്റെ സേവനങ്ങള്‍ എന്നിവയ്ക്കായി കൂടുതല്‍ നടപടികള്‍ സ്വീകരിക്കുമോ; എങ്കില്‍ വിശദാംശങ്ങള്‍ നല്‍കുമോ;

(സി)	തീര്‍ത്ഥാടകര്‍ക്ക് ആരോഗ്യ സേവനങ്ങളും , ഇടത്താവളങ്ങളില്‍ കൂടുതല്‍ സൗകര്യങ്ങളും നല്‍കുന്നതിന് നടപടികള്‍ ഉണ്ടാകുമോ?

*89.

ബയോമെഡിക്കല്‍ വേസ്റ്റിന്റെ കാര്യക്ഷമമായ വികേന്ദ്രീകൃത ട്രീറ്റ്മെന്റ്

ശ്രീ. എന്‍ .എ.നെല്ലിക്കുന്ന്
,, റ്റി.എ.അഹമ്മദ് കബീര്‍
,, വി.എം.ഉമ്മര്‍ മാസ്റ്റര്‍
,, സി.മമ്മൂട്ടി : താഴെ കാണുന്ന ചോദ്യങ്ങള്‍ക്ക് ആരോഗ്യവും കുടുംബക്ഷേമവും ദേവസ്വവും വകുപ്പുമന്ത്രി സദയം മറുപടി നല്‍കുമോ:

(എ)	ബയോമെഡിക്കല്‍ വേസ്റ്റിന്റെ കാര്യക്ഷമമായ വികേന്ദ്രീകൃത ട്രീറ്റ്മെന്റ് സംബന്ധിച്ച് കൊച്ചി സര്‍വ്വകലാശാലയിലെ ശാസ്ത്രജ്ഞര്‍ ആവിഷ്ക്കരിച്ച പുതിയ പദ്ധതിയുടെ വിശദാംശം ശ്രദ്ധയില്‍ വന്നിട്ടുണ്ടോ ;

(ബി)	എങ്കില്‍ ഇക്കാര്യത്തില്‍ എന്തു നടപടി സ്വീകരിച്ചു എന്ന് വ്യക്തമാക്കുമോ ;

(സി)	പ്രസ്തുത സംവിധാനം എവിടെയെങ്കിലും പരീക്ഷിച്ചു നോക്കിയതായി അറിവുണ്ടോ ; എങ്കില്‍ ഫലമെന്താണെന്ന് വെളിപ്പെടുത്തുമോ ;

(ഡി)	പ്രസ്തുത ടെക്നോളജി ഫലപ്രദമാണെങ്കില്‍ സംസ്ഥാനത്ത് ഒട്ടാകെ നടപ്പാക്കാന്‍ നടപടി സ്വീകരിക്കുമോയെന്ന് വിശദമാക്കുമോ?

*90.

ടൂറിസം മേഖലയിലെ കേന്ദ്രാവിഷ്കൃത പദ്ധതികള്‍

ശ്രീ.കെ.കുഞ്ഞിരാമന്‍ (ഉദുമ)
,, കെ.കുഞ്ഞമ്മത് മാസ്റ്റര്‍
,, പുരുഷന്‍ കടലുണ്ടി
,, എം.ചന്ദ്രന്‍ : താഴെ കാണുന്ന ചോദ്യങ്ങള്‍ക്ക് പട്ടികജാതി പിന്നോക്കസമുദായ ക്ഷേമവും വിനോദസഞ്ചാരവും വകുപ്പുമന്ത്രി സദയം മറുപടി നല്‍കുമോ:

(എ)	ടൂറിസം മേഖലയില്‍ അനുവദിച്ച കേന്ദ്രാവിഷ്കൃത പദ്ധതികളുടെ വിശദാംശം അറിയിക്കാമോ;

(ബി)	ഈ പദ്ധതികളുടെ പുരോഗതി വിശദമാക്കുമോ;

(സി)	പദ്ധതി നടത്തിപ്പിലെ അലംഭാവം കേന്ദ്ര പദ്ധതികള്‍ നഷ്ടപ്പെടാനും ലഭിച്ച തുക തിരിച്ചു നല്‍കാനും ഇടയാക്കുമെന്നതിനെക്കുറിച്ച് പരിശോധന നടത്തിയിരുന്നോ; വിശദാംശം ലഭ്യമാക്കാമോ;

(ഡി)	കേന്ദ്ര സര്‍ക്കാര്‍ അനുവദിച്ച ഏതെങ്കിലും ടൂറിസം പദ്ധതി തുക തിരികെ നല്‍കേണ്ടതായി വന്നിട്ടുണ്ടോ; വിശദാംശങ്ങള്‍ ലഭ്യമാക്കാമോ?

<<back

Website maintained by Information System Section, Kerala Legislative Assembly, Thiruvananthapuram.